Mi Nɔnɔle 22:8 - Kazambale lé Sebe Sauunu 1979

⁸ Balaam lé wo lɛ léé: ’Ka yii, yé we lé Gakelebale é dan a fe lɛ an lɛ, maa dan a fe lɛ ka lɛ. Yé Moab nwiinzannu vo Balaam va.

Mi Nɔnɔle 22:8 ပူးပေါင်းရင်းမြစ်များ

1 Minwiinzannu 13:8

Bale lé mi lé minwiinzan blɛn lɛ léé: Dé i ilé kɔngifɛnu lɛ do nɔ an lɛoo, an ’ka wɔraan i va lo. Maa ’ka dan buru ble lɛ fɛkona lo, yé maa ’ka dan ’yi mini lɛ fɛkona lo;

1 Minwiinzannu 22:14

Misé a zi pa léé: Gakelebale a é yuɛma. We lé Gakelebale é dan a fe lɛ an lɛ, yee lé maa dan a fe lɛ.

Jérémi 12:2

I wo suru bélé yili zo yé wo suni wɔra; Yé wo tin, yé wo poro baa; I tɔ a wo ’léé, Naa, wo bli a é sile i ma baa.

Ézékiɛl 33:31

Yé wo go i va mi gu blɛn nya, yé anlé munu éé nyanaan i ’lɛ; woo ’wo tɔné dɔa i dérenu lɛ, naa, wo ’ka wo ta ta do kpen woo lo. Naa, woo wo ma we nanaan, yé woo wobo no blibɔle fɛ ma lɛ.

Mi Nɔnɔle 12:6

Yé é léé: ’Ka tɔné dɔ an dére lɛ é zima. Dé balelayezan kɛlɛ ka méléna, maa, Gakelebale, maa dan anbozen nagɔɔn lɛ ’bɛzan lɛ yuɛzi gi, maa dan we fe lɛ a lɛ nyɛ fla.

Mi Nɔnɔle 22:18

Balaam a zi pa Balak lé nwunvɔmunu lɛ léé: Dé Balak lé kɔn a é fanle gɔɔlifu valé kyan nya, dé é a nɔ an lɛ, dé é a we blɛn nyaoo, dé é a we kiéné nyaoo, an ’ka bɔa we do kpen kɛlɛle lɛ Gakelebale, anlé Bale dére yigale we nya lo.

Mi Nɔnɔle 22:38

Balaam lé Balak lɛ léé: Bé ye, an da i va, dé é a weowean nya, i zi nɔ an lɛ sin léé, maa fee? Dérenu lé Bale é dan a pa lɛ an ’léé, maa dan a fe lɛ.

Mi Nɔnɔle 22:7

Moab lé mi segelenu valé Madian lé mi segelenu go, ’té blɛnu lé wo dan a kɛlɛ lɛ ’monédɔzan lɛ, ’té ’bɛ a wo lee. Wo bɔ Balaam va, yé wo Balak dére fe a lɛ.

Mi Nɔnɔle 22:9

Bale da Balaam va, yé é lé a lɛ léé: Munu lé ke i va bɛ, denu léé?

Mi Nɔnɔle 23:12

É a zi pa a lɛ léé: Wean Gakelebale a pa an ’léé ’naan, té maa a fe loo?

Mi Nɔnɔle 23:3

Balaam lé Balak lɛ léé: ’I dɔ ilé balebanwi lé wa kyɛ blé, a punma, yé an dan si lɛ ana. Dé Gakelebale é dan bɔra lɛ an vaa? yé wean é dan a gɔɔn lɛ an lɛ, maa dan a zuo fe lɛ i lɛ. Yé é go fɛna nwale do na.

Mi Nɔnɔle 24:13

Dé Balak lé kɔn a é fanle gɔɔlifu valé kyan nya, dé é a nɔ an lɛoo, an ’ka bɔaléé, an Gakelebale dére ta buu, yé dé wenyané léé, dé wezin léé, yé maa a kɛlɛ lo; we lé Gakelebale a fé, yee lé maa fé.