Mi Nɔnɔle 27:21 - Kazambale lé Sebe Sauunu 1979

²¹ É a lé é go Balebanzan Éléazaa va, yé ’bɛ é dan alé wenu laa lɛ urim lee Gakelebale ’lɛ, yé ’bɛ é dan a ma we fe lɛ, yé Jozué koo, Izraɛl munu faa koo, wo dan go lɛ Éléazaa dére ta, yé wo dan da lɛ a dére ta.

Mi Nɔnɔle 27:21 ပူးပေါင်းရင်းမြစ်များ

2 Samuɛl 21:1

David bléyi va lɔrɔ dɔ tɛrɛ la lɛɛ yaa. David Gakelebale yara gini yé Gakelebale léé: Saul valé élé kɔngimunu, mi nyɛzanamunu lé we ma lé. É Gabaɔn munu gyɛ, azama.

Ezidras 2:63

yé wo nwiinzan segele lé wo lɛ léé, té ’wo Bale ’lɛfɛ plɛplɛ ble lo fɔɔ yé Balebanzan do é we laa urim valé tumim lee.

Néémi 7:65

yé gbɔrɔnama lé wo lɛ léé, té ’wo Bale ’lɛfɛ plɛplɛ ble lo fɔɔ yé Balebanzan do é we laa urim valé tumim lee.

Fwile 28:30

I dan urim valé tumim pa lɛ golɛgiweblefɛ ma, yé dé Arɔn go Gakelebale ’lɛ, ’té wa a bli ta. ’Bɛ zo lé, dé Arɔn go Gakelebale ’lɛ, ’té éé goo Izraɛl lé nénu lé weblele nya é bli ta yifaama.

Lévinu 8:8

É golɛgiweblefɛ pa a ta yé é urim valé tumim vɔ a ta.

Malasi 2:7

Balebanzannu a lai sunyanu lé Gakelebale lé nwunvɔzannu nya. Bale wo nwunvɔ léé, munu ’é wedɔɔle ’ma wo ’léé, yé ’wo bélidɔwe gi laa wo lee.

Mi Nɔnɔle 27:17

’té éé goo, ’té éé dan wo yuɛ va, ’té éé goo wo nya, ’té éé dan wo nya, léé, té Gakelebale lé munu é vo bélé ’blanu lé wo tabinzan ’ka lo, wo zo lo.

Mi Nɔnɔle 27:2

Lomu ’ko da Moizi koo, Balebanzan Éléazaa koo, minwiinzannu valé munu faa koo, wo va, zén‐ékevasɔkɔn ’léé. Wo léé:

Mi Nɔnɔle 27:20

A se a bii lɛ fɛan zo, bé se kɛlɛ a lɛ a zo, léé, Izraɛlnu faa ’wo tɔné dɔ a lɛ.

Mi Nɔnɔle 27:22

We lé Gakelebale a fe Moizi lɛ, é a kɛlɛ. É Jozué si yé é a dɔ Balebanzan Éléazaa valé munu faa ’lɛ.

Mi Nɔnɔle 27:5

Moizi go we ’ko laa lɛ Gakelebale lee.

Bélidɔwesɛbɛ Fiézan 31:3

Gakelebale, kalé Bale bozen é dan tawo lɛ ka ’lɛ, é dan bɛn ’konu kulu ga lɛ ka ’lɛ, yé é dan ka kɛlɛ lɛ wo nwiinzannu nya. Jozué é ziin, ’bɛ é dan tawo lɛ ka ’lɛ, Gakelebale a fe fɛan zo, a zo.

Bélidɔwesɛbɛ Fiézan 33:8

É lé Lévi lé we ma léé: Tumim valé urim, wo bɛ a é pale mi sauun lé, I a gi dan Masa ’Té ka za kɛlɛ a nya Mériba lé ’yinu sɔnɔ bɛ, a lee.

Jozué 9:14

Izraɛl munu wolé tawofɛnu si yé wo ’ka a gi laa lɛ Gakelebale lee lo.

Weblezannu 1:1

Jozué gale zuo, Izraɛl lé nénu we laa Gakelebale lee léé: Ko va mi kyɛɛn ɛ dan nwa lɛ é vinin gulidanle Kanaannu va we maa?

Weblezannu 20:18

Yé Izraɛlnu nwa yé wo go loru zia Bétɛl yé wo we zuo laa Bale lee léé: Ko va mi kyɛn ɛ dan go lɛ é vinin gulidanle we gi Bɛnjamɛn kulunu vaa? Gakelebale a zi pa léé: Juda ɛ go é vinin.

Weblezannu 20:23

Yé Izraɛl lé nénu nwa yé wo yiri vɔ wuvɔle nya Gakelebale lɛ; wo we laa Gakelebale lee léé: É a lé an bié an ’lɛ é ziin mi, gulidanle we gi an bwe Bɛnjamɛn vaa? Gakelebale a zi pa léé: ’Ka nwa a ma.

1 Samuɛl 14:19

Saul a we fena Balebanzan lɛ bléyian va, Filisitinu lé gulimabɛnna vun wele gi go gyɛle nya, yé Saul lé Balebanzan lɛ léé: ’I bɛ si ana.

1 Samuɛl 23:9

David Saul’wuogibɔrɔmawe naané dɔɔ, yé é lé Balebanzan Abiataa lɛ léé: ’I da éfɔdi nya.

1 Samuɛl 28:6

Saul we laa Gakelebale lee; yé dé é a nyɛ fla nyaoo, dé é a urim nyaoo, dé é a balelayezannu nyaoo, Gakelebale ’ka a zi pa lɛ ’bɛ do nya lo.

1 Samuɛl 30:7

É lé Balebanzan Asimélɛk be Abiataa lɛ léé: ’I da éfɔdi nya an lɛ. Abiataa da a nya a lɛ.