Mi Nɔnɔle 19:13 - Kazambale lé Sebe Sauunu 1979

¹³ Mian mane migale ma, yé é ’ka ’ébo kɛlɛ lɛ tegele lo, ’té é Gakelebale lé sɔkɔn sɛrɛ; ’wo ’bɛzan si Izraɛlnu va ma. É ’ka mi kɛlɛ tegele ’yi zén lɛ ’é ta lo; é ’ka tegele lo; a tiri a tan, azama.

Mi Nɔnɔle 19:13 ပူးပေါင်းရင်းမြစ်များ

Fwile 30:33

Dé mian é a zoɛ kɛlɛ, dé é a zén bɛn ta, ’wo ’bɛzan si Izraɛlnu va.

Wegɔnévɔlenu 14:32

Wenyanékɛlɛzan guru éé zanaan a gi alé wenyané pli zi, naa, dé mi tegele gaoo, éé yɔɔna yé.

Ézékiɛl 44:26

A kɛlɛle tegele zuo, wo dan a yi nɔnɔ lɛ yi sɔrafié.

Lévinu 15:31

Naa, anlé sɔkɔn lé ke Izraɛl lé nénu va bɛ, dé wa sɛrɛ wo dan ga lɛ, amalé é a lé ka Izraɛl lé nénu kɛlɛwe naanénu faa si wo ma.

Lévinu 20:3

Yé maa, maa dan dɔ lɛ a ma yé maa dan a si lɛ élé munu va, ’élé nénu kɛlɛ Mɔlɔk banfɛ nya, yé é anlé fɛna sauun sɛrɛ yé é an tɔ plɛplɛ kɛlɛ tɔ pla nya, ’bɛzama.

Lévinu 22:3

Bé fe wo lɛ léma: Ka kulu valé ka gɔnɔgimunu faa lé wo bié Gakelebale ’lɛfɛnu lé Izraɛl lé nénu a pa é yɛrama Gakelebale zé nya, wo ma, ’té dé ’bɛzan ’ka é zima lo, ’bɛ mi ’ko, an dan ’bɛ si lɛ ana an yuɛi. Maa a Gakelebale nya.

Lévinu 22:4

Arɔn gɔnɔ gi gɔné faa lé pantɛn gyɛ ke a ma, ɛɛ, dé frɔlɔgyɛ a a ma, té é fɛ plɛplɛ ’ko ble lo, fɔɔ ’té é kɛlɛ tegele. Mi lé é ’ka é zima lo ’é manele migale ma lé we ma koo, mi lé a ’yi so a ma koo, mi lé é mane tawoplɛlawi ma yé ’bɛ a kɛlɛ naané koo, dé fɛofɛan mi kɛlɛ naané, ’bɛzan koo, wolé we a yee bɛ duo gi.

Lévinu 5:17

Dé mi do wenyané kɛlɛ, yé we lé Gakelebale lé bélidɔwe a yi ga, yé é a kɛlɛ é tanyila, a pagi lé, yé we a é dɔle a nwiin.

Lévinu 5:3

Dé é a mi tiridɔfɛofɛan nya, dé mi do mane a ma ’é ma trɔnné va, yé ’bɛ zuo faa yé é a gi dɔɔ, ’té we a a nwiin.

Lévinu 5:6

’Bɛ zuo, ’é wenyaa saraka bo trubɛda nya Gakelebale lɛ, wenyané lé é a kɛlɛ bɛ, a we ma; dé ’blada léé, dé bolida léé, ’é yee ɛ nɔ wenyané ’yibofɛ nya. Yé Balebanzan é dan alé wenyané ’yibo lɛ a nya.

Lévinu 7:20

Bɔvɔ sarakanu a Gakelebale zé nya; a zi a mi tegele faa lɛ léé, é saraka ’ko wi ble, naa, mi lé é ’ka tegele lo, dé é a ble, wo dan a si lɛ ’élé munu va.

Lévinu 7:21

Mi lé é mane fɛ tiridɔle ma, dé é a mi lé é ’ka tegele lo, a nyaoo, dé é a wi tiridɔle nyaoo, dé é a fɛofɛan lé a tiri ke é dɔle, a nyaoo, mi lé é mane ’bɛ ma yé é Gakelebale lé bɔvɔ saraka wi ble, wo dan azan si lɛ ’élé munu va.

Mi Nɔnɔle 15:30

Naa, dé tɛrɛlazan léé, dé bɛn léé, dé mi do we kɛlɛ yuɛma plɛplɛ nya, é maa Gakelebale sɔnɔ; é a lé wo mi ’ko si alé munu va.

Mi Nɔnɔle 19:14

Bélidɔwe lé ke ’ko: dé mi do ga sɔkɔn do gi, dé miomian wɔra ’bɛ kɔn gi, é valé miomian ke kɔn gi yé mi ga a va mi, wo fiénu ’ka tegele lo fɔɔ yi sɔrafié.

