Mi Nɔnɔle 27:13 - Kazambale lé Sebe Sauunu 1979

¹³ I dan a ye lɛ i yuɛ nya é pla, naa, bii é ziin, i dan go lɛ i tranu va, bélé fɛan zo lé i bwe Arɔn go wo va, a zo.

Mi Nɔnɔle 27:13 ပူးပေါင်းရင်းမြစ်များ

Wepélisiananu 25:17

Ismaɛl lɛɛ kɛlɛ lɛɛ yɔ suiɛdo wɔlɛ vu ta sɔrafié. É ga, yé é go élé munu va.

Wepélisiananu 25:8

Abraam ga é kwa ta gi nanale nya. É a kwa yé a lɛɛ kɛlɛ kiɛre yé é go élé munu va.

Mi Nɔnɔle 31:2

’bɛ zuo yé i dan go lɛ ilé munu va.

Mi Nɔnɔle 33:38

Balebanzan Arɔn vo Ori gɔ nwiin, dére lé Gakelebale a fe, a yɛrama, yé wo sile Éjipiti tɛrɛ la zuo lɛɛ yɔ fié ’é ta lé moné soruzan lé yi vinin nya, é ga.

Bélidɔwesɛbɛ Fiézan 1:37

Kalé we ma lé Gakelebale bli fli maa ma é ziin, yé é léé, maa é ziin, maa ’ka dan wɔra lɛ ana lo.

Bélidɔwesɛbɛ Fiézan 10:6

Izraɛl lé nénu si Béérɔt‐Bɛné‐Jaakan yé wo go Mozéra. ’Bɛna lé Arɔn ga yé wa pa; wo a be Éléazaa bɛ pa Bale banle ta a pa gi.

Bélidɔwesɛbɛ Fiézan 31:14

Gakelebale lé Moizi lɛ léé: Bé gini, i gabléyi bɔ é pu. ’I Jozué laa, yé ’ka da a nya zén‐ékevasɔkɔn gi. Maa dan an dére fe lɛ a lɛ. Moizi valé Jozué go zén‐ékevasɔkɔn gi,

Bélidɔwesɛbɛ Fiézan 31:16

Gakelebale lé Moizi lɛ léé: Bé gini, i dan yi gyɛ lɛ i tranu va. Yé munu ’ko é dan nwa lɛ yé bɔrɔdɛ le éé goo gɔnénu zuo fɛan zo, wo dan go lɛ bale bɛnu zuo a zo, tɛrɛ lé wo dan bɔ lɛ a ta, ana. Wo dan sɔn vɔ lɛ an ma, yé anlé gipawe lé maa a kɛlɛ wo va, wo dan a sɛrɛ lɛ.

Bélidɔwesɛbɛ Fiézan 32:50

Gɔ ’ko lé i dan go lɛ a gié lɛ bɛ, i dan ga lɛ a nwiin, yé i dan go lɛ ilé munu va, bélé i bwe Arɔn zo; ’bɛ ga Ori gɔ nwiin, yé ’bɛ go élé munu va.

Bélidɔwesɛbɛ Fiézan 4:22

Amalé maa dan ga lɛ tɛrɛ ’ko la ’ko; maa ’ka dan Juudɛn kini lɛ lo; naa, ka dan a kini lɛ yé tɛrɛ zin bɛ, é dan kɛlɛ lɛ kazé nya.