Mi Nɔnɔle 18:7 - Kazambale lé Sebe Sauunu 1979

⁷ Bii valé i benu lé wo ke i va, ’ka kalé Bale gi nyanama pa, dé é a balebanna lé nyanama faa nyaoo, dé é a sɔkɔnmi zi lé nyanama nyaoo, ’ka a pa. Nyanama lé é a lé ka a pa, yee lé ke bɛ. Maa balebannyanama nɔ ka lɛ blɛ zin nya. Dé bɛn bié a ma, wo dan a gyɛ lɛ.

Mi Nɔnɔle 18:7 ပူးပေါင်းရင်းမြစ်များ

Lɛrɛvɔ Sɛbɛ 115:10

Arɔn lé munu, ’ka pa Gakelebale ta. É a ka bɔavazan valé ka takuunzan nya.

Fwile 28:1

’I bwe Arɔn valé é benu bié i va, yé ’i wo si Izraɛl lé nénu méléna, yé ’i bɛ pla wo ta wo kɛlɛle balebannyanama pazannu nya an ’lɛ we ma; Arɔn valé é benu Nadab koo, Abiu koo, Éléazaa koo, Itamaa koo, woo lé.

Fwile 29:9

I dan kyɛsidi dɔ lɛ Arɔn valé é benu gyɛn, yé i dan sɔkoro wo lɛ Arɔn benu ’wuo ma. Balebannyanama a wozé nya bélidɔwe lé a glɛ ’ka lo, a yɛrama. ’Bɛ zo lé i dan Arɔn valé é benu bɛ pa lɛ Bale banle ta.

Ézékiɛl 44:15

Naa, Balebanmunu, Lévinu lé wo ke Sadɔk kululazannu nya, ’té wo anlé fɛna sauun lé nyanama pa, bléyian va lé Izraɛl munu wo kan kini an ma, ’bɛ bléyi va bɛ, woo bɛ, wo dan bié lɛ an sɔnɔ an banle we gi, yé wo dan dɔ lɛ an ’lɛ, wi nyɔnɔnu valé wi nyɛnu nɔle an lɛ we gi. A zo lé Mizan Gakelebale a fe.

Ézékiɛl 44:16

Wo dan wɔra lɛ anlé fɛna sauun na; wo dan bié lɛ anlé tablé sɔnɔ an banle we gi. Wo dan vo lɛ anlé nyanama ta.

Ézékiɛl 44:8

Ka ’ka anlé kɔn tinle gi nyanama pa lɛ lo; naa, ka bɛnnu pa ka pa gi nyanama pale anlé fɛna tinle na we gi.

Lévinu 16:2

Gakelebale lé Moizi lɛ léé: Bé fe i bwe Arɔn lɛ léé, té é da sɔ zi Balekɔn gɔnɔma, nyanai zén mi la nyanana lé ke Bale lé kɛsu ta, a ’lɛ, bléyi faa ma lo, dé é da ga; naa, maa dan da lɛ nyanai zén mi la nyanana ta loru, lafu gi.

Lévinu 7:35

Sarakanu lé woo wo kyɛ blé Gakelebale ’lɛ, a vafɛ lé wa no Arɔn valé é benu lɛ, yee lé ke bɛ; a péli é dan sia lɛ yian nya lé wo baleban nyanama pale péli sia an lɛ, a yi nya.

Mi Nɔnɔle 1:51

Dé sɔkɔn gobléyi bɔ, Lévimunu a si yé wa po pa; dé sɔkɔn bɔ é dɔna Lévinu a fuo yé wa dɔ, yé dé bɛn bié a ma, é a lé wa gyɛ yé é ga.

Mi Nɔnɔle 16:40

É a we sele dɔ Izraɛlnu gifɛ nya, léé, munu lé wo ’ka Arɔn bɛn gi munu nya lo, té wo va mi do kpen é bié Gakelebale banle lasikɔrɔ nya we ma lo; té wolé we é kɛlɛ bélé Koré valé é vamunu zé zo lo we ma, we lé Gakelebale a fe Moizi lɛ, a yɛrama.

Mi Nɔnɔle 18:20

Gakelebale lé Arɔn lɛ léé: Té wolé tɛrɛlafɛ do kpen é kɛlɛ izé nya lo; ilé zarafɛ ’ka dan kɛlɛ lɛ wo va lo. Maa ɛ ke izé nya, ilé tɔnɔ nya Izraɛlnu va.

Mi Nɔnɔle 18:3

’Wo i déretawenu kɛlɛ ma, é valé sɔkɔn gi nyanama faa lé, naa, té ’wo bié fɛna sauun lé nyanamapafɛnu valé balebanna ma lo, dé ka valé wonu é da ga.

Mi Nɔnɔle 3:10

’I Arɔn valé é benu dɔ wolé balebannyanama pale we ma. Yé bɛn lé é bié wo ma, ’wo ’bɛ gyɛ yé ’é ga ma.

Mi Nɔnɔle 3:38

Moizi koo, Arɔn valé é benu koo, wo ’wozé sɔkɔnnu dɔ zén‐ékevasɔkɔn ’léé, yirinwanazia; fɛna sauun tabinle lé wa bɛ pa Izraɛlnu lee, wa bɛ pa wo ɛ lee, léé, ’wo yuɛ pa a va. Yé bɛn lé é bié wo ma, ’wa gyɛ yé ’é ga.

Matio 10:8

’Ka gyɛgyɛmunu béli, ’ka gamunu nwa, ’ka pantɛn si munu ma, ’ka yonu si munu gi. Ka a ye é pla, ’ka a nɔ blɛ nya é pla ma.

WENÉNÉ LE JAN A GYE (Évangile selon Jean) 3:27

Jan léé: Dé Bale ’ka fɛ nɔ lɛ mi lɛ lo, é ’ka bɔa fɛ yele lɛ lo.

Éfez munu 3:8

Maa lé an ke Kazambale lé munu faa va mi kiéné nya, Bale zin ’ko kɛlɛ