Mi Nɔnɔle 19:2 - Kazambale lé Sebe Sauunu 1979

² Bélidɔwe lé maa Gakelebale a nɔ ka lɛ, yee lé ke ’ko: Bé fe Izraɛlnu lɛ léma: Dirida gbamblɛ do lé, gun ’ka a ma lo, ’té fɛ do kpen ’ka a kɔlɛ ma lo, ’té é ’ka tan nyanama vinin pa lɛ lo, ’wo da a nya.

Mi Nɔnɔle 19:2 ပူးပေါင်းရင်းမြစ်များ

Fwile 12:5

’Blagɔnéné lé a lɛɛ ke do, ’té we do kpen ’ka a ma lo, yee lé. Dé ’blané léé, dé boliné léé, ka dan a si lɛ.

Ézai 1:18

Gakelebale léma: ’Ka da, kaa ana we fe. Dé kalé wenyané ka bli tié tiritiri bélé gla’yi zo‐oo, ka bli é dan kɛlɛ lɛ fu tata bélé glasépun zo; dé wo kɛlɛ sɔɔn bélé gulimagyan zo‐oo, ka bli é dan kɛlɛ lɛ fu tata bélé kununu lii zo.

Jérémi Lé Wuvɔ Sɛbɛ 1:14

Bale anlé weplenu yere an bɔrɔ ma, É a vɔ é ke zi an bɔrɔ ma, É anlé plɛplɛ nyaa, Mizan an pa munu lé maa ’ka bɔa dɔle lɛ wo ma plɛplɛ lo, wo lee.

Lévinu 1:10

Dé ’blané lé é dan a nɔ lɛ, balebanwi lé wa kyɛ blé, a nya, ɛɛ, dé boli lé, a gɔné lé we do kpen ’ka a ma lo, ’é yee ɛ nɔ.

Lévinu 1:3

Dé diri lé é dan a nɔ lɛ balebanwi lé wa kyɛ blé, a nya, a gɔné lé, we do kpen ’ka a ma lo, ’é yee ɛ nɔ; é a nɔ zén‐ékevasɔkɔn ’léé, Gakelebale ’lɛ, Gakelebale kɛlɛle a zinzan nya we gi.

Lévinu 14:6

Miané yuɛmale koo, sɛdrɛyili koo, sɔ sɔɔn koo, izopéyilibɛ koo, é dan wo si lɛ yé é dan wo vɔ lɛ, miané lé wa bɔrɔ bo lao yé wa nyɛ zén ’yi va bɛ, a nyɛ va.

Mi Nɔnɔle 19:1

Gakelebale lé Moizi valé Arɔn lɛ léma:

Mi Nɔnɔle 19:6

Sɛdrɛyili koo, izopéyili koo, sɔ sɔɔn koo, Balebanzan ’é wo si yé ’é wo vuli kyɛ lé é ke diriwi blena, a va.

Mi Nɔnɔle 31:21

Balebanzan Éléazaa lé sunyanu lé wo go guli ma, wo lɛ léé: Bélidɔwe lé Gakelebale a vo Moizi va, yee lé ke ’ko:

WENÉNÉ LÉ LUK A GYE (Évangile selon Luc) 1:35

Lanje lé a lɛ léé: Léli Sauun é dan zén lɛ i ta, yé Loruzan lé plɛplɛ é dan zén lɛ i ta bélé furɔ zo. Amalé né sauun lé i dan a yaa lɛ bɛ, wo dan a laa lɛ Kazambale Be.

Bélidɔwesɛbɛ Fiézan 21:3

Fla lé é ke mi gana lɛ é pu é mini a fla koɛnu ta, dé wa gi dɔɔ, fla ’ko ta mi segelenu é dan diridané do si lɛ. Diridané lé é ’ka tan nyanama pa lɛ lo yé wo ’ka tan yili vɔ lɛ a bɔrɔ ma lo, yee lé wo dan a si lɛ.

Ébrunu 7:26

Balebanmunu ’lɛzan ’ko zo, ’bɛ a kaazé nya é zima; é a sauun, we ’ka a nwiin lo, a bɔn gi tiri ’ka lo, é kan kini wenyanékɛlɛmunu ma, yé é a loru baa é mini lanu ta.

Ébrunu 9:10

Balebanle ’ko zo a tɛrɛla bélidɔwe nya é pla; fɛblele koo, minifɛnu koo, fɛ valé mi zurubɛ faa koo, ’bɛnu a a ma wenu nya, yé wo vo ana fɔɔ yé we tavɔɔ bléyi bɔ.

1 Piɛri 1:19

Krist lé ke bélé ’blané lé gyɛ ’ka a ma lo, ’té we do kpen ’ka a kɔlɛ ma lo, a zo, a nyɛ wezan nya lé Bale ka tabo.

1 Piɛri 2:22

Krist ’ka wenyané kɛlɛ lɛ monomono lo, Yé dabli dére do kpen ’ka a ’léé lo;

1 Samuɛl 6:7

Sin, ’ka goro dɛrɛ kɛlɛ, yé dirida fié lé wolé né ke nyɔ ma, ’té wo ’ka tan bɔrɔmayiri vɔ lɛ wo bɔrɔ ma lo, ’ka wo si; ’ka wo dɔ goro ma yé ka da wolé nénu nya kɔn gi.