Mi Nɔnɔle 21:24 - Kazambale lé Sebe Sauunu 1979

²⁴ Izraɛl wo gyɛ gwɔun nya yé wo alé tɛrɛ si, é sia Aanɔn fɔɔ Jabɔk yuu ma, fɔɔ Amɔn lé tɛrɛ glɛ la; naa, Amɔnnu lé tɛrɛ glɛ la a plɛplɛ.

Mi Nɔnɔle 21:24 ပူးပေါင်းရင်းမြစ်များ

Wepélisiananu 32:22

’Bɛ béli duo nya é nwa; é na fiénu koo, é wuolomu fiénu koo, élé né vu ta do koo, é wo si yé wo gié Jabɔk lé ’yikinina.

Néémi 9:22

I bɛn tɛrɛnu valé migɔnɔnu nɔ wo lɛ, yé tɛrɛnu lé wa si wo nyanézannu lee, bé guli wo ma. Wo Esibɔn nwiinzan blɛn Sioni valé Bazan nwiinzan blɛn Ɔg lé tɛrɛnu si wozé nya.

Lɛrɛvɔ Sɛbɛ 136:19

Amorénu nwiinzan Sioni koo, Naa, a nyanai éé zén‐é yifaama.

Amɔs 2:9

dɔlé té Amoré munu lé wo ke grɔgrɔ bélé sɛdrɛyilinu zo, ’té wa plɛplɛ bélé sɛnéyilinu zo, maa ’bɛnu sɛrɛ Izraɛlnu ’lɛ. Maa ’bɛnu poronu sɛrɛ loru, yé maa ’bɛnu suninu sɛrɛ tɛrɛ gi.

Mi Nɔnɔle 21:13

Wo si ’bɛna yé wo ’wolé sɔkɔnnu dɔ Aanɔn yuu lé éé yoroan bwi la Amorénu glɛ la, a zi, naa, Aanɔn yuu a Moabnu lé tɛrɛ glɛ nya, Moab valé Amorénu méléna.

Bélidɔwesɛbɛ Fiézan 1:4

Amorénu nwiinzan Sioni lé éé nyanaan Esibɔn, ’bɛ valé Bazan munu nwiinzan Ɔg lé éé nyanaan Asitarɔt valé Édréi, Izraɛlnu guli dan wo va yé Izraɛlnu wo kele faa yé we ’ko kɛlɛ.

Bélidɔwesɛbɛ Fiézan 29:7

Ka bɔ fɛkona; Esibɔn nwiinzan Sioni koo, Bazan nwiinzan Ɔg koo, wo nwa ko ma, gulidanle ko va we ma, yé ko wo gyɛ.

Bélidɔwesɛbɛ Fiézan 3:16

Maa Galaad tɛrɛ lɛ do nɔ Rubɛnnu valé Gadnu lɛ; é go fɔɔ Aanɔn yuu ma, yé ’bɛ méléna kɛlɛ a glɛ nya; yé é go fɔɔ Jabɔk yuu ma, ’té ’bɛ ɛ ke Amɔn lé nénu zé glɛ nya.

Bélidɔwesɛbɛ Fiézan 31:4

Amoré mununwiinzan Ɔg valé Sioni lé, Gakelebale woo valé ’wolé tɛrɛ sɛrɛ bɛ, Gakelebale we kɛlɛ wo lɛ fɛan zo, é dan we kɛlɛ lɛ bɛn ’konu lɛ a zo.

Bélidɔwesɛbɛ Fiézan 4:46

We ’ko kɛlɛ, ’té wa Juudɛn yuu zi ’ko, gɔnu worona, Bɛt‐Péɔɔ yara; Amorénu nwiinzan Sioni lé é nyana é vinin Esibɔn, ’té Moizi valé Izraɛl lé nénu a gyɛ guli nya wo fwile Éjipiti tɛrɛ la zuo, Bɛt‐Péɔɔ a yee Sioni lé tɛrɛ la.

Jozué 13:12

Ɔg lé ke Réfaim kulu do kpen lé é vo, a nya, ’té é pla Asitarɔt munu valé Édréi munu nwiin, alé tɛrɛ faa lé ke Bazan koo, woo lé. Moizi minwiinzan ’konu gyɛ guli nya yé é wo bin.

Jozué 24:8

Maa go ka nya Amorénu lé woo nyanaa Juudɛn zi, wolé tɛrɛ la, yé wo guli dan ka va. Maa wo pa ka lee; ka wolé tɛrɛ si yé maa wo gyɛ ka ’lɛ.

Jozué 9:10

yé we faa lé é a kɛlɛ Amorénu nwiinzan fié lé wo ke Juudɛn yuu zi, Esibɔn nwiinzan Sioni valé Bazan nwiinzan Ɔg lé ke Asétarɔt, wo lɛ, ko a ’ma.

Weblezannu 10:11

Gakelebale lé Izraɛl lé nénu lɛ léé: Maa ’ka ka si lɛ Éjipitinu koo, Amorénu koo, Amɔn benu koo, Filisitinu koo, wo lee loo?

Weblezannu 11:13

Amɔn benu nwiinzan a zi pa Jɛfeté lé nwunvɔzannu lɛ léé: Izraɛl si Éjipiti tɛrɛ la aan wo, é anlé tɛrɛ si, é sia Aanɔn yuu ma fɔɔ yé é bɔ Jabɔk yuu valé Juudɛn yuu ma, yee lé. Bé nɔ sin an lɛ, bli drɔɔ nya.

Weblezannu 21:8

Amalé wa fe kɔɔn léé, Izraɛl bɛnnu va mi do ’ka da lɛ Gakelebale va Misipa loo? Yé bé ye, mi do kpen ’ka si lɛ Jabɛs, Galaad tɛrɛ la, yé é da sɔkɔndɔna, munu lé zén‐ékevana lo.