Mi Nɔnɔle 20:10 - Kazambale lé Sebe Sauunu 1979

¹⁰ Moizi valé Arɔn munu laa, ’wo zén ékeva gɔlɛ ’lɛ. Yé Moizi lé wo lɛ léé: ’Kaa nwamimazannu, ’ka tɔné dɔ do. Gɔlɛ ’ko gi lé ko dan ’yi bɔra lɛ ka lɛɛ?

Mi Nɔnɔle 20:10 ပူးပေါင်းရင်းမြစ်များ

Wepélisiananu 40:8

Wo lé a lɛ léé: Ko nyɛ gyɛ yé a gifezan ’ka lo. Jozɛfu lé wo lɛ léé: We gifele ’ka Kazambale ɛ lee loo? Nyɛ lé ka a gyɛ, ’ka a zuo fe an lɛ.

Wepélisiananu 41:16

Jozɛfu lé Faraɔn lɛ léé: Maa kaan lo. Kazambale ɛ dan a gi fe lɛ Faraɔn lɛ é zima.

Lɛrɛvɔ Sɛbɛ 78:16

É ’yi bɔra gɔlɛ gi, ’té éé duun‐an, ’Té ’yinu éé yoroan bélé yuunu zo.

Fwile 17:6

Naa, maa dan dɔ lɛ i ’lɛ Orɛb gɔlɛ ta; i dan fɛ duun lɛ gɔlɛ lɛ, yé ’yi é dan bɔra lɛ a gi yé munu é dan ’yi mini lɛ. Yé Moizi a kɛlɛ ’bɛ zo, Izraɛl mi segelenu yuɛ va.

Mi Nɔnɔle 20:24

wo dan go lɛ Arɔn nya élé munu va. Ka kɛlɛ tɔnégiplɛplɛzannu nya anlé bélidɔwe ma Mériba ’yinu va, amalé Arɔn ’ka dan zun lɛ tɛrɛ lé maa a nɔ Izraɛlnu lɛ, a ta lo.

Matio 5:22

Naa, maa lé ka lɛ léé, miomian é bli fli é bwe ma, a yara lé weblezannu é we lɛdɔ a gi; yé mi lé é a fe é bwe lɛ léé: Tavozan, a yara lé webolikinimunu wo we lɛdɔ a gi; yé mi lé é é bwe laa, ’wuosɛrɛzan, a yara lé Bale é we lɛdɔ a gi kyɛ plɛplɛ lé wa laama jéɛna, a va.

1 Korent munu 3:7

Amalé mi lé é a vɔ, é valé mi lé é ’yi zén a ta, wolé we ’ka blɛn lo, naa, Kazambale lé éé fɛ tin‐é, yee ɛ lé we ke blɛn.

Éfez munu 4:26

Yé dé ka bli fli té ka wenyané kɛlɛ monomono lo. Té yiri é vɔ kalé bliflile ma lo,

Bélidɔwesɛbɛ Fiézan 9:24

Maa ka dɔɔ a pélisia bléyi va fɔɔ kyɔ, ka a tɔnégiplɛplɛzannu nya Gakelebale ma.

SEBE LÉ JAK A GYE (Épitre de Jacques) 3:2

Kaa faa éé saan gɔnɔ kiɛre nya. Dé mi ’ka saan é dére fele gi lo, ’té gun ’ka a ma lo, ’té éé bɔa ébo kunle lɛ we faa gi.