Mi Nɔnɔle 21:27 - Kazambale lé Sebe Sauunu 1979

²⁷ Amalé lɛrɛvɔzannu a sia lɛrɛ nya léé: ’Ka da Esibɔn. ’Ka Sioni lé fla dɛrɛ pa, ’ka a kɛlɛ plɛplɛ.

Mi Nɔnɔle 21:27 ပူးပေါင်းရင်းမြစ်များ

Néémi 7:1

Gɔrɔ ma’lɛrɛle valé a duolinu lɛtanfoliɛwɔlɛnu vɔle a ta zuo, kɔntayuɛpazannu koo, lɛrɛvɔmunu koo, Lévinu koo, wo wo dɔ wolé nyanama pale we ma.

Ézai 14:4

ka dan Babilɔn nwiinzan tɔ vɔ lɛ lɛrɛ nya ’ko zo léé: Éé! é kɛlɛ i lɛ é yi; yaako?-?tazan ’ka é dɛrɛ lo! Yaale ko ta nyaa!

Abaku 2:6

Munu faa ’ka dan alé we fe lɛ gi la loo? É ’ka dan kɛlɛ lɛ yérisiéamazan valé wegɔnévɔmazan nya loo? Wo dan a fe lɛ léé: Mi lé éé mi bɛ lé fɛ zun dɔa é va bɛ, we tɔntɔn ’é bɔ ’bɛzan ma ma. ’Bɛ é dan nyaa lɛ bléyi kyɛn vaa? Mi lé éé vɛɛn taa sié yé a gi vɛɛn bo é bɔ bɛ, we tɔntɔn ’é bɔ ’bɛzan ma ma.

Mi Nɔnɔle 21:14

Amalé é a é gyɛle Gakelebale lé gulidanlenu zuofesɛbɛ gi léé, Vaɛb lé é ke Sufa tɛrɛ la koo, Aanɔn lé ’yiyoro plɛplɛ koo,

Mi Nɔnɔle 21:26

Naa, Esibɔn a Amorénu nwiinzan Sioni lé fla nya; é guli dan Moabnu nwiinzan vininzan va, yé é ’bɛlé tɛrɛ si fɔɔ yé é bɔ Aanɔn yuu ma.

Mi Nɔnɔle 21:28

Naa, kyɛ do si Esibɔn, Kyɛnɛnɛ si Sioni lé fla; É Aa‐Moab ble, Munu lé woo nyanaan Aanɔn yuu gɔ torole nwiin, é wo ble.