Mi Nɔnɔle 27:18 - Kazambale lé Sebe Sauunu 1979

¹⁸ Gakelebale lé Moizi lɛ léé: Nɛn be Jozué lé Léli ke a gi, bé si, yé ’i bɛ pla a ta.

Mi Nɔnɔle 27:18 ပူးပေါင်းရင်းမြစ်များ

Wepélisiananu 41:38

Yé Faraɔn lé é wuomunu lɛ léé: Ko mi bɛ yé bélé mi ’ko zo, ’té Bale léli a a gii?

Minwiinzannu lé Wezuofe Sɛbɛ 7:27

’bɛ be Nɛn; ’bɛ be Jozué.

Fwile 17:9

Yé Moizi lé Jozué lɛ léé: ’I munu si a va, ’i go, ’i guli dan Amalɛk munu va; tɛlɛ maa dan dɔ lɛ gɔ nwiin Kazambale lé tawomayili nya an lee.

Daniɛl 5:14

Maa a ’ma i ma léé, balenu léli a i gi, yé i va a é kinile, yé i gi kini, yé wedɔɔle lé a glɛ ’ka lo, é a i gi.

Mi Nɔnɔle 11:17

Maa dan zun lɛ ’bɛna yé maa dan we fe lɛ i lɛ, yé bli lé é ke i gi, maa dan ’bɛ zoɛ bli vɔ lɛ wo gi, léé, wo bɔ i va munu ’ko kɔné sile nya, té i kɔné ’ko si i do lo we ma.

Mi Nɔnɔle 13:16

Munu lé Moizi wo nwunvɔ tɛrɛ naginile we ma, wo tɔnu lé ke bɛ. Moizi Nɛn be Oozé tɔ do pa Jozué.

Mi Nɔnɔle 13:8

Éfraim gɔnɔ gi, Nɛn be Oozé lé.

Mi Nɔnɔle 27:23

É ’é bɛ pla a ta, yé é wenu pla a lɛ, fɛan zo lé Gakelebale a fe a lɛ Moizi lɔlu nya, a zo.

WENÉNÉ LE JAN A GYE (Évangile selon Jean) 3:34

Naa, Kazambale ’ka ’é Léli nɔle glɛ dɔ lɛ a lɛ lo; bɛwemalé, mi lé Kazambale a pa zia, Kazambale dérenu lé éé a fé.

Kelewenu 13:3

Lɔrɔ sɔnle valé bazorole zuo, wo bɛnu pla wo ta, yé wo zi nɔ wo lɛ yé wo go.

Kelewenu 19:6

Pɔl é bɛ pla aan wo wo ta, Léli Sauun vɔ wo ta, yé wo we fe dére bɛnu gi yé wo balelawe fe.

Kelewenu 6:3

Bɛwemalé, bwenu, ’ka ka va mi sɔrafié si a va, munu lé woo wo ma we zin fé, wo nya, ’té Léli Sauun ke wo ta, ’té wo we dɔɔ, yé ko nyanama ’ko bɛ pa wo lee.

Kelewenu 6:6

Wo go wo nya nwunvɔzannu va. Dé ’bɛnu bazoro faa yé ’bɛnu ’wo bɛ pla wo ta.

Bélidɔwesɛbɛ Fiézan 1:37

Kalé we ma lé Gakelebale bli fli maa ma é ziin, yé é léé, maa é ziin, maa ’ka dan wɔra lɛ ana lo.

Bélidɔwesɛbɛ Fiézan 3:21

’Bɛ yi la, maa a fe Jozué lɛ léé, we faa lé Gakelebale, kalé Bale a kɛlɛ minwiinzan fié ’konu lɛ, i ’bɛna ye. Tɛrɛnu faa lé ka dan nwa lɛ wo ma, a zo duo lé Gakelebale é dan a kɛlɛ lɛ wo lɛ.

Bélidɔwesɛbɛ Fiézan 3:28

É léé, ’maa we fe Jozué lɛ, ’maa fuu dɔ ’bɛ ta, ’maa ’bɛ dɔ gligli; naa, yee ɛ dan tawo lɛ munu ’konu ’lɛ yé tɛrɛ lé maa a ye bɛ, yee ɛ dan a nɔ lɛ wo lɛ wozé nya. A zo lé Gakelebale a fe an lɛ.

Bélidɔwesɛbɛ Fiézan 31:14

Gakelebale lé Moizi lɛ léé: Bé gini, i gabléyi bɔ é pu. ’I Jozué laa, yé ’ka da a nya zén‐ékevasɔkɔn gi. Maa dan an dére fe lɛ a lɛ. Moizi valé Jozué go zén‐ékevasɔkɔn gi,

Bélidɔwesɛbɛ Fiézan 31:23

Gakelebale é dére ’konu vo Nɛn be Jozué va. É léé: ’Ibo dɔ gligli, ’i bli ta dɔ plɛplɛ, naa, bii ɛ dan go lɛ Izraɛl nya, tɛrɛ lé maa anbo ’nyɔɔn léé, maa dan a nɔ lɛ wo lɛ, a ta; yé maaboen é dan kɛlɛ lɛ i va.

Bélidɔwesɛbɛ Fiézan 31:3

Gakelebale, kalé Bale bozen é dan tawo lɛ ka ’lɛ, é dan bɛn ’konu kulu ga lɛ ka ’lɛ, yé é dan ka kɛlɛ lɛ wo nwiinzannu nya. Jozué é ziin, ’bɛ é dan tawo lɛ ka ’lɛ, Gakelebale a fe fɛan zo, a zo.

Bélidɔwesɛbɛ Fiézan 34:9

Moizi é bɛ pla Nɛn be Jozué ta, amalé é fan wedɔɔle baba nya. Izraɛl munu a lɛdɔama, yé dére lé Gakelebale a fe Moizi lɛ, wo a ta tawo.

1 Timoté 4:14

Blɛ lé Bale a kɛlɛ i lɛ léglizigimi segelenu bɛnu plale i ta valé balelawefele nya, té i yara si a ta lo.

1 Timoté 5:22

Té i bɛnu pla mi do ta é kele a dɔle mi zilɛzan nya we gi lo, dé alé wenyanénu é da dɔ i nwiin. Biibozen, ’i vo sauun.

Jozué 1:17

Ko dan i lɛdɔ lɛ a ma tegele fɛan zo lé ko Moizi lɛdɔama, a zo. Naa, Gakelebale izé Bale ’é kɛlɛ i va ma, fɛan zo lé é kɛlɛ Moizi va, a zo ma.

Weblezannu 11:29

Gakelebale Léli a Jɛfeté ta. É gié Galaad tɛrɛ valé Manasé tɛrɛ ta; é go Misipé, Galaad tɛrɛ la; é si Misipé, Galaad tɛrɛ la yé é zén zia Amɔn munu ma.

Weblezannu 3:10

Gakelebale Léli a a ta. É kinin Izraɛl lé weblezan nya, yé é go guli dan lɛ. Gakelebale Mézopotami nwiinzan Kusan‐Riséataim pa a lee, yé a bɛ plɛplɛ mini Kusan‐Riséataim lɛ.

1 Samuɛl 16:18

A wuomunu va mi do léé: Bé ye, maa Bɛtléɛm mi Izai be do ye, yé é kɔnɔ gyɛle dɔɔ; é a mi plɛplɛ nya é ziin, nyanazan nya, gulidanzan nya, éé we fé é zima yé a yara a nɔnɔmi yé Gakelebale a a va.