Mi Nɔnɔle 24:18 - Kazambale lé Sebe Sauunu 1979

¹⁸ É dan pla lɛ Édom munu nwiin, É dan pla lɛ é nyanézannu Séiinu nwiin, Izraɛl é dan élé plɛplɛ nagɔɔn lɛ.

Mi Nɔnɔle 24:18 ပူးပေါင်းရင်းမြစ်များ

Wepélisiananu 27:29

Munu ’é pla i wuo ma, Bɛnnu ’é dia ’wo bli la i ’lɛ ma, ’I kɛlɛ i bwenu nwiinzan nya ma, I bu benu ’é dia ’wo bli la i ’lɛ ma. Dé mian é bale pa i ma, ’wo bale pa ’bɛzan ma ma, Yé dé mian é i drɔɔ vo, ’wo ’bɛzan drɔɔ vo ma.

Wepélisiananu 27:40

I dan ilé fɛ blele ye lɛ ilé gwɔun ma Yé i dan kɛlɛ lɛ i zuané wuozan nya. Naa, dé i vo kuunna fɔɔ yé i si alé se wuo, Bale lé é a vɔ i bɔrɔ ma, i dan a kini lɛ.

Wepélisiananu 32:3

Jakɔb munu nwunvɔ ’é ’lɛ é bwe Ézau va Séii tɛrɛ la, Édom bɛn gi.

2 Samuɛl 8:14

É sunya lɛ do donu nyana Édom tɛrɛ faa la. Yé Édom tɛrɛ faa pla David wuo. Gakelebale éé David takuun‐an a gona faana.

1 Minwiinzannu 11:14

Édom mi Adad lé ke Édom munu gɔnɔlami do nya, Gakelebale a nwa Salomɔn nyanézan nya.

1 Minwiinzannu 11:15

Bléyian va lé David guli dan Édom munu va, sunya nwiinzan Joab go migalenu pa lɛ yé gɔnénu faa lé ke Édom, é wo gyɛ;

Lɛrɛvɔ Sɛbɛ 60:1

David lɛrɛ ’ko vɔle gɔɔn lɛrɛvɔzannu zilɛzan lɛ. Lɛrɛvɔafɛ lé wa laama bélidɔwe a bélé bolu lé goo zo, ’wa vɔ a va. Bale tɔbɔlɛrɛ lé David a vɔ, we paale mi gi we ma.

Ézai 34:5

Nyɛ anlé gwɔun gyɛ bélé nwɛ zo; ka ye, é dan vɔ lɛ Édɔm munu ma, munu lé maa wo nyaawe fe, we lɛdɔle wo gi we ma.

Ézai 63:1

Mi kyɛn ɛ ke sina Édom valé Bozra, ’té éé dan varɔ sɔɔn valé sɔ bile nyananyana nya é ta bɛɛ? Alé plɛplɛ blɛn lé é a fe, yé é ébo kɛla a gi blɛn bɛ, de léé? Maa lé; maa ɛ mi sile we gi fe yé mi vole éboma lé plɛplɛ a an lee.

Amɔs 9:11

’Bɛ bléyi va maa dan David kulu nwa lɛ é ziin; maa dan wolé gɔrɔnu burunanu béé lɛ, yé maa dan wolé fɛ sɛrɛlenu dɔ lɛ wo pa gi, yé maa dan wo dɔ lɛ ’wo dɔna bélé é vinin zé zo.

Amɔs 9:12

Yé Édom mi pɔnénu valé bɛn faa lé an tɔ ke wo ma, wo dan kɛlɛ lɛ David kulu zé nya. Gakelebale lé é dan we ’konu lɛ sɔɔ lɛ, a zo lé é a fe.

Abudias 1:2

Bé ye, maa dan i kɛlɛ lɛ kiéné bɛngɔnɔnu méléna, I dan kɛlɛ lɛ serelebomazan blɛn nya.

Mi Nɔnɔle 20:18

Édom lé a lɛ léé: I ’ka dan gié lɛ an va monomono lo. Dé ’bɛ kaan lo, ko dan kee lɛ i nya gwɔun nya ko lee.

Mi Nɔnɔle 24:19

Mi do é dan nwa lɛ Jakɔb gɔnɔ gi minwiinzan nya, Yé munu lé wo vo fla, é dan wo gyɛ lɛ za ma.