Mi Nɔnɔle 20:12 - Kazambale lé Sebe Sauunu 1979

¹² Gakelebale lé Moizi valé Arɔn lɛ léé: Ka ’ka ka bli vo lɛ an lɛ lo, yé ka ’ka an lɛdɔ lɛ a ma Izraɛlnu yuɛ va lo, amalé ka ’ka dan go lɛ munu ’ko nya tɛrɛ lé maa a nɔ wo lɛ, a ta lo.

Mi Nɔnɔle 20:12 ပူးပေါင်းရင်းမြစ်များ

2 Minwiinmunu lé Wezuofe Sɛbɛ 20:20

’Bɛ é tu kini, wo zi sia bladi tutu gole Tékoa bwi la we ma. Wo zi sia bléyian va, tɔɔn Jozafat dɔ wo ’lɛ yé é léé: Judanu valé Jérusalɛm munu, ’ka tɔné dɔ an lɛ. ’Ka pa Gakelebale, kalé Bale ta, yé ka dan dɔ lɛ gligli. ’Ka pa alé balelayezannu ta, yé kalé we va é dan gyɛ lɛ.

Lɛrɛvɔ Sɛbɛ 106:32

Wo Gakelebale blifliwe kɛlɛ Mériba ’yi bai, Yé Bale we lɛdɔ Moizi gi wolé we ma,

Lɛrɛvɔ Sɛbɛ 99:8

Gakelebale, kolé Bale, i wolé bazorole nyi si, I kɛlɛ wo lɛ Bale lé éé mi ma we voo, a nya, Naa, i we lɛdɔ wo gi wolé saanlenu we ma.

Ézai 7:9

Naa, Éfraim tɛrɛ la kuru ’léé a Samari nya, yé Rémalia be a Samari flanwiinzan nya. Dé ka ’ka dɔ lɛ a ta lo, ka ’ka dan vo lɛ ana lo.

Ézai 8:13

’Ka lai sunyanu lé Gakelebale ye blɛn, ’ka kana yee ɛ lee, yee ɛ tun dɔ ka gi.

Ézékiɛl 20:41

Tɛrɛnu lé maa ka nwɛɛn ana munu méléna, dé maa ka si ana bléyian va, ’bɛ bléyi va maa dan ka si lɛ bélé lasikɔrɔ gin néné zo. Yé ka dan maa kɛlɛ lɛ segele bɛnnu yuɛ va.

Ézékiɛl 36:23

An tɔ blɛn lé ka sɛrɛ bɛntɛrɛnu ta, ’té ka a sɛrɛ wo méléna bɛ, maa dan a kɛlɛ lɛ tegele. Yé Mizan Gakelebale léma: Dé kalé we kɛlɛ blɛn bɛnnu yuɛ va, wo dan a gi dɔɔ lɛ léé, maa lé ke Gakelebale nya.

Ézékiɛl 38:10

Mizan Gakelebale léma: ’Bɛ yi la, ’wuogibɔrɔlenu é dan dɔ lɛ i ’wuo gi, yé i dan i bɔn gi nyané bɔrɔ lɛ.

Lévinu 10:3

Moizi lé Arɔn lɛ léé: We ’koan Gakelebale a fe yi la loo? É ’ka a fe lɛ léé, mi lé é bié ’é va, ’é kana ’é lee, yé é ’é tɔ kɛlɛ blɛn munu faa yuɛ va loo? Arɔn ta vo é dɔle.

Mi Nɔnɔle 11:15

Té i ’bɛ zoɛ we kɛlɛ an lɛ lo; a fila vɔ léé, i an gyɛ. Ilé zanté, dé maa i yuɛi bɔ, té maa anlé kle ’ko blena ye lo.

Mi Nɔnɔle 20:24

wo dan go lɛ Arɔn nya élé munu va. Ka kɛlɛ tɔnégiplɛplɛzannu nya anlé bélidɔwe ma Mériba ’yinu va, amalé Arɔn ’ka dan zun lɛ tɛrɛ lé maa a nɔ Izraɛlnu lɛ, a ta lo.

