Mi Nɔnɔle 18:8 - Kazambale lé Sebe Sauunu 1979

⁸ Gakelebale lé Arɔn lɛ léé: Bé ye, fɛnu faa lé Izraɛlnu wo pa é yɛrama anzé nya, maa wo va fɛ kenu nɔ i lɛ, yee lé ke fɛnu lé wa nɔ an lɛ a nwale valé a tuale nya, wo nya. Maa wo nɔ bii valé i benu zé dɔna nya, nyɔnɔ zénle ka ta we ma. É a ka dɔna nya lɛɛfaama.

Mi Nɔnɔle 18:8 ပူးပေါင်းရင်းမြစ်များ

2 Minwiinzannu 12:16

We nyaa saraka ma gɔɔli valé wenyané ’yibo saraka ma gɔɔli, wo ’ka da lɛ ’bɛ nya Gakelebale lé kɔn gi lo; Balebanzannu zé bɛ.

2 Minwiinmunu lé Wezuofe Sɛbɛ 31:4

Yé é lé Jérusalɛm munu lɛ léé, ’wo Balebanzannu valé Lévinu zé nɔ ’wo lɛ, léé, ’wo Gakelebale lé bélidɔwe kɛlɛ tegele.

2 Minwiinmunu lé Wezuofe Sɛbɛ 31:5

Wo we ’ko zana dɔɔ aan wo, Izraɛlnu fɛ nɔ kiɛre; ’sa vininzannu koo, dɔrɔ dɛrɛnu koo, nyɔnɔnu koo, zɔrɔnyɔnɔnu koo, féifɛ vininzannu koo, woo lé. Yé é ziin, wo da fɛ faa vuzannu nya.

Fwile 28:43

Dé Arɔn valé é benu wɔra zén‐ékevasɔkɔn gioo, dé wo bié balebanna ma wolé nyanama pale we gi fɛna sauun naoo, wo dan wo zén lɛ ’wo ta; ’bɛ zo lé we ’ka é dɔle wo nwiin lo, yé wo ’ka gaan lo. We ’ko a bélidɔwe lé a glɛ ’ka lo, a nya, Arɔn valé é kulunu lé wo dan kɛlɛ lɛ a zuo, wozé nya.

Fwile 29:21

Nyɛ lé ke balebanna ta valé nyɔnɔ lé wa zén‐é mi ta, bé si, yé bé nwɛɛn Arɔn valé ’élé sɔnu koo, a benu valé ’wolé sɔnu koo, wo ta. Arɔn valé ’élé sɔnu koo, a benu valé ’wolé sɔnu koo, ’i wo pa é yɛrama ’bɛ ɛ zo.

Fwile 29:28

Wa Arɔn valé é benu zé nya, bélidɔwe lé a glɛ ’ka lo, a yɛrama; é a lé Izraɛl lé nénu ’é tawo bélidɔwe ’ko ta, naa, nwale valé tuale blan lé; bɔvɔ sarakanu lé Izraɛl lé nénu a boo, wo va saraka lé ke a nwale valé a tuale blan nya, é a Gakelebale zé nya.

Fwile 29:29

Arɔn lé balelasɔ é dan kɛlɛ lɛ a benu zé nya a zuo, yé wo dan wo zén lɛ ’wo ta, ’té dé wo nyɔnɔ zén wo nwiin yé wo wo bɛ pa Bale banle ta.

Fwile 40:13

I dan balelasɔ zén lɛ Arɔn ta, i dan nyɔnɔ zén lɛ a ta, yé i dan i bɛ pla lɛ a ta, alé balebannyanama pale an lɛ we gi.

Fwile 40:15

yé i dan nyɔnɔ zén lɛ wo ta, i nyɔnɔ zén wo ti ta fɛan zo, a zo, wolé balebannyanama pale an lɛ we gi. Nyɔnɔ zénle wo ta ’ko, ’bɛ é dan balebannyanama pale kɛlɛ lɛ wo kulunu zé nya sɔbɛla we nya lɛɛfaama, a glɛ ’ka lo.

Ézai 10:27

’Bɛ yi la alé kɔné lé é a dɔ ka nwiin, an dan a si lɛ, yé an dan luubale kini lɛ ka bɔrɔ ma. Dé ka bua blɛn, ka dan ka bɔrɔmabale kini lɛ.

Lévinu 21:10

Balebanzan lé ke é bwenu ’lɛzan nya, ’té wo Bale ’lɛnyɔnɔ zén a nwiin bɛ, ’té wa pa é yɛrama yé é balebannasɔnu zén‐é ’é ta bɛ, té é sɔ si é ’wuo ma lo, té ’élé sɔnu fia lo.

Lévinu 23:20

Sarakabowi koo, fɛ vininzan lé buru koo, ’blané fié koo, Balebanzan é dan wo dia lɛ ’é bɛ fié la Gakelebale ’lɛ; wa fɛ lé wa pa é yɛrama Gakelebale zé nya, wo nya, yé wo dan kɛlɛ lɛ Balebanzan zé nya.

Lévinu 6:16

Balebanfɛ faa lé Balebanzan a nɔ, ’wa faa kyɛ ble; té wa ble lo.

Lévinu 6:18

Bé fe Arɔn valé ’é benu lɛ léma: Wenyané ’yibo saraka lé bélidɔwe a ’ko zo: Balebanwi lé wa kyɛ blé, wa bɔrɔ boo fɛana, ana duo lé wo dan wenyané ’yibo saraka lé wi bɔrɔ bo lɛ Gakelebale ’lɛ; fɛ ’ko a Bale ’lɛfɛ nya.

