Mi Nɔnɔle 23:9 - Kazambale lé Sebe Sauunu 1979

⁹ Maa Izraɛlnu ye, ’té maa a é dɔle gɔlɛgɔ nwiin, Yé an yuɛ vɔ wo ta tirilii, ’té maa a gɔ nwiin loru. Migɔnɔ do lé é ke é nyanale é yɛrama, yee lé, Yé é ’ka é pale bɛnnu va lo.

Mi Nɔnɔle 23:9 ပူးပေါင်းရင်းမြစ်များ

Ezidras 9:2

Naa, wo koo, wo benu koo, wo wolé lomu si ’wo nanu nya, yé wo bɛn sauunnu vɔɔ tɛrɛ ’ko la munu nya, yé minwiinzannu valé we ’wuo?-?dɔzannu, wo kɛlɛ wenyané ’ko kɛlɛzan vininnu nya.

Esitɛɛ 3:8

Yé Aman lé minwiinzan blɛn Asuérus lɛ léé: Munu lɛ do a é sɔɔlale ilé tɛrɛnu faa ta, wa é yɛrama. Wozé bélidɔwenu a é sile munu faa zé ma, yé wo ’ka minwiinzan blɛn lé bélidɔwe ta tawo lo. Dé minwiinzan blɛn wo vo woboma, ’bɛ tɔnɔ ’ka minwiinzan blɛn ma lo.

Fwile 33:16

Dé maa valé ilé munu kɛlɛ mi zinnu nya i yuɛioo, dé ko ’ka kɛlɛ lɛ mi zinnu nya i yuɛi looo, dé i ’ka tawoo ko va lo, wo dan a gi dɔɔ lɛ kaa? Ilé tawole ko va lé we ma lé wo dan maa valé ilé munu dɔɔ lɛ tɛrɛlamunu faa méléna.

Jérémi 46:28

Gakelebale léma: Bii, an wuozan Jakɔb, té i kana lo, Maa a i va. Bɛnnu faa lé maa ka sɔɔla wo méléna bɛ, maa dan wo kulu ga lɛ, Naa, bii, maa ’ka dan i kulu ga lɛ lo; Maa dan we lɛdɔ lɛ i gi i kɛlɛwe yɛrama, Maa ’ka bɔa i vole lɛ é pla lo, an dan we lɛdɔ lɛ i gi.

Jérémi 49:31

’Ka nwa, ’ka nwa bɛn drɔɔ do lé éé nyanaan fɛna gligli na, a ma; maa Gakelebale ɛ ke a fena. Alé flagɔrɔ ’léé duoli ’ka lo, yé foliɛwɔlɛ ’ka a ta lo; éé nyanaan é do.

Amɔs 9:9

Ka ye, maa dan an dére do fe lɛ, yé maa dan Izraɛlnu fɛɛ lɛ bɛngɔnɔnu faa méléna, bélé fɛan zo lé woo ’sa fɛɛan guli ta, ’té a wɔlɛ do kpen ’ka diaan tɛrɛ va lo, a zo.

Misé 7:14

Ilé munu, ilé trubɛ lé ke ilé tɔnɔyémafɛ nya, ’té wo ke é nyanale Kaamɛl gɔnu méléna pɔrɔ gi wo saa, ’i wo pa ilé ’blatabinyili nya; ’wo fɛ ble Bazan valé Galaad tɛrɛ la bélé é vinin zo.

2 Korɛnt Munu 6:17

Bɛwemalé Mizambale léma: ’Ka si wo méléna; ’ka kini wo nya ékema, Fɛ lé é ’ka sauun lo, té ka mane a ma lo; Yé maa dan ka si lɛ.

Bélidɔwesɛbɛ Fiézan 32:8

Dé Loruzan bɛnnu lé tɛrɛ nɔ, Dé é munu gi bɔi nuu, É munu lé tɛrɛ glɛ dɔ Izraɛl lé nénu ’léé yɛrama.

Bélidɔwesɛbɛ Fiézan 33:28

Izraɛl a é nyanale élé fɛna duaa, Jakɔb lé ’yi’wuo vo duunna Tɛrɛ lé woo buruwɔlɛ valé dɔrɔ dɛrɛ yé ana, a ta, Yé alé la éé fli vɔa.

Tite 2:14

Jézu ébozen nɔ kolé we gi, weple faa sile ko lee we gi, é valé ko kɛlɛle ézé munu nya we gi, munu lé é wo kɛlɛ tegele, ’té wezin kɛlɛlɔrɔ a wo ma blɛn, wo nya.

1 Piɛri 2:9

Naa, kazé ’ka ’bɛ zo lo; ka a bɛn lɛgɔnɔ do lé Bale a si a va, a nya, yé yee fuaneé Bale ka dɔ ’é banzannu nya; ka a bɛntɛrɛ lé Bale a pa é yɛrama, a nya; ka a migɔnɔ lé Kazambale wo tabo wo nya, mi lé é ka laa ’té ka a gunu va yé é go ka nya élé san zima va bɛ, kalé a tɔ zin bɔle we gi.