Mi Nɔnɔle 27:14

Ka an lɛgama Tisɛn bwi la, munu lé wesia bléyi va, yé ka ’ka an kɛlɛ lɛ blɛn wo yuɛ gi ’yi lé we ma lo, azama. ’Yinu ’ko, wesia ’yinu lé ke Kadɛs, Tisɛn bwi la, wo lé.

Matio 17:17

Jézu léé: Bli paan lo munu, ziri zo bɛn, ka léé, an lɛɛ nɔɔ ɛ kɛlɛ ka va faa ’lɛ, yé ka bli é vo an lɛɛ? Ka léé, maa kɛlɛ kaa? ’Ka da a nya an va ze.

Matio 17:20

Jézu lé wo lɛ léé: Ka bli ’ka é pale tegele lo, amalé. Dé kalé blipale a bélé sénévéwɔlɛ do zo, ka dan a fe lɛ gɔ ’ko lɛ léé: ’I si ’ko yé ’i go mun, yé é dan a kɛlɛ lɛ; yé we do kpen ’ka dan ka kele lɛ lo. Maa fe ka lɛ.

WENÉNÉ LÉ LUK A GYE (Évangile selon Luc) 1:20

Bé ye, an dérenu lé maa a fe i lɛ ’ko, ’té wo lɛ é dan sɔɔ lɛ wo lɛsɔɔbléyi va bɛ, i ’ka bli pa lɛ wo gi lo, bɛwemalé i dan kɛlɛ lɛ bobogyɛzan nya, ’té i ’ka bɔa wefele lɛ lo, fɔɔ yé wo yi é bɔ.

WENÉNÉ LÉ LUK A GYE (Évangile selon Luc) 1:45

Blivowelɛzan gi a é nanale; wenu lé wa fe a lɛ Mizambale tɔ gi, wo lɛ é dan sɔɔ lɛ, azama.

WENÉNÉ LE JAN A GYE (Évangile selon Jean) 1:17

Moizi ɛ da bélidɔwe nya, naa, Jézu Krist ɛ da zin valé webozen nya.

Rom munu 4:20

Blivolɛdére lé Kazambale a fe a lɛ, é ’ka a fe lɛ léé, dé é kɛlaa? ɛɛ, dé é ’ka kɛla loo? é ’ka ’bɛ fe lɛ lo; naa, é dɔ plɛplɛ blipale nya, yé é Kazambale tɔ bɔ,

Bélidɔwesɛbɛ Fiézan 1:37

Kalé we ma lé Gakelebale bli fli maa ma é ziin, yé é léé, maa é ziin, maa ’ka dan wɔra lɛ ana lo.

Bélidɔwesɛbɛ Fiézan 34:4

Gakelebale lé a lɛ léé: Tɛrɛ lé maa anbo ’nyɔɔn léé, maa nɔ Abraam koo, Izak koo, Jakɔb koo, wo lɛ, a fele nya léé, maa dan a nɔ lɛ i nénénu lɛ, yee tɛrɛ lé ke bɛ. Maa a nagɔɔn i lɛ, bé ye i yuɛ nya, naa, i ’ka dan i gane zun lɛ ana lo.

Bélidɔwesɛbɛ Fiézan 4:21

Yé Gakelebale bli fli an ma kalé we ma; yé ébo ’nyɔɔn léé, maa ’ka dan Juudɛn kini lɛ lo, yé maa ’ka dan wɔra lɛ tɛrɛ zin lé é a nɔ ka lɛ kalé tɔnɔfɛ nya, a ta lo.

Jozué 1:2

An wuozan Moizi ga; sin, ’i nwa; bii valé munu ’konu faa, ’ka Juudɛn ’ko kini, gole we gi tɛrɛ lé maa a nɔ Izraɛl lé nénu lɛ, a ta.

1 Piɛri 3:15

naa, ’ka Krist pa é yɛrama ka bli gi Kazan nya. We lé ka bli ke a lɛ, dé miomian é a gi laa ka lee, ’ka gi fe a lɛ. ’Ka a fe bli drɔɔ valé kanale nya,