Mi Nɔnɔle 19:11 - Kazambale lé Sebe Sauunu 1979

¹¹ Dé é a migaleoo migalean nya, mian é mane migale ma, é ’ka dan kɛlɛ lɛ tegele lo, fɔɔ yi sɔrafié.

Mi Nɔnɔle 19:11 ပူးပေါင်းရင်းမြစ်များ

Ézai 52:11

’Ka gooo, ’ka go, ’ka si ana, Té ka mane fɛ tiridɔle do kpen ma lo. ’Ka si Babilɔn munu méléna. Ka lé ka Gakelebale lé bɔnu sié, ’Kabo kɛlɛ é zima.

Jérémi Lé Wuvɔ Sɛbɛ 4:14

Woo nɔɔan zinu ta bélé yuɛwiizannu zo, ’Té nyɛ wo tiri dɔ; Wo ’ka bɔa manele lɛ Wolé varɔnu ma lo.

Ézékiɛl 39:12

Izraɛl munu é dan wo galenu pa lɛ, wolé tɛrɛ kɛlɛle é zima we ma; wo dan we ’ko kɛlɛ lɛ moné sɔrafié.

Ézékiɛl 44:26

A kɛlɛle tegele zuo, wo dan a yi nɔnɔ lɛ yi sɔrafié.

Lévinu 11:31

Wi kiénénu faa va, ’ka wo ye fɛ tiridɔle nya. Dé miomian mane wo gale ma, a tiri é dan dɔ lɛ fɔɔ nyanadi.

Lévinu 21:1

Gakelebale lé Moizi lɛ léé: Bé fe Balebanzannu Arɔn benu lɛ léé: Dé é ’ka abo lé mi tegele nya lo, té Balebanzan ébo tiri dɔ élé munu va migale lé we ma lo; a bu koo, a ti koo, a be koo, a bwe koo,

Lévinu 21:11

Té é bié migale ma lo; té ébo kɛlɛ naané lo, dé a ti léé, dé a bu léé, wolé we ma lo.

Lévinu 22:4

Arɔn gɔnɔ gi gɔné faa lé pantɛn gyɛ ke a ma, ɛɛ, dé frɔlɔgyɛ a a ma, té é fɛ plɛplɛ ’ko ble lo, fɔɔ ’té é kɛlɛ tegele. Mi lé é ’ka é zima lo ’é manele migale ma lé we ma koo, mi lé a ’yi so a ma koo, mi lé é mane tawoplɛlawi ma yé ’bɛ a kɛlɛ naané koo, dé fɛofɛan mi kɛlɛ naané, ’bɛzan koo, wolé we a yee bɛ duo gi.

Lévinu 5:2

Dé mi do mane fɛ tiridɔle ma, dé wi tiridɔle gale léé? dé é a bwi gi wi gale nyaoo, dé é a flawi gale nyaoo, dé é a tawoplɛlawi gale nyaoo, ’té é ’ka a gi dɔɔa lo, yeebozen ’ka tegele lo é ziin, ’té we a a nwiin é dɔle.

Agajé 2:13

Yé Agajé léé: Dé mi do tiri dɔ a manele fɛ gale ma we ma, dé é mane fɛ ’konu do ma, a tiri dɔɔ? Yé Balebanzannu léé: Iin, a tiri dɔ.

Mi Nɔnɔle 19:16

Dé miomian é ke féi, yé é mane mi lé wa gyɛ gwɔun nya, dé yee léé, dé migale pla léé, dé migale wɔlɛ léé, dé mi vun léé, a ma, é ’ka dan kɛlɛ lɛ tegele lo fɔɔ yi sɔrafié.

Mi Nɔnɔle 31:19

Yé ’kaa, ’ka vo fla gini ma yi sɔrafié, ka va munu faa lé wo mi gyɛ koo, ka va munu faa lé wo mane mi gale ma koo, ’ka kabo kɛlɛ tegele a yi yaazan valé a yi sɔrafiézan nya, ka valé kalé luunu nya.

Mi Nɔnɔle 5:2

Bé fe Izraɛlnu lɛ léé, ’wo pantɛngyɛzannu faa bin sɔkɔn dɔna, wo koo, munu lé frɔlɔgyɛ vɔ wo ma koo, munu lé wo mane migale ma, ’té wo ’ka tegele lo koo, woo lé.

Mi Nɔnɔle 6:6

Alé Bale kunbléyi faa gi, té é bié mi gale do ma monomono lo.

Mi Nɔnɔle 9:10

dé ka va mi do léé, dé ka kulu va mi do léé, dé é ’ka tegele lo mi gale lé we ma, taa, dé é go ta baa wo lɛ, é a lé é Gakelebale tɔ bɔ Taboyi lé fɛti kɛlɛle nya.

Mi Nɔnɔle 9:6

Mi kenu ana, wo ’ka tegele lo mi gale lé we ma, yé wo ’ka bɔa Taboyi lé fɛti kɛlɛle lɛ ’bɛ yi nya lo. ’Bɛ yi duo nya wo da Moizi valé Arɔn va,

Kelewenu 21:26

Yé ’bɛ é tu kini Pɔl munu ’ko si, yé ébo kɛlɛ tegele, yé é wɔra wo nya Balebangikɔn gi, yian nya lé wo kɛlɛle tegele lɛ é dan sɔɔ lɛ, é valé yian é a lé wo da Bale blan nya do do, é a fe wo lɛ.

Kelewenu 21:27

Yi sɔrafié nyaala nya, Azi tɛrɛ la Juifinu Pɔl ye aan wo Balebangikɔn gi, wo munu faa nwa yé wo Pɔl kun siaale nya léé:

Rom munu 5:12

We lé é bɔ, yee lé ke ’ko: mi do kpen ɛ da wenyané nya tɛrɛ la yé wenyané da ga nya, amalé munu faa éé gaan; munu faa éé wenyané kɛla, azama.

2 Korɛnt Munu 6:17

Bɛwemalé Mizambale léma: ’Ka si wo méléna; ’ka kini wo nya ékema, Fɛ lé é ’ka sauun lo, té ka mane a ma lo; Yé maa dan ka si lɛ.

Éfez munu 2:1

É vinin, ka a é gale kalé we sɛrɛlenu valé kalé wenyanénu lé we ma;

Ébrunu 9:14

’té Krist nyɛ nii? ’Bɛzé ’ka minié loo? Léli lé é ’ka gaan lo, ’bɛ nya lé ébo nɔ Kazambale lɛ saraka lé gun ’ka a ma lo, a nya. Kaa kɛlɛwenu lé wo tɔnɔ ’ka lo, a nyɛ ’ka dan wo si lɛ kaalé wevasibli gi yé kaa kɛlɛ Bale yuɛmale bɔzannu nya loo?