Mi Nɔnɔle 23:19 - Kazambale lé Sebe Sauunu 1979

¹⁹ Bale ’ka mi nya yé é vié wo lo. É ’ka blami be nya yé a bli éé nɔlaan lo. É wean fe ’naan, é ’ka dan a kɛlɛ lɛ loo? É wean lɛ kini ’naan, é ’ka dan a lɛ sɔɔ lɛ loo?

Mi Nɔnɔle 23:19 ပူးပေါင်းရင်းမြစ်များ

Wepélisiananu 26:3

’I vo tɛrɛ ’ko la ’ko; maa dan kɛlɛ lɛ i va yé maa dan i drɔɔ vo lɛ, naa, maa dan tɛrɛ ’konu faa nɔ lɛ bii valé i kulu lɛ, yé gipawe lé maa a kɛlɛ i ti Abraam va, maa dan dɔ lɛ a ta.

Wepélisiananu 28:15

Maa a i va ma, yé fɛ faa lé i dan go lɛ ana, maa dan an yuɛ pa lɛ i va yé ma dan da lɛ i nya é ziin tɛrɛ ’ko la; maa ’ka dan i vo lɛ pelo, ’té we faa lé maa a fe i lɛ bɛ, ’té maa a lɛ sɔɔ é wo.

1 Minwiinzannu 14:11

Dé Jéroboam lé mian é ga fla, blénnu é dan a ble lɛ, dé alé mian é ga féi, lagi mianénu é dan a ble lɛ. Naa, Gakelebale ɛ fe.

2 Minwiinzannu 15:12

’Bɛ zo lé dére lé Gakelebale a fe Jéu lɛ, a lɛ sɔɔ; é léé: I benu é dan nyana lɛ Izraɛl lé webleblin ta fɔɔ yé é bɔ i kulu ziɛnzan ma.

2 Minwiinzannu 7:2

Minwiinzan blɛn lé mi blɛn lé é tɛn a ma, é a zi pa Bale lé mi lɛ léé: Dé Gakelebale la lɛ sooo, ’bɛ zo we é bɔa kɛlɛle lɛɛ? Yé Élizé léé: I dan a ye lɛ i yuɛ nya; naa, i ’ka dan a ble lɛ lo.

Minwiinzannu lé Wezuofe Sɛbɛ 17:17

Yé ’bɛ a kiéné i yuɛ gi yé i tɛlɛ tɛlama we fe i leezan kulunu lé we ma é ziin. Bii lé i ke loru, Bale, Gakelebale, ibo tua an naginile we ma bélé mi le an naginile zo.

Lɛrɛvɔ Sɛbɛ 110:4

Gakelebale ébo ’nyɔɔn yé é ’ka dan é dére nɔla lɛ lo; É léé: Bii a Balebanzan nya Mɛlkizédɛk dɔbɛ gi lɛɛfaama.

Lɛrɛvɔ Sɛbɛ 132:11

Gakelebale webozen fe David lɛ ébo ’nyɔɔnle nya, É ’ka dan é dére nɔla lɛ lo; é léé: Maa dan ibozen giné nyana lɛ ilé webleblin ta.

Lɛrɛvɔ Sɛbɛ 77:9

Alé zin nyaa tataa? A dére é nyaa é pla a zo ’koo?

Lɛrɛvɔ Sɛbɛ 89:34

Naa, maa ’ka dan anlé zin si lɛ a lee lo, Yé maa ’ka dan an yara pale we ta nyané kɛlɛ lɛ a lɛ lo.

Lɛrɛvɔ Sɛbɛ 89:35

Maa ’ka dan anlé gipawe sɛrɛ lɛ lo, Yé dérenu lé wo bɔra an ’léé, maa ’ka dan a nɔla lɛ lo.

Ézai 21:17

Kédaa munu lé wo ke savulizannu lé nyanazannu nya, wo ’léé é dan vo lɛ sɛ. Gakelebale, Izraɛl lé Bale ɛ fe, azama.

Ézai 31:2

Dɔlé ’té yee ɛ we dɔɔ, éé wenaané bɔa mi ma, yé é ’ka é dére sié é pa gi lo. Éé nwaan mi naanénu ma yé éé nwaan é ziin miplenu lé wo ke bɔna wo va, wo ma.

Ézai 40:8

Lu éé gaan, yé a vwi éé diaan; Naa, kolé Bale dére éé voo ana lɛɛfaama.

Ézai 46:11

Maa ɛ wiblemiané laa, léé, ’é si yirinwanazia, Maa ɛ tɛrɛ baa lazan do laa, léé, wenu lé an gi dan a ma, ’é wo lɛ sɔɔ; Maa ɛ fe yé maa dan a kɛlɛ lɛ, É dɔ maa ɛ gi, yé maa ɛ dan a lɛ sɔɔ lɛ.

Ézai 55:11

A zo duo lé an dére lé éé sié an ’léé, É ’ka nɔlaan an va é pla lo, ’Té é anlé blibɔmawe Valé an bɔn‐in bɔrɔmawe faa lɛ sɔɔ é wo.

