Mi Nɔnɔle 18:9 - Kazambale lé Sebe Sauunu 1979

⁹ Bale ’lɛfɛnu lé wo ’ka wo kyɛ blé lo, wo va fɛnu lé wo dan kɛlɛ lɛ izé nya, yee lé ke ’ko: wolé balebanfɛnu faa koo, wolé blɛfɛnu faa koo, wolé wenyané ’yibo saraka faa koo, wenyaa saraka faa lé wa bo an lɛ koo, woo lé; Bale ’lɛfɛnu ’ko, wo dan kɛlɛ lɛ bii valé i benu zé nya.

Mi Nɔnɔle 18:9 ပူးပေါင်းရင်းမြစ်များ

2 Minwiinzannu 12:17

Siri nwiinzan blɛn Azaɛl nwa yé é guli dan Gat munu va, yé é wo kele. É dɔ Azaɛl gi léé, é dan guli dan lɛ Jérusalɛm munu va.

Néémi 10:36

Ko fe é ziin léé, ko dan da lɛ kolé négɔné vininnu koo, kolé winu lé né vininnu koo, kolé diri lé né vininnu valé kolé ’bla lé né vininnu koo, wo nya, Balebanzannu lé wo ke nyanama pana kolé Bale lé kɔn gi, wo lɛ, fɛan zo lé wa gyɛ bélidɔwe sɛbɛ gi, a zo.

Ézékiɛl 42:13

É lé an lɛ léé: Kɔnnénu lé wo ke yirinwana bɛbolazia, wo valé yirinwana bɛyilazia, ’té wo ke fɛna pla ’lɛzia bɛ, wa kɔnné tinlenu nya. Wona lé Balebamunu lé woo biéan Gakelebale sɔnɔ, woo Bale ’lɛfɛnu blé. Wo dan fɛ ’lɛzannu pla lɛ wona, blɛfɛnu koo, balebanwinu lé woo wo no wenyané ’yibo sarakanu valé wenyané ma sarakanu nya, wo koo, woo lé. Naa, fɛkona a é tinle, azama.

Ézékiɛl 44:29

Blɛfɛnu koo, wenyané ’yibo sarakanu koo, wenyané ma sarakanu koo, wo dan kɛlɛ lɛ wozé fɛblele nya; yé fɛ faa lé Izraɛlnu a pa é yɛrama Bale zé nya, ’wa nɔ Balebanmunu lɛ.

Lévinu 10:17

yé é léé: Mɛmalé ka ’ka wenyané ’yibowi ble lɛ fɛna plɛplɛ na loo? É a bale ’lɛfɛ nya; yé Gakelebale a nɔ ka lɛ léé, ka munu lé wenyané kɔné si, kalé wolé wenyané ’yibole Gakelebale ’lɛ we gi.

Lévinu 14:13

Fɛana lé wenyané ’yibo sarakawi valé balebanwi lé wa kyɛ blé, woo wo bɔrɔ boo, ana lé wo dan ’blané ’ko bɔrɔ bo lɛ, fɛna sauun na; naa, wenyaa saraka a bélé wenyané ’yibo saraka zo, a wi a Balebanzan zé nya; é a Bale ’lɛfɛ nya.

Lévinu 2:10

Fɛnu lé woo wo kyɛ blé Gakelebale lɛ, fɛ ’ko a wo va fɛ plɛplɛ nya; a pɔné lé é vo bɛ, é a Arɔn valé é benu zé nya.

Lévinu 22:11

Naa, luu lé balebanzan a lɔ gɔɔli nya, ’bɛ é bɔaléé ’bɛ a ble, ’é valé mi lé wa yaa alé kɔn gi, ’bɛnu a ble; wo dan Balebanzan leefɛ ble lɛ.

Lévinu 22:7

yiri vɔle zuo é kɛlɛ tegele, ’bɛ zuo é dan fɛ plɛplɛ ’konu ble lɛ, naa, é a alé fɛblele nya.

Lévinu 4:22

Dé é kɛlɛ léé, munu nwiinzan do wenyané kɛlɛ yé we lé é ’ka lé mi a kɛlɛ lo, é a kɛlɛ é tanyila, yé é Gakelebale lé bélidɔwe sɛrɛ yé é we dɔ ébo nwiin ’bɛ nya,

Lévinu 4:27

Dé é kɛlɛ léé, munu va mi do wenyané kɛlɛ é tanyila yé we lé é ka lé mi a kɛlɛ lo, yé é a kɛlɛ yé é Gakelebale lé bélidɔwe sɛrɛ yé é we dɔ ébo nwiin ’bɛ nya,

Lévinu 5:1

Dé mi do kɛlɛ wenayezan nya yé é bɛ nwa ’bɛ we ma, yé we lé é a ye, ’é valé we lé é a gi dɔɔ, yé é ’ka a fe lɛ lo, yé ’bɛ we ma é wenyané kɛlɛ, ’té we a a nwiin.

Lévinu 5:6

’Bɛ zuo, ’é wenyaa saraka bo trubɛda nya Gakelebale lɛ, wenyané lé é a kɛlɛ bɛ, a we ma; dé ’blada léé, dé bolida léé, ’é yee ɛ nɔ wenyané ’yibofɛ nya. Yé Balebanzan é dan alé wenyané ’yibo lɛ a nya.

Lévinu 6:17

Gakelebale we fe Moizi lɛ léma:

Lévinu 6:19

Balebanzan lé éé wenyané ’yibo wi no, é dan a ble lɛ; é dan a ble lɛ fɛna plɛplɛ na; zén‐ékevasɔkɔn gɔrɔ gi lé é dan a ble lɛ.

Lévinu 7:1

Wenyaa saraka lé bélidɔwe a ’ko zo: Bale ’lɛfɛ lé.

Lévinu 7:6

Balebanzannu va gɔnénu faa é dan a ble lɛ; wo dan a ble lɛ fɛna plɛplɛ na; Bale ’lɛfɛ lé.

Lévinu 7:7

Wenyaa saraka a bélé wenyané ’yibo saraka zo; saraka fiénu ’ko lé bélidɔwe a do; sarakawi é dan kɛlɛ lɛ Balebanzan lé, é wenyané ’yibo a nya, azé nya.

Mi Nɔnɔle 18:10

’Ka wo ble fɛna tinle do na; ka gɔnénu faa a ble. ’Ka wo ye Bale ’lɛfɛnu nya ma.

Bélidɔwesɛbɛ Fiézan 18:1

Balebanzannu, Lévinu, Lévi bɛn gi munu faa, wozé fɛ ’ka dan kɛlɛ lɛ Izraɛl munu zé va lo, yé wo ’ka dan ’wozé tɔnɔ ye lɛ wo va lo; Gakelebale banfɛ lé wa kyɛ blé Gakelebale tɔbɔfɛ nya, ’té é ke Gakelebale lé tɔnɔ nya bɛ, wozé fɛblele éé sié ’bɛ va.