Mi Nɔnɔle 24:24 - Kazambale lé Sebe Sauunu 1979

²⁴ Naa, ’yitagoronu é dan si lɛ Kitim, Yé é dan yaa lɛ Asirinu nwiin, é valé Ébrunu nya, Naa, wo dan yee kulu ga lɛ é ziin.

Mi Nɔnɔle 24:24 ပူးပေါင်းရင်းမြစ်များ

Wepélisiananu 10:4

Javan benu lé ke Élisa koo, Taasis koo, Kitim koo, Dodanim koo, wo nya.

Wepélisiananu 14:13

Yé vlanburuzan do da yé é a zuo fe Ébru mi Abram lɛ. Mi ’ko a é nyanale Mamré lé sɛnéyilinu méléna. Mamré a Amoré mi nya. Yee koo, a bwe Esikɔl koo, a zuané Anɛɛ koo, wonu ɛ gi pa do Abram va.

Ézai 10:12

Naa, dé Mizan élé we kɛlɛle faa lɛ sɔɔ Siɔn gɔ nwiin koo, Jérusalɛm koo, wona faa, maa dan we lɛdɔ lɛ Asirinu nwiinzan blɛn gi, a kɛlɛwenu lé alé boblɛn a nagɔɔn a lɛ, wo ma, ’bɛ valé alé mi naginile é yuɛ zuo nya.

Ézai 10:5

Asiri munu, anlé blifli vlewɔlɛ, wenaané ’é kɛlɛ ka lɛ ma. Vlewɔlɛ lé ke a lee, é a anlé bliflile nagɔɔnfɛ nya.

Ézai 23:1

Balelawe lé Ézai a fe Tii ma, yee lo. Taasis lé ’yitagoronu, ’ka wuvɔ. Taasis guru zana a gi; kɔn ’ka ana é dɛrɛ lo, wɔrana ’ka é dɛrɛ lo. Wa sina Kitim tɛrɛ la aan wo, wo we ’ko ’ma.

Ézékiɛl 27:6

Wo ilé ’yitagoro vɔ payilinu kɛlɛ Bazan tɛrɛ la sɛnéyilinu nya; Yili lé wa laama bui, wo si a nya wɛyi worona Kitim tɛrɛ la, Yé wo vwii suiɛ vɔ a gi yé wa kɛlɛ i nyanala bannu nya.

Daniɛl 10:20

É lé an lɛ léma: Wean ma lé an da i va, bé gi dɔɔ? Sin, an dan go lɛ an pa gi gulidanle Pɛɛs munu nwiinzan va we gi. An gole zuo Javan nwiinzan é dan da lɛ.

Daniɛl 11:30

Kitim ’yitagoro gi munu é dan guli dan lɛ a va. A fuu é dan si lɛ a ta, yé é dan nɔla lɛ é pa gi. Yé a bli é dan fli lɛ gipawe sauun ma. Dé é bɔ élé fɛna, é ’ka dan nyana lɛ é pla lo. Munu lé wo sɔn vɔ gipawe sauun ma, é dan ’bɛnu zén lɛ é va.

Daniɛl 11:45

É dan élé fua sɔkɔnnu dɔ lɛ wɛyinu méléna, gɔ tɔbɔle lé é ke plɛplɛ, a vazia. É dan bɔ lɛ ézé ’wuo plana, ’té a bɔavazan ’ka lo.

Daniɛl 2:35

Kele tɔɔn, foliɛwɔlɛ koo, bɔtɛrɛ koo, zéné koo, gɔɔlifu koo, kyan koo, wo faa wii ékeva, yé wo kɛlɛ bélé ’sapun lé éé sié ’sa sunwona yiri bi bléyi va, ’té fu éé goo a nya, a zo. Yé wo ’ka wo pagi do kpen ye lɛ é dɛrɛ lo. Naa, gɔlɛ lé é duun miyili lɛ, é kɛlɛ gɔ blɛɛn lé é tɛrɛ faa fan, a nya.

Daniɛl 2:45

Gɔlɛ lé bé ye sona gɔ ma bɛ, ’té mi bɛ ’ka a ma lo, yé foliɛwɔlɛ koo, zéné koo, bɔtɛrɛ koo, gɔɔlifu koo, kyan koo, yé é wo wii bɛ, ’bɛ gi lé ke bɛ. We lé é dan bɔ lɛ ’bɛ zuo, Bale blɛn a gɔɔn minwiinzan blɛn lɛ. A nyɛ a webozen nya, yé a gifedére a tegele.

Daniɛl 8:21

Boligɔné lé bé ye, é a Javan nwiinzan blɛn nya. A béli blɛn lé ke a yuɛnu méléna, é a wo nwiinzan blɛn vininzan nya.

Mi Nɔnɔle 24:20

Balaam Amalɛk ye. É balelawe fe, yé é léé: Amalɛk a bɛn vininzan nya, Naa, é voéla a kulu é dan ga lɛ.

Mi Nɔnɔle 24:23

Balaam balelawe fe yé é léé: Yiba! dé Bale we ’ko kɛlɛ, de ɛ dan vo lɛ é yuɛmaa?

Matio 24:15

Amalé mi lé é ke sɛbɛ ’ko ta fena, ’bɛzan ’é yuɛ pa ébozen va ma. Fɛ sɛrɛle tata fɛ naané lé wo ’ka wo yuɛ vɔa a ta lo, ’té balelayezan Daniɛl alé we fe bɛ, dé ka a ye é dɔle fɛna sauun na,

WENÉNÉ LÉ LUK A GYE (Évangile selon Luc) 20:24

’Ka dénié do nagɔɔn an lɛ. Foto ’ko valé sɛbɛgyɛle ’ko, de zé léé? Yé wo léé: Sézaa zé lé.

WENÉNÉ LE JAN A GYE (Évangile selon Jean) 11:48

Dé é vo we ’ko kɛlɛna yé ko ’ka we lɛ a zi lo, mi faa é dan bli pa lɛ a lɛ, yé Rom munu é dan da lɛ yé wo kolé Balebangikɔn sɛrɛ yé ko bɛn tɔ é san.