Jérémi 4:28

Amalé tɛrɛ ’ko ta munu faa a gyɛ bona, Yé gunu dɔra la gi loru, Naa, maa a fe, yé an suni wɔra. Maa ’ka dan an bli nɔla lɛ lo; maa ’ka dan gyɛ lɛ an zuo lo.

Daniɛl 4:28

We ’konu faa bɔ minwiinzan blɛn Nébukanɛsaa ma.

OZÉ (Osée) 11:9

Maa ’ka dan we kɛlɛ lɛ anlé bliflile yɛrama lo; Maa ’ka dan Éfraim sɛrɛ lɛ lo; Maa ’ka mi nya lo, maa a Bale nya, azama. Maa a Mi Sauun nya ka méléna; An ’ka dan da lɛ bliflile nya lo.

Misé 7:20

I dan a gɔɔn lɛ Jakɔb lɛ léé, i a yarapawelazan nya, yé i dan a gɔɔn lɛ Abraam lɛ léé, i a é zin, fɛan zo lé bé fe ko tranu lɛ ibo ’nyɔɔnle nya é vinin, a zo.

Abaku 2:3

Naa, é a balelawe lé a lɛsɔɔbléyi ke é dɔle é kyɛn, a nya; é a bɔna a ’wuoplana sɔnɔ, yé é ’ka dan vié wo lɛ lo. Dé é a mɔnna, bé tabɛn, naa, a lɛ é dan sɔɔ lɛ weboen nya.

Malasi 3:6

Naa, maa a Gakelebale nya, an ’ka nɔlaan lo, bɛwemalé, ’kaa Jakɔb lé nénu, maa ’ka ka kulu ga lɛ lo.

Mi Nɔnɔle 14:35

Maa, Gakelebale ɛ fe. Munu nyané ’konu lé wo gi pa do an ma, maa dan a kɛlɛ lɛ wo lɛ a zo. Wo dan ga lɛ bwi gi ’ko; wo dan nyaa lɛ tata.

Mi Nɔnɔle 23:18

Balaam élé balelawe fe, yé é léé: Balak, ’i nwa, ’i tɔné dɔ. Sipɔɔ be, ’i an ban i tɔné nya.

WENÉNÉ LÉ LUK A GYE (Évangile selon Luc) 21:33

La valé tɛrɛ é dan gié lɛ, naa, an dérenu ’ka dan gié lɛ monomono lo.

Rom munu 11:29

Naa, Kazambale bli ’ka nɔlaan élé blɛnu kɛlɛle valé élé mi laale ma lo.

Rom munu 9:6

É ’ka kɛlɛ lɛ léé, Kazambale dére ’lɛ ka lo lo; naa, munu lé wo ke Izraɛl kulu nya, wo faa ’ka Izraɛl bozen nya lo,

2 Timoté 2:13

Dé ko yuɛgi blan a ma, a yuɛgi ’ka blaan ko ma lo, naa, é ’ka bɔaléé, é sɔn vɔ ébozen ma lo, azama.

Tite 1:2

We ’konu ma lé mi bli a vole é yuɛmale lé a glɛ ’ka lo, a yele lɛ. Bléyian va lé tɛrɛ ’ka tan bɔra lɛ lo, Kazambale lé é ’ka viéwoo monomono lo, é léé, é dan vole é yuɛma nɔ lɛ munu lɛ.

Ébrunu 6:18

Yé we fié ’ko lé wo ’ka nɔlaan monomono lo, ’té Kazambale ’ka bɔaléé, é viéwo wo gi lo, woo plɛplɛ no kaa lɛ. Kaa lé, kaa kaa yɔɔna ye, we fié ’ko, woo plɛplɛ no kaa lɛ, yé yee yɔɔna lé é ke blivolɛdére lé Bale a fe kaa lɛ, a nya.

SEBE LÉ JAK A GYE (Épitre de Jacques) 1:17

Blan zima faa valé blɛ tegele faa éé sié loru, lagi san bilenu Kɛlɛzan va. A dɔbɛ ’ka nɔlaan lo, yé alé we do kpen ta ’ka vɔɔan lo.

SEBE LÉ JAK A GYE (Épitre de Jacques) 4:5

É a ka gi léé, Kazambale lé sɛbɛ éé we fé é plaa? Léli lé Kazambale a pa ka gi, éé maawoo.

Jozué 21:45

Dére zinnu lé Gakelebale a fe Izraɛlnu lɛ, a do kpen ’ka kɛlɛ lɛ boadére nya lo; a faa lɛ sɔɔ.

1 Samuɛl 15:29

Mi lé é ke Izraɛl lé plɛplɛ nya, é ’ka vié woo lo yé a bli ’ka nɔlaan lo, é ’ka mi nya yé a bli éé nɔlaan lo, azama.

1 Samuɛl 3:12

Yi ’ko nya we faa lé maa a fe Éli lé kɔngimunu ma, maa dan a lɛ sɔɔ lɛ; maa dan a péli sia lɛ yé maa dan a ’wuo pla lɛ.