Mi Nɔnɔle 23:21 - Kazambale lé Sebe Sauunu 1979

²¹ É ’ka weple yé Jakɔb gi monomono lo, Wean é ’ka tegele lo, é ’ka a yé Izraɛl gi monomono lo. Gakelebale, alé Bale a a va, É a a nwiinzan blɛn nya, Bale a Izraɛl ginanamazan nya.

Mi Nɔnɔle 23:21 ပူးပေါင်းရင်းမြစ်များ

2 Minwiinmunu lé Wezuofe Sɛbɛ 13:12

Bé ye, Bale valé é banzannu a ko va ko zi ’lɛzannu nya, yé bélinu lé wo dére zuo gi éé wé, wa ko lee, léé, wa fɛn ka ma. Izraɛlnu, té ka guli dan Gakelebale ka tranu lé Bale va lo, naa, a va ’ka dan gyɛ lɛ ka lɛ lo.

Lɛrɛvɔ Sɛbɛ 103:12

Fɛan zo lé yirivɔna ke é sile yirinwana ma baa, A zo lé éé kolé bélidɔwe sɛrɛlenu sié ko ma baa.

Lɛrɛvɔ Sɛbɛ 118:15

Wa siaana guliwuo sile we ma, yé wa siaana silewegi we ma, mi tegelenu lé kɔnnu gi, a fele nya léé: Gakelebale bɛyi é élé plɛplɛ nagɔɔn‐an.

Lɛrɛvɔ Sɛbɛ 135:21

Gakelebale lé éé nyanaan Jérusalɛm, Siɔn munu, ’wa drɔɔ vo ma. ’Ka Gakelebale tɔ zin fe.

Lɛrɛvɔ Sɛbɛ 23:4

Dé an tawo gale fu wuo An ’ka kanaan wenaané do kpen lee lo; bii a an va, azama. Ilé ’blatabinyili valé ilé tawomayili an dɔa plɛplɛ.

Lɛrɛvɔ Sɛbɛ 32:2

Mian Gakelebale ’ka weple dɔa a nwiin lo, Yé dabli ’ka a gi lo, azé a néné.

Lɛrɛvɔ Sɛbɛ 32:5

Maa anlé wenyané bɔra i lɛ, an ’ka anlé weple yɔɔ lɛ lo. Maa léé, an dan anlé wesɛrɛlenu fe lɛ Gakelebale lɛ. Yé wenyané lé é an wɔlɛ gi nyaa an ma, bé fwi. Ka ye do.

Lɛrɛvɔ Sɛbɛ 46:11

’Ka da, yé ’ka we ’ko dɔɔ ma: maa a Bale nya, Maa ɛ ke bɛnnu nwiin, maa ɛ ke tɛrɛ nwiin.

Lɛrɛvɔ Sɛbɛ 46:7

Bɛnnu wo gi gunu yé wolé plale mi nwiin ma nyɔɔn; Bale we do fe yé tɛrɛ ’yi bo kanale nya.

Lɛrɛvɔ Sɛbɛ 97:1

Gakelebale a é plale mi nwiin; tɛrɛ gi ’é nana ginanale blɛn nya ma; Tɛrɛ kiɛre lé ke wɛyi méléna, wo gi é nana blɛn ma.

Lɛrɛvɔ Sɛbɛ 99:2

Gakelebale a blɛn Siɔn, É a é dɔle migɔnɔnu faa nwiinzan nya.

Fwile 13:21

Gakelebale goo wo ’lɛ, yiéyi é a lati pɔrɔlɔ gi, zi gɔɔnle wo lɛ we gi, yé é béli é a kyɛ pɔrɔlɔ gi, wo va kinile we gi, wolé tawole é yiéyi valé é béli we ma.

Fwile 3:12

Kazambale léé: Maa dan kɛlɛ lɛ i va; dé i munu si Éjipiti tɛrɛ la ka dan Kazambale bɔ lɛ gɔ ’ko nwiin; ’bɛ dan kɛlɛ lɛ tɔmase nya i lɛ léé, maa ɛ i nwunvɔ.

Fwile 34:9

É léé: Mizan, dé maa i yuɛi bɔ, Mizan ’é tawo ko va ma, naa, munu ’ko a wemaplɛplɛzannu nya; weplenu valé wenyanénu lé ko kɛlɛ, ’i ko ma we vo yé ’i ko si izé nya.

