Mi Nɔnɔle 20:14 - Kazambale lé Sebe Sauunu 1979

¹⁴ Wa Kadɛs bléyian va, Moizi munu nwunvɔ Édom minwiinzan blɛn va, a fele a lɛ we gi léé: I bwe Izraɛl léma: Nyané faa lé ko a ble, bé gi dɔɔ.

Mi Nɔnɔle 20:14 ပူးပေါင်းရင်းမြစ်များ

Wepélisiananu 25:23

Gakelebale lé a lɛ léé: Bɛn fié a i bɔn gi; dé i wo yaa tɔɔn wo dan kini lɛ ékema migɔnɔ fié nya. Bɛn do é dan kɛlɛ lɛ plɛplɛ yé é mini é bɔluzan ta yé a segelezan é dan pla lɛ a kiénézan wuo.

Wepélisiananu 25:25

A vininzan bɔra é tɛn bélé wikyɛɛsɔ zo. Wa tɔ pa Ézau.

Wepélisiananu 25:26

A zuo a zuané bɔra, ’té a bɛ a é kunle Ézau ganetɛn ma. Wa tɔ pa Jakɔb. Bléyian va lé wo nénu ’ko yaa ’té Izak lɛɛ a yɔ yaa.

Wepélisiananu 32:29

Jakɔb léé: Wo i tɔ laama nɔɔ? É léé: Mɛmalé i an tɔ laa an lee? yé é a drɔɔ vo ’bɛna.

Fwile 18:8

We faa lé Gakelebale a kɛlɛ Faraɔn valé Éjipiti munu lɛ Izraɛl pli zi koo, nyanénu lé wa ble zia koo, Gakelebale wo si we gi fɛan zo koo, Moizi a zuo faa fe é na ti lɛ.

Amɔs 1:11

Gakelebale léma: Édom munu lé wenyané blɛn yaa lé we ma, gba, maa fé boenwo ziɛn, we lé maa a fe léé, maa dan a kɛlɛ lɛ, maa ’ka dan an dére nɔla lɛ lo; é ’é bwenu zuo bin gwɔun nya, yé é nyanai zénle wo ta yi ga. Alé bliflile ana yifaama, yé a wɛwɛ dɔle glɛ ’ka lo,

Malasi 1:2

Gakelebale léé: Ka sɔ an lɛ. Yé ka léé: Ko sɔ i lɛ kaa? Gakelebale léé: Ézau ’ka Jakɔb bwe nya loo? Duowo, Jakɔb sɔ an lɛ,

Mi Nɔnɔle 13:26

Wo bɔ aan wo, wo da Moizi valé Arɔn va, woo valé Izraɛlnu faa lé é ke é zénle ékeva Kadɛs lé ke Paran bwi la ana bɛ, wo va. Wo ’wo sina glewo wo lɛ, woo valé zén‐ékevamunu faa lɛ, yé wo tɛrɛ ’ko la fɛnu nagɔɔn wo lɛ.

Mi Nɔnɔle 20:15

Ko tranu go Éjipiti tɛrɛ la, yé ko mɔn ana. Naa, Éjipiti munu nyané pa ko valé ko tranu ta.

Mi Nɔnɔle 20:22

Izraɛlnu faa si Kadɛs, yé wo bɔ Ori gɔ ma.

Bélidɔwesɛbɛ Fiézan 23:7

Té ka léabo Édom mi ma lo, é a ka bwe nya, ’bɛzama; té ka léabo Éjipiti mi ma lo, ka kɛlɛ bɛn nya é vinin alé tɛrɛ la, ’bɛzama;

Jozué 2:10

Ka si Éjipiti tɛrɛ la aan wo, yé Gakelebale Wɛyi Sɔɔn kini ékema ka ’lɛ fɛan zo, yé Amorénu nwiinzan fié, Sioni valé Ɔg lé wo ke Juudɛn yuu zi, ka kɛlɛ wo lɛ fɛan zo yé ka wo kulu ga, ko a faa ’ma, azama.

Jozué 2:9

yé é lé wo lɛ léé: Maa gi dɔɔ léé, Gakelebale tɛrɛ ’ko nɔ ka lɛ; ka ko gi nyɛ blɛn kini yé gligli zén kolé tɛrɛlamunu faa gi kalé we ma.

Jozué 9:10

yé we faa lé é a kɛlɛ Amorénu nwiinzan fié lé wo ke Juudɛn yuu zi, Esibɔn nwiinzan Sioni valé Bazan nwiinzan Ɔg lé ke Asétarɔt, wo lɛ, ko a ’ma.

Jozué 9:9

Wa zi pa léé: I wuozannu si tɛrɛ baa baa boen ta, Gakelebale izé Bale tɔ kɛlɛle blɛn lé we ma; alé we lé wa fe, ko a ’ma, we faa lé é a kɛlɛ Éjipiti tɛrɛ la