Mi Nɔnɔle 22:12 - Kazambale lé Sebe Sauunu 1979

¹² Bale lé Balaam lɛ léé: Té i go wo va pelo; té i bale pa munu ’ko ma monomono lo; naa, wo drɔɔ a é vole.

Mi Nɔnɔle 22:12 ပူးပေါင်းရင်းမြစ်များ

Wepélisiananu 12:2

Maa dan i kɛlɛ lɛ bɛngɔnɔ blɛn nya, yé maa dan i drɔɔ vo lɛ, yé maa dan i tɔ kɛlɛ lɛ blɛn yé bii ɛ dan mi bɛnu drɔɔ vo lɛ.

2 Minwiinmunu lé Wezuofe Sɛbɛ 31:10

Yé Balebanmunu ’lɛzan Sadɔk gɔnɔlazan Azaria a zi pa léé: É sia bléyian va lé wo da blɛnu nya Gakelebale lé kɔn gi, ko fɛ blé, yé ko kaan, yé fɛ vo kiɛre, naa, Gakelebale élé munu drɔɔ vo, azama, yé fɛ kiɛre lé é vo ana, yee lo.

Lɛrɛvɔ Sɛbɛ 144:15

Munu lé wolé we ke ’bɛ zo, wozé a néné. Munu lé wozé Bale ke Gakelebale nya, wozé a néné.

Lɛrɛvɔ Sɛbɛ 146:5

Mian éé Jakɔb zé Bale sié é bɔavazan nya, ’Té a bli a Gakelebale, azé Bale lɛ, azé a néné.

Ézai 61:9

Wo dan wo bɛn dɔɔ lɛ bɛnnu va, Munu é dan wo kulu dɔɔ lɛ; Munu faa lé woo wo yé, wo dan a gi dɔɔ lɛ léé, Bɛn lé Gakelebale a drɔɔ vo, wo lo.

Misé 6:5

Anlé munu, we lé é dɔ Moab nwiinzan Balak gi, ’ka bɔn‐in bɔrɔ ’bɛ ma do, yé we lé Béɔɔ be Balaam a zi pa a lɛ, ’ka gibɔrɔ ’bɛ ma do, yé we lé é bɔ Sitim valé Gilgal méléna, ’ka gibɔrɔ ’bɛ ma do, yé wezin lé Gakelebale a kɛlɛ, ka dan a gi dɔɔ lɛ.

Mi Nɔnɔle 22:11

migɔnɔ do si Éjipiti tɛrɛ la, yé wo sɔɔla fɛfaana; ’i da bale pa wo ma; dé ’bɛna lé an bɔa wo gyɛle lɛ yé an wo biin?

Mi Nɔnɔle 22:13

Balaam nwa bladi, yé é lé Balak lé mi segelenu lɛ léé: ’Ka go kalé tɛrɛ la; naa, Gakelebale an gole ka va yi ga.

Mi Nɔnɔle 22:6

Ilé zanté, ’i da, ’i bale pa munu ’ko ma an lɛ, naa, wo plɛplɛ mini an lɛ; dé ’bɛna lé an bɔa wo gyɛle lɛ, yé maa wo bin anlé tɛrɛ la, naa, maa gi dɔɔ léé, dé i mian drɔɔ vo, a drɔɔ é voo; yé dé i bale pa mian ma, éé ’bɛzan kunwo.

Mi Nɔnɔle 23:23

Yokɛlɛle Jakɔb ma ’ka we do kɛla a lɛ lo, Izraɛl ma ’monédɔle ’ka we do kɛla wo lɛ lo; Yian wa dɔ, wo dan a fe lɛ Jakɔb valé Izraɛl ma a yi la léé: Bale lé nyanama lé ke bɛ.

Mi Nɔnɔle 23:3

Balaam lé Balak lɛ léé: ’I dɔ ilé balebanwi lé wa kyɛ blé, a punma, yé an dan si lɛ ana. Dé Gakelebale é dan bɔra lɛ an vaa? yé wean é dan a gɔɔn lɛ an lɛ, maa dan a zuo fe lɛ i lɛ. Yé é go fɛna nwale do na.

Mi Nɔnɔle 23:8

Mian Bale ’ka bale pa lɛ a ma lo ’naan, an bale paan ’bɛzan ma kaa? Dé Gakelebale bli ’ka fli lɛ lo ’naan, an bli éé flian kaa?

Mi Nɔnɔle 24:9

Éé zunwo ’é powuo ta, yé éé yiaan bélé golizra zo, bélé golizra tina zo. De ɛ dan a nwa lɛɛ? Dé miomian é i drɔɔ vo, ’bɛzan drɔɔ ’é voo; Yé dé miomian bale pa i ma, ’wo bale pa ’bɛzan ma.

Matio 27:19

É a é nyanale fɛana lé woo we blé, ana, yé a na we do pa a lɛ zia léé: Té i wɔra mi tegele ’ko lé we gi lo. Kyɔ an nyané ble é baba nyɛ fla alé we ma.

Rom munu 11:29

Naa, Kazambale bli ’ka nɔlaan élé blɛnu kɛlɛle valé élé mi laale ma lo.

Éfez munu 1:3

Kazambale, Kaazan Jézu Krist Ti lé é kaa drɔɔ vo léli drɔɔ vole gɔnɔ faa nya fɛna lorunu na Krist gi, a drɔɔ ’é vo ma.

Bélidɔwesɛbɛ Fiézan 2:7

Naa, Gakelebale, kalé Bale, é kalé nyanama faa drɔɔ vo; ta lé ka a wo bwi blɛn ta ’ko, é a gi dɔɔ. Ka lɛɛ yɔ fié lo, ’té yee Gakelebale, kalé Bale a ka va; fɛ do kpen ’ka vuru lɛ ka ma lo.

Bélidɔwesɛbɛ Fiézan 23:5

Naa, Gakelebale, kalé Bale ’ka tɔné dɔ lɛ Balaam dére lɛ lo; ka sɔ Gakelebale, kalé Bale lɛ, bɛwemalé é balepale nɔla ka ma drɔɔvole nya.

Bélidɔwesɛbɛ Fiézan 28:6

Dé i bɔ fla, i drɔɔ é dan vo lɛ; dé i zi sia, i drɔɔ é dan vo lɛ.

Bélidɔwesɛbɛ Fiézan 33:29

Izraɛl, izé a néné, de ɛ ke bélé bii zoo? Munu lé Gakelebale wo si we gi, ka lé. ’Té yee ɛ ke ka botakuunfɛ nya, ’Té yee ɛ ke ka tɔbɔgwɔun nya, de ɛ ke bélé bii zoo? Ka nyanézannu wo dan ’wo ’wuo wɔra lɛ ka gane wuo, Yé ka dan wolé gɔnwiin yobannanu zɔn lɛ ka gane nya.

Bélidɔwesɛbɛ Fiézan 7:14

É dan ka drɔɔ vo lɛ yé é mini bɛnnu faa ta; sɔngɔné valé sɔnle ’ka dan kɛlɛ lɛ ka va lo; sɔnwinu ’ka dan kɛlɛ lɛ kalé trubɛnu va lo.