Ézai 1:18

Gakelebale léma: ’Ka da, kaa ana we fe. Dé kalé wenyané ka bli tié tiritiri bélé gla’yi zo‐oo, ka bli é dan kɛlɛ lɛ fu tata bélé glasépun zo; dé wo kɛlɛ sɔɔn bélé gulimagyan zo‐oo, ka bli é dan kɛlɛ lɛ fu tata bélé kununu lii zo.

Ézai 12:6

’Kaa Siɔn munu, ’ka siaa ginanale blɛn nya, Naa, Izraɛl lé Mi Sauun a blɛn ka va, azama.

Ézai 33:21

’Bɛna lé Gakelebale givuruwe blɛnnu kɛlɛ ko lɛ weboen nya; ’bɛna lé é kɛlɛ ko lɛ bélé yuu blɛnnu zo, bélé ’yi laala blɛn zo. ’Yitagoro lé wa vɔa payili nya, é ’ka dan bɔ lɛ ’bɛna lo; ’yitagoro blɛn ’ka dan bɔ lɛ ’bɛna lo.

Ézai 33:22

Naa, Gakelebale a kolé weblezan nya; Gakelebale a kolé bélidɔwe nɔzan nya; Gakelebale a ko nwiinzan blɛn nya; yee ɛ ke ko siéwegizan nya.

Ézai 38:17

Bé gini do, anlé nyanéblelenu boen‐oo, wo kɛlɛ an bélifɛ nya; É sɔ i lɛ kɔɔn léé, i an boen si yé sin an paiguru vo é pla, I anlé wenyané faa vo i bɛ zuo, azama.

Ézai 41:10

Té i kana we do kpen lee lo, naa, maa a i va; Té i we do kpen gi bɔrɔ pa lo, naa, maa a ilé Bale nya. Maa i fuu dɔa i ta, maa bɔa i va, Maa, guliwuovolɛzan, maa dɔ i zuo.

Ézai 8:10

’Ka gi bɔrɔ, é dan kɛlɛ lɛ ka ma we pla nya. ’Ka fe munu lɛ léé, ’wa kɛlɛ ’koo, ’wa kɛlɛ ’koo, a faa é dan vo lɛ é pla. Naa, Bale a ko va, azama.

Jérémi 50:20

Gakelebale léma: ’Bɛ yi ’konu la, ’bɛ bléyi ’ko va, wo dan Izraɛl lé weplenu gini lɛ, yé wo ’ka ana é dɛrɛ lo; wo dan Juda lé wenyanénu gini lɛ, yé wo ’ka dan wo ye lɛ é dɛrɛ lo; naa, munu lé maa wo vo ana, maa dan wo ma we vo lɛ.

Ézékiɛl 48:35

A zi kɛlɛ fɛdanmayili baa sɔraziɛn. ’É sia ’bɛ yi ma, wo dan fla ’ko tɔ laa lɛ, Gakelebale a ’ko.

Joɛl 2:27

Yé ka dan a gi dɔɔ lɛ léé, maa a Izraɛl munu va. Maa ɛ ke Gakelebale, kalé Bale nya, yé bale bɛ do kpen ’ka ana lo. Yé yara ’ka dan anlé munu gyɛ lɛ é dɛrɛ lo.

Lévinu 9:24

Kyɛ si Gakelebale va yé é balebanwi valé winyɔnɔ ble balebanna ta. Munu faa ’bɛna ye; yé wo siaa ginanale nya, yé wo dia ’wo yara.

Mi Nɔnɔle 14:18

’yee Gakelebale bli ’ka flian é kele lo, ’é bli a é fanle zin nya; ’é weplekɛlɛzannu valé nwamimazannu ma we voo; ’é ’ka wegyɛzan voo é pla lo, naa, weple lé munu a kɛlɛ, ’é a dɔa wo néné valé wo nénézinénénu nwiin.

Mi Nɔnɔle 14:19

’I munu ’ko ma we vo wolé weple ma ma, ilé nyanai zénle blɛn yɛrama, bélé fɛan zo lé i wo ma we vo, a péli sia Éjipiti tɛrɛ la fɔɔ kyɔ, a zo.

