Mi Nɔnɔle 21:34 - Kazambale lé Sebe Sauunu 1979

³⁴ Gakelebale lé Moizi lɛ léé: Té i kana a lee pelo, maa dan a pa lɛ i lee, yee koo, alé munu faa koo, alé tɛrɛ koo, wo nya; wean bé kɛlɛ Amorénu nwiinzan Sioni lé ke Esibɔn, a lɛ, yee duo lé i dan a kɛlɛ lɛ wo lɛ.

Mi Nɔnɔle 21:34 ပူးပေါင်းရင်းမြစ်များ

2 Samuɛl 5:19

David we laa Gakelebale lee léé: Maa nwa Filisitinu maa? I dan wo pa lɛ an lee? Yé Gakelebale lé David lɛ léé: ’I nwa, naa, maa dan Filisitinu pa lɛ i lee.

1 Minwiinzannu 20:13

Naa, balelayezan do bié Izraɛl nwiinzan blɛn Akab va yé é léé: Gakelebale léma: I mi gbau ’ko yee? Maa dan wo pa lɛ i lee kyɔ yé bé gi dɔɔ léé, maa a Gakelebale nya.

1 Minwiinzannu 20:28

Bale lé mi bié, yé é lé Izraɛl nwiinzan blɛn lɛ léé: Gakelebale léma: Sirimunu a fe léé, Gakelebale a gɔnu ma bale nya yé é ’ka gɔ méléna bale nya lo, bɛwemalé maa dan mi gbau ’ko pa lɛ i lee, yé ka dan a gi dɔɔ lɛ léé, maa a Gakelebale nya.

2 Minwiinzannu 3:18

’Bɛ a we kiéné nya Gakelebale yuɛ gi. É dan Moabnu pa lɛ ka léé;

Ézai 41:13

Naa, maa a Gakelebale, ilé Bale nya, Maa i bɛyi dɔa plɛplɛ, Maa ɛ fe i lɛ léé, an dan bɔ lɛ i va, Amalé té i kana we do kpen lee lo.

Mi Nɔnɔle 14:9

Naa, té ka nwa Gakelebale ma lo, yé té ka kana tɛrɛ ’ko la munu lee pelo; naa, wa ko blefɛ nya. Wo tayɔɔfɛ ’ka é dɛrɛ lo; Gakelebale a ko va; té ka kana wo lee pelo.

Mi Nɔnɔle 32:4

tɛrɛ ’ko lé Gakelebale ana munu kele Izraɛlnu nya, é a trubɛnu blena zima nya; yé trubɛnu a i wuozannu lee di.

Bélidɔwesɛbɛ Fiézan 2:30

Naa, Esibɔn munu nwiinzan Sioni ’ka a nyi si lɛ léé, ko gié ’élé fɛna lo; Gakelebale, kalé Bale a bli dɔ kpɛɛn yé é a bli dɔ plɛplɛ a pale ka lee we gi, fɛan zo lé ka ye kyɔ, a zo.

Bélidɔwesɛbɛ Fiézan 20:3

É dan a fe lɛ wo lɛ léé: Izraɛl, ’ka tɔné dɔ. Ka a gona guli danna kyɔ ka nyanézannu va. Té ka bli kyɛ é dɔ lo; té kana é zén ka gi lo, té di é kini ka gi lo; té ka gi nyɛ é kini wolé we ma lo.

Bélidɔwesɛbɛ Fiézan 3:1

Ko nɔla yé ko gié Bazan tɛrɛ lé zi ta loru zla. Bazan mununwiinzan Ɔg valé élé munu faa da zi dɔ lɛ ko ’lɛ Édréi, gulidanle ko va we gi.

Bélidɔwesɛbɛ Fiézan 3:11

Bazan mununwiinzan Ɔg a Réfaim munu nyaala nya. Alé yialafɛ lé wa kɛlɛ foliɛwɔlɛ nya, é ’ka Amɔn lé nénu lé fla Rabat loo? A sangi a mɛtrɛ ziɛn é buu yé a ’wuola a mɛtrɛ fié, gɔné lé fɛdan mɛtrɛ nya.

Bélidɔwesɛbɛ Fiézan 31:6

’Kabo dɔ gligli, yé ’ka bli ta dɔ plɛplɛ. Té ka kana wo lee lo, té di ’é kini ka gi wolé we ma lo; naa, Gakelebale, kalé Bale bozen é dan tawo lɛ ka va, é ’ka dan ka vo lɛ é pla lo, é ’ka dan sɔn vɔ lɛ ka ma lo.

Bélidɔwesɛbɛ Fiézan 7:17

Dé ka dan fe lɛ ka bli gi léé, bɛn ’konu kiɛre mini ko ta, ko dan wo bin lɛ kaa?

Bélidɔwesɛbɛ Fiézan 7:18

Té ka kana lo. We lé Gakelebale, kalé Bale a kɛlɛ Faraɔn valé Éjipiti munu faa lɛ, a sele ’é dɔ ka gi ma.

Bélidɔwesɛbɛ Fiézan 7:21

Té di é kini ka gi wolé we ma lo; naa, Gakelebale, kalé Bale a ka méléna. É a Bale blɛn valé mitadanmawe kɛlɛ Bale nya.

Bélidɔwesɛbɛ Fiézan 7:24

É dan wo nwiinzannu pa lɛ ka lee, yé ka dan wo tɔ ta saan lɛ tɛrɛ la; wo va mi do kpen ’ka bɔa dɔle lɛ ka ma plɛplɛ lo, fɔɔ yé ka wo faa kulu ga.

Jozué 10:25

Jozué lé wo lɛ léé: Té ka kana lo, yé té ka gi nyɛ é kini lo. ’Ka dɔ gligli yé ’ka bli ta dɔ plɛplɛ, naa, ’ko zo lé Gakelebale é dan a kɛlɛ lɛ ka nyanézannu lé ka guli daan wo nya, wo lɛ.

Jozué 10:8

Gakelebale lé Jozué lɛ léé: Té i kana wo lee lo, naa, maa wo nɔ i lɛ, yé wolé mi do kpen ’ka dan dɔ lɛ i ’lɛ lo.

Jozué 8:7

Yé ka dan bɔra lɛ fla nwun zi, fɛana lé ka ke é yɔɔle, ana, yé ka dan fla si lɛ ’bɛna yé Gakelebale, kalé Bale, é dan a nɔ lɛ ka lɛ.

Weblezannu 11:30

Jɛfeté Gakelebale kun, yé é léé: Dé i Amɔn munu pa an lee,

1 Samuɛl 23:4

David we laa Gakelebale lee é ziin. Gakelebale a zi pa a lɛ léé: ’I nwa, ’i go Kéila, naa, maa Filisitinu paan i lee.