Lévinu 6:20

Dé mian mane a nɛ ma, ’té é kɛlɛ Bale ’lɛzan segele nya. Dé a nyɛ zén sɔ do gi, wo dan ana zuru lɛ fɛna plɛplɛ na.

Lévinu 7:14

Wo dan fɛblele faa do do ke nɔ lɛ Gakelebale lɛ a nwale valé a tuale nya; Balebanzan lé é bɔvɔ saraka wi nyɛ nwɛɛn, é dan kɛlɛ lɛ azé nya.

Lévinu 7:28

Gakelebale we fe Moizi lɛ yé é léma:

Lévinu 7:6

Balebanzannu va gɔnénu faa é dan a ble lɛ; wo dan a ble lɛ fɛna plɛplɛ na; Bale ’lɛfɛ lé.

Lévinu 8:30

Fɛ’lɛdɔ nyɔnɔ koo, nyɛ lé ke balebanna ta koo, Moizi wo si, yé é wo nwɛɛn Arɔn valé élé sɔnu koo, Arɔn benu valé wolé sɔnu koo, wo ta; yé Arɔn valé ’élé sɔnu koo, Arɔn benu valé ’wolé sɔnu koo, Moizi wo ’lɛ dɔ.

Mi Nɔnɔle 18:9

Bale ’lɛfɛnu lé wo ’ka wo kyɛ blé lo, wo va fɛnu lé wo dan kɛlɛ lɛ izé nya, yee lé ke ’ko: wolé balebanfɛnu faa koo, wolé blɛfɛnu faa koo, wolé wenyané ’yibo saraka faa koo, wenyaa saraka faa lé wa bo an lɛ koo, woo lé; Bale ’lɛfɛnu ’ko, wo dan kɛlɛ lɛ bii valé i benu zé nya.

Mi Nɔnɔle 5:9

Blɛfɛnu faa lé Izraɛlnu wo pa é yɛrama, é a lé wo kɛlɛ Balebanzan lé wa nɔ a lɛ bɛ, azé nya.

1 Korent munu 9:13

Ka ’ka a gi dɔɔa léé, munu lé woo balebannyanama paan, woo fɛ blé Balebangikɔn ma loo? Yé wo lé woo nyanama paan balebanna, wo ’wozé yé balebanna ma loo?

Bélidɔwesɛbɛ Fiézan 12:11

Yé Gakelebale, kalé Bale, é dan fɛ do na si lɛ yé é dan ’é tɔ pa lɛ a ma. Fɛ faa lé maa a fena ka lɛ kyɔ, ka dan da lɛ wo nya yee ɛ na; kalé winu lé wa kyɛ blé koo, kalé sarakanu koo, kalé fɛvuzannu koo, kalé féifɛ vininnu koo, kalé bale kunle lɛ sɔɔ sarakanu koo, ka dan da lɛ wo nya yee ɛ na.

Bélidɔwesɛbɛ Fiézan 12:6

’Bɛna lé ka dan Bale ban lɛ; kalé balebanwinu lé wa kyɛ blé koo, kalé sarakanu koo, kalé fɛvuzannu koo, kalé féifɛ vininzannu koo, kalé bale kunle lɛ sɔɔ sarakanu koo, kalé bli drɔɔ blɛnu koo, kalé dirinu valé kalé bolinu lé né vininnu koo, ka dan wo nɔ lɛ yee ɛ na.

Bélidɔwesɛbɛ Fiézan 18:1

Balebanzannu, Lévinu, Lévi bɛn gi munu faa, wozé fɛ ’ka dan kɛlɛ lɛ Izraɛl munu zé va lo, yé wo ’ka dan ’wozé tɔnɔ ye lɛ wo va lo; Gakelebale banfɛ lé wa kyɛ blé Gakelebale tɔbɔfɛ nya, ’té é ke Gakelebale lé tɔnɔ nya bɛ, wozé fɛblele éé sié ’bɛ va.

Bélidɔwesɛbɛ Fiézan 26:13

I dan a fe lɛ Gakelebale, ilé Bale lɛ léé: We lé i an béli dɔ a nya, maa a faa kɛlɛ, fɛ lé é ke é pale é yɛrama, maa a si anlé kɔn gi yé maa a nɔ Lévi mi koo, bɛn bɛ mi koo, ti valé bugalazan koo, zanagalale koo, wo lɛ; maa ’ka i sɔnné do kpen saan lɛ lo, an gi ’ka san lɛ a do kpen ma lo.

Ébrunu 1:9

Bale, we tegele sɔ i lɛ, yé weple za a i gi, Amalé ilé Bale gi nanale lé nyɔnɔ zén i nwiin Yé é gié i yɛramamunu zé ta.

1 Jan 2:20

Yé ka zin ye mi sauun Jézu va, yé ka faa we dɔɔ.

1 Jan 2:27

Krist é Léli zén ka ta; dé a Léli nyana ka gi, ka mawe ’ka a gi léé, mi é we paa ka gi lo. Naa, we faa lé a Léli ke a paana ka gi bɛ, é a webozen nya yé é ka vié nya lo, bɛwemalé ’ka vo Jézu gi, a Léli we paa ka gi fɛan zo, a zo.