Mi Nɔnɔle 16:3

Wo nwa Moizi valé Arɔn ma, yé wo lé ’bɛnu lɛ léé: Kazé sɔ. Naa, munu faa a segele, yé Gakelebale a wo méléna. Mɛmalé ka kabo nwaan blɛn Gakelebale lé munu nwiin?

Mi Nɔnɔle 9:22

Dé lati vo é dɔle Bale lé sɔkɔn ta, dé yi fié léé, dé moné do léé, dé lɛɛ do léé, a nya, a zo duo lé Izraɛlnu lé kɔnnu éé mɔn‐o, ’té wo ’ka ta soowɔlaan monomono lo; yé dé é nwa, ’té wo é ta soowɔla.

Matio 1:23

Bé ye, blɛn lé gɔné ’ka tan a dɔɔ lɛ le nya lo, é dan bɔn si lɛ yé é dan négɔné do yaa lɛ. Wo dan a tɔ pa lɛ Emanuɛl, ’bɛ gi léé, Bale a ko va.

Rom munu 6:14

Ka ’ka bélidɔwe la lo, ka a zin la, amalé wenyané ’ka dan pla lɛ ka nwiin monomono lo.

Rom munu 8:1

Amalé sin, we do kpen ’ka é dɔle Jézu Krist gimunu nwiin lo.

2 Korɛnt Munu 2:14

Kazambale lé éé ko kɛla we faa ’wuovolɛzannu nya Krist gi, yé é ’é dɔɔle gi gyɛ ko nya bélé fɛan zo lé lasikɔrɔ gin néné éé nwɛɛn‐an, a zo, ’wa bɔ vɔ ma.

2 Korɛnt Munu 5:19

Naa, Kazambale a Krist gi, tɛrɛlamunu nanale ebozen va we gi; é ’ka munu lé wesɛrɛ?-?lenu vo lɛ wo nwiin lo, yé é nanale ’é va dére bɛ pa ko lee, léé, ’ko fe.

2 Korɛnt Munu 6:16

Kazambale bangikɔn valé miyilinu, ’bɛnu éé nanaan? Naa, ko a Bale yuɛmale lé kɔn nya, bélé fɛan zo lé Kazambale a fe, a zo. É léé: Maa dan nyana lɛ wo va, yé maa dan tawo lɛ wo méléna; maa dan kɛlɛ lɛ wolé Bale nya, yé wo dan kɛlɛ lɛ anlé munu nya.

Bélidɔwesɛbɛ Fiézan 31:23

Gakelebale é dére ’konu vo Nɛn be Jozué va. É léé: ’Ibo dɔ gligli, ’i bli ta dɔ plɛplɛ, naa, bii ɛ dan go lɛ Izraɛl nya, tɛrɛ lé maa anbo ’nyɔɔn léé, maa dan a nɔ lɛ wo lɛ, a ta; yé maaboen é dan kɛlɛ lɛ i va.

Bélidɔwesɛbɛ Fiézan 32:5

Dé alé nénu wobo sɛrɛ, a pai kaan lo; Alé nénu bozen lé yaragyɛwe lé, Viébɛn lé; bɛn sɛrɛle lé.

Bélidɔwesɛbɛ Fiézan 33:5

É a minwiinzan blɛn nya Izraɛl tɛrɛ la, Bléyian va lé munu nwiinzannu zén ékeva, Wo valé Izraɛl bɛnnu nya, a bléyi va.

Bélidɔwesɛbɛ Fiézan 9:24

Maa ka dɔɔ a pélisia bléyi va fɔɔ kyɔ, ka a tɔnégiplɛplɛzannu nya Gakelebale ma.

Weblezannu 6:13

Jédéɔn lé a lɛ léé: Aa! anzan, dé Gakelebale a ko va mɛmalé we ’konu faa bɔ ko maa? Ko tranu ’ka a fe lɛ ko lɛ léé, Gakelebale ’wo si Éjipiti tɛrɛ la loo? Yé gyɛzorowe faa lé ko tinu wo zuo fe ko lɛ, wa kyɛɛn? Sin, Gakelebale ko vo ko saa, yé é ko pa Madian lee!

1 Samuɛl 25:28

Ilé zanté, ’i wuo le ma we vo, naa, Gakelebale é dan anzan lé kɔn dɔ lɛ gligli; ilé zanté, naa, anzan Gakelebale lé gulinu daan, yé wo ’ka dan we ple ye lɛ i gi monomono lo.