Mi Nɔnɔle 25:1 - Kazambale lé Sebe Sauunu 1979

¹ Izraɛlnu nyana Sitim, yé Izraɛlnu kun wenyané kɛlɛle ma Moab blɛnnu va.

Mi Nɔnɔle 25:1 ပူးပေါင်းရင်းမြစ်များ

2 Minwiinzannu 23:7

Bɔrɔdɛlomu lé kɔnnu lé ke Gakelebale lé kɔn gi, ’té lomu éé Asataté lé sɔkɔn dɔsɔ taan wo gi bɛ, é wo zana.

Lɛrɛvɔ Sɛbɛ 106:28

Yé wo péli vɔ Baal‐Péɔɔ va, Yé wo mivunbanwi ble.

Fwile 22:19

Dé mian yi gyɛ wi va, wo dan ga dɔ lɛ a nwiin.

Fwile 34:15

’I yuɛ pa ibo va, té i gi pa do ana tɛrɛlamunu va lo, dé wa gona ’wolé balenu zuo, bélé bɔrɔdɛ le éé goo gɔnénu zuo fɛan zo, a zo, ’té woo ’wolé balenu baan, dé wo da ka laa yé ka wolé balebanwi ble;

Bale Lé We Gifezan 7:26

Yé le lé a bli ke mikunsan valé séli nya, ’té a bɛnu a miyerebale nya, maa a ye léé, a nyanale mini ga lɛ; mi lé éé sɔa Kazambale lɛ, ’bɛzan éé soo a lee, naa, éé wenyanékɛlɛzan kunwo.

Jérémi 40:11

Juifinu faa lé wo ke Moab valé Édom tɛrɛ la koo, wo lé wo ke Amɔn munu va koo, wo lé wo ke tɛrɛ bɛnu ta koo, wa ’ma léé, Babilɔn nwiinzan blɛn mi kenu vo Juda tɛrɛ la, yé é Safan be Asikam be Gédalia dɔ wo nwiinzan nya.

Ézékiɛl 20:21

Yé wo benu nwa an ma. Wo ’ka tawo lɛ anlé wepladérenu yɛrama lo; an déretawenu lé é a lé blami a ta tawo a vole é yuɛma we gi bɛ, wo ’ka wo ta tawo lɛ lo. Yé wo anlé flinyinu sɛrɛ. É dɔ an gi léé, an wɛwɛ dɔ wo ma, yé an bli flile lɛ é sɔɔ wo ma bwi gi.

OZÉ (Osée) 9:10

Maa Izraɛl ye bélé dɔrɔporo zo bwi gi; maa ka tranu ye bélé bɔrɔyili poro vinin zo; naa, wo go Baal‐Péɔɔ zuo, yé wobo nɔ miyili lɛrɛlɛrɛ lɛ, yé wo kɛlɛ bozofɛ nya, bélé ’wo sɔlɛfɛ zo.

Misé 6:5

Anlé munu, we lé é dɔ Moab nwiinzan Balak gi, ’ka bɔn‐in bɔrɔ ’bɛ ma do, yé we lé Béɔɔ be Balaam a zi pa a lɛ, ’ka gibɔrɔ ’bɛ ma do, yé we lé é bɔ Sitim valé Gilgal méléna, ’ka gibɔrɔ ’bɛ ma do, yé wezin lé Gakelebale a kɛlɛ, ka dan a gi dɔɔ lɛ.

Mi Nɔnɔle 25:17

’Ka Madiannu ye ka nyanézannu nya ma, yé ’ka wo gyɛ.

Mi Nɔnɔle 31:2

’bɛ zuo yé i dan go lɛ ilé munu va.

Mi Nɔnɔle 33:49

Wo yii Juudɛn yuu sɔnɔ, é sia Bɛt‐Jésimɔt fɔɔ yé é bɔ Abɛl‐Sitim ma, Moab lé fɛna pɛblɛɛna.

Mi Nɔnɔle 7:15

dirigɔné boroné do koo, ’blagɔné do koo, lɛɛ do ’blané koo, é ’bɛnu nɔ balebanwi lé wa kyɛ blé, a nya;

1 Korent munu 10:8

Té ko kobo nɔ pɛnpɛnnégyɛle lɛ, bélé fɛan zo lé wo va mi kenu a kɛlɛ, a zo lo. Bɛwemalé wo va mi baa vu ta do wuru soru ga yi do nya.

Bélidɔwesɛbɛ Fiézan 3:29

Ko nyana gɔnu worona, Bɛt‐Péɔɔ yara.

Bélidɔwesɛbɛ Fiézan 32:38

Wo zi bale ’konu lé wo wolé sarakabowi nyɔnɔ blé turu, ’Té woo ’wo bandɔrɔ minian, wa kyɛɛn? ’Wo nwa, ’wo bɔ ka va ma, ’Wo ka takuun ma.

Bélidɔwesɛbɛ Fiézan 4:3

We lé Gakelebale a kɛlɛ ka lɛ Baal‐Péɔɔ lé we ma, ka ana ye. Ka va munu faa lé wo go Baal‐Péɔɔ zuo, Gakelebale, kalé Bale wo gyɛ.

Jozué 2:1

Wa Sitim, yé Nɛn be Jozué mimavɔɔzannu fié nwunvɔ kyeen gi yé é lé wo lɛ léé: ’Ka go, ’ka tɛrɛ nagini, naa, ’ka go Jériko bozen na. Wo go, yé wo bɔ bɔrɔdɛ le do lé wa laama Raab, alé kɔn ’léé, yé wo yi gyɛ ’bɛna.

Jozué 22:17

Wenyané lé kaa kɛlɛ Péɔɔ, yé ’bɛ kaa tiri dɔ fɔɔ kyɔ, dɔlé ’té é Gakelebale lé munu faa gyɛ gyɛ nya, ’bɛ a ka yuɛ gi we kiéné nya,

Jozué 3:1

Jozué nwa bladi tutu yé yee valé Izraɛl lé nénu faa si Sitim. Wo bɔ Juudɛn yuu ma, yé wo nyana ana fɔɔ yé wa kini.

Wegɔɔnle 2:14

Naa, i ma we kenu a an gi, yee lé ke léé, i va mi kenu a Balaam lé wepaale va. Balaam we paa Balak gi léé, ’é saanwe gɔɔn Izraɛlnu lɛ léé, ’wo miyili banwinu ble, yé ’wo ’wobo nɔ pɛnpɛnnégyɛle lɛ.