Mi Nɔnɔle 26:10 - Kazambale lé Sebe Sauunu 1979

¹⁰ Tɛrɛ lɛ so, yé é wo valé Korénu mini, bléyian va lé zén‐ékevamunu ga, ’té kyɛ mi wuru do yɔ fié wɔlɛ vu ble. We ’ko kɛlɛ weplale munu lɛ nya.

Mi Nɔnɔle 26:10 ပူးပေါင်းရင်းမြစ်များ

Fwile 16:35

Izraɛl lé nénu mana ble lɛɛ yɔ fié, fɔɔ yé wo bɔ tɛrɛ lé munu nyanaan a ta, ana; wo mana ble fɔɔ yé wo bɔ Kanaan tɛrɛ glɛ la.

Jérémi 29:22

Wo dan bale pa lɛ mi ma wo tɔ nya Judanu faa lé wo ke luu gi Babilɔn, wo va. Wo dan a fe lɛ léé: Fɛan zo lé Babilɔn nwiinzan blɛn Sédésias valé Akab vɔ kyɛ va é yuɛma, Gakelebale ’é izé kɛlɛ a zo ma.

Ézékiɛl 14:8

Maa dan an nwunzi dɔ lɛ ’bɛzan ta, maa dan a kɛlɛ lɛ tɔmase nya; yé maa dan a kɛlɛ lɛ wegɔné vɔmafɛ nya. Maa dan a kulu ga lɛ anlé munu méléna, yé ka dan a gi dɔɔ lɛ léé, maa ɛ ke Gakelebale nya.

Mi Nɔnɔle 16:2

Wo nwa Moizi ma, ’wo valé Izraɛlnu wuru do yɔ fié wɔlɛ vu nya; ’bɛnu a mi blɛnnu nya, wa weplamilɛmunu nya, tɔ blɛnzannu nya.

Mi Nɔnɔle 16:38

Munu lé wobo bɔra gale lɛ wolé wenyané ma bɛ, ’i wolé kyɛnyɛsibɔnu si, yé ’i wo panu dɔ yé ’i wo bua balebanna ta. Wo wo dɔ Gakelebale ’lɛ, yé wo wo pa é yɛrama Bale zé nya, amalé wenu lé wo bɔ, wo dan kɛlɛ lɛ wo sele dɔ Izraɛlnu gifɛnu nya.

Mi Nɔnɔle 17:3

’I wo tɔ gyɛ wolé tawomayili ma do do, yé ’i Arɔn tɔ gyɛ Lévi lé yili ma, naa, é a lé kɔn do do nwiinzan zé é kɛlɛ do do.

Mi Nɔnɔle 27:3

Ko ti ga bwi gi; Koré lé palu lé wo nwa Gakelebale ma, é ’ka wo va lo, naa, alé wenyané ma lé é ga, yé alé négɔné do kpen ’ka lo.

Bélidɔwesɛbɛ Fiézan 11:6

we lé é a kɛlɛ Rubɛn be Éliab, ’bɛ benu Datan valé Abiram lɛ, tɛrɛ ’é lɛ so yé é wo mini fɛan zo, ’wo valé wolé kɔnnu valé wolé fɛnu faa nya Izraɛl munu méléna, a sele ’é dɔ ka gi ma;

Bélidɔwesɛbɛ Fiézan 28:46

Balepadére ’konu é dan kɛlɛ lɛ tɔmasenu valé we blɛnblɛnnu nya ka valé ka kulunu lɛ lɛɛfaama.

2 Piɛri 2:6

Bale sɛrɛle dɔ Sɔdɔm valé Gɔmɔɔ nwiin yé é wo kinin kyɛyee nya; é we ’ko kɛlɛ, léé, Bale lé zi ma wenyané fezannu lé wo dan bɔra lɛ bɛ, dé wo we ’ko ’ma, yé wo ’ka dan wozé kɛlɛ lɛ ’bɛ zo lo.

SEBE LÉ JUD A GYE (Épitre de Jude) 1:7

Yé Sɔdɔm koo, Gɔmɔɔ koo, wo sɔnɔ flanu koo, wolé we sele ’é dɔ ka gi é ziin. Wenyané lé lanjenu a kɛlɛ, wo yee wenyané duo kɛlɛ; gɔnénu go gɔnénu va, yé lomu go lomu va, ’té woo pɛnpɛnné gya; sin wo kyɛ a blena, kyɛ lé é ’ka dirian monomono lo, a va; Bale we ’ko kɛlɛ léé, dé munu wo ye, yé wo bɔn‐in ’é kini yé wo ’ka we kɛla bélé wozé zo lo. We ’ko sele ’é vo ka gi ma.

1 Samuɛl 2:34

Yé we lé é dan bɔ lɛ i be fiénu Ofoni valé Finé ma, é dan kɛlɛ lɛ tɔmase nya i lɛ; wo fiénu é dan ga lɛ yi do nya.