Mi Nɔnɔle 19:9 - Kazambale lé Sebe Sauunu 1979

⁹ Gɔné tegele do ’é diriyee sia, yé ’é go a nya fla gini ma, fɛna zin do na; ’wa tadɔ Izraɛl lé munu zé nya, léé, ’wa zén ’yi va yé ’é kɛlɛ mi kɛlɛ tegelefɛ nya. É a wenyané ’yibofɛ do nya.

Mi Nɔnɔle 19:9 ပူးပေါင်းရင်းမြစ်များ

Lévinu 15:20

Fɛ faa lé lezan ’ko yia a ta a nɔla bléyi va, wa é naané; dé é nyana fɛan ta, ’bɛ a é naané é ziin.

Zakari 13:1

’Bɛ yi la, ’yi’wuo do é dan fɔn lɛ David lé munu valé Jérusalɛm munu zé nya, wenyané valé mi tiridɔwenu lé we ma.

Mi Nɔnɔle 19:13

Mian mane migale ma, yé é ’ka ’ébo kɛlɛ lɛ tegele lo, ’té é Gakelebale lé sɔkɔn sɛrɛ; ’wo ’bɛzan si Izraɛlnu va ma. É ’ka mi kɛlɛ tegele ’yi zén lɛ ’é ta lo; é ’ka tegele lo; a tiri a tan, azama.

Mi Nɔnɔle 19:17

Mian é ’ka tegele lo, yee dirida lé wa kyɛ ble bɛ, ’wa yee si yé wa zén ’yi zin va bɔ gi.

Mi Nɔnɔle 19:18

Mi tegele do ’é izopéyili si ma, yé ’é a wɔra yee ’yi va; yé ’é a nwɛɛn sɔkɔn koo, a gi nyanamapafɛnu faa koo, munu lé ke ana koo, dé miwɔlɛ léé, mi lé wa gyɛ, dé yee léé, dé migale léé, dé mi vun léé, mian mane a ma, ’bɛzan koo, wo ta.

Mi Nɔnɔle 19:3

’Ka a nɔ Balebanzan Éléazaa lɛ, yé é go a nya fla gini ma, yé wa bɔrɔ bo a yuɛ va.

Mi Nɔnɔle 19:8

Mian é diri kyɛ ble, ’élé varɔ zuru yé ’ébozen zuru yé é dan vo lɛ fɔɔ nyanadi, ’té é ’ka tegele lo.

Mi Nɔnɔle 6:12

É a lé é ’ébo pale é yɛrama péli bɛ sia Gakelebale zé nya, yé ’blané lé a lɛɛ kɛlɛ do, ’é a nɔ wenyaa saraka bofɛ nya. Alé yi kyɛn bɛ, ’bɛ gié; ébo pale é yɛrama Gakelebale zé nya sɛrɛ, azama.

Mi Nɔnɔle 8:7

’I wo kɛlɛ tegele ’ko zo: ’i wenyané ’yibo’yi si, bé zén wo ta; ’wo ’wo kɔlɛ ma kyɛɛ faa bo ma; ’wo ’wolé varɔnu zuru, yé ’wo ’wobo kɛlɛ tegele.

Mi Nɔnɔle 9:13

Dé mian é ke é pla, yé é ’ka go lɛ tawo lɛ lo, dé é vuru Taboyi lé fɛti kɛlɛle ma, ’wo mi ’ko si alé munu va. Yi lé Gakelebale a dɔ, é ’ka da lɛ Bale ban lɛ a yi la lo, azama; yé mi ’ko é we dɔ ébo nwiin.

2 Korɛnt Munu 5:21

Krist lé é ’ka wenyané dɔɔ lɛ monomono lo, Bale a kinin wenyané nya kolé we ma, léé, Kazambale ’é ko kɛlɛ tegele bélé ’é zo Krist gi.

2 Korɛnt Munu 7:1

An sɔlɛzannu, blivolɛdére ’ko zonu a kaa lee, amalé kaa dɔbɛ kyɛn ma tiridɔfɛnu valé léli ma tiridɔfɛnu faa si kaa ma ma, kaa kɛlɛle sauun lɛsɔɔle we ma, kanale Kazambale lee nya.

Ébrunu 7:26

Balebanmunu ’lɛzan ’ko zo, ’bɛ a kaazé nya é zima; é a sauun, we ’ka a nwiin lo, a bɔn gi tiri ’ka lo, é kan kini wenyanékɛlɛmunu ma, yé é a loru baa é mini lanu ta.

Ébrunu 9:13

Dirigɔné valé boligɔné nyɛ koo, dirida yee lé wa nwɛɛn‐an munu lé wo Bale sɔnné sɛrɛ, wo ta, ’bɛ koo, dé ’bɛnu we si munu nwiin yé wo kɛlɛ ’wo bwenu nya mi do é ziin,