Mi Nɔnɔle 19:18

Mi tegele do ’é izopéyili si ma, yé ’é a wɔra yee ’yi va; yé ’é a nwɛɛn sɔkɔn koo, a gi nyanamapafɛnu faa koo, munu lé ke ana koo, dé miwɔlɛ léé, mi lé wa gyɛ, dé yee léé, dé migale léé, dé mi vun léé, mian mane a ma, ’bɛzan koo, wo ta.

Mi Nɔnɔle 19:19

Mian é ke tegele, é dan ’yi zén lɛ mian é ’ka tegele lo, a ta, a yi yaazan valé a yi sɔrafiézan nya, yé é dan kɛlɛ lɛ tegele a yi sɔrafiézan nya. ’É ’élé sɔnu zuru, yé ’ébo zuru; yé é nyanadi é dan kɛlɛ lɛ tegele.

Mi Nɔnɔle 19:20

Mi lé é ’ka tegele lo yé é ’ka zuru lɛ lo, é a lé wa si zén‐ékevamunu va, naa, é Gakelebale lé fɛna sauun sɛrɛ. Wo ’ka mi kɛlɛ tegele ’yi zén lɛ a ta lo, amalé é ’ka tegele lo.

Mi Nɔnɔle 19:9

Gɔné tegele do ’é diriyee sia, yé ’é go a nya fla gini ma, fɛna zin do na; ’wa tadɔ Izraɛl lé munu zé nya, léé, ’wa zén ’yi va yé ’é kɛlɛ mi kɛlɛ tegelefɛ nya. É a wenyané ’yibofɛ do nya.

Mi Nɔnɔle 8:7

’I wo kɛlɛ tegele ’ko zo: ’i wenyané ’yibo’yi si, bé zén wo ta; ’wo ’wo kɔlɛ ma kyɛɛ faa bo ma; ’wo ’wolé varɔnu zuru, yé ’wo ’wobo kɛlɛ tegele.

Mi Nɔnɔle 9:13

Dé mian é ke é pla, yé é ’ka go lɛ tawo lɛ lo, dé é vuru Taboyi lé fɛti kɛlɛle ma, ’wo mi ’ko si alé munu va. Yi lé Gakelebale a dɔ, é ’ka da lɛ Bale ban lɛ a yi la lo, azama; yé mi ’ko é we dɔ ébo nwiin.

WENÉNÉ LE JAN A GYE (Évangile selon Jean) 8:24

Bɛwemalé maa lé ka lɛ léé, ka dan ga lɛ kalé wenyanénu nya ka lee. Naa, maa a mian nya, dé ka bli ’ka vo lɛ a lɛ léé, maa a ’bɛ nya lo, ka dan ga lɛ kalé wenyanénu nya ka lee.

Ébrunu 10:29

’té é dɔ ka gi kaa? Dé mian é Kazambale Be kɛlɛ naanaazan nya, yé gipawe dɔ plɛplɛ nyɛ lé ’bɛ a kɛlɛ sauun bɛ, é ’bɛ ye boawe nya, yé é zin Léli sɔnɔ, a yara ’ka lé Bale é we lɛdɔ ’bɛzan gi welɛdɔle mi gi tɔntɔn bozen nya loo?

Ébrunu 9:10

Balebanle ’ko zo a tɛrɛla bélidɔwe nya é pla; fɛblele koo, minifɛnu koo, fɛ valé mi zurubɛ faa koo, ’bɛnu a a ma wenu nya, yé wo vo ana fɔɔ yé we tavɔɔ bléyi bɔ.

Wegɔɔnle 21:8

Naa, kanazannu koo, blipaanlomunu koo, we gin dɔle kɛlɛzannu koo, migyɛzannu koo, pɛnpɛnnégyɛmunu koo, yokɛlɛmunu koo, miyilibɔzannu koo, viéwomunu faa koo, wozé é dan kɛlɛ lɛ kyɛ lé ke blɛn bélé gyankyɛ zo, ’té wo povun zén a va, a nya, yee lé ke gale fiézan nya, ’té mi gulii ga é wo sin bɛ.

Wegɔɔnle 22:11

Mi lé é ke mi ple nya, ’é vo élé weple gi; mi lé a tiri ke é dɔle, ’é vo é tiridɔle gi; mi tegele ’é vo élé we tegele kɛlɛna; mi lé é ke sauun ’é vo duowo sauun.

Wegɔɔnle 22:15

Blénnu koo, yokɛlɛmunu koo, pɛnpɛnnégyɛmunu koo, migyɛmunu koo, miyilibɔzannu koo, munu lé vié sɔ wo lɛ ’té wa woo koo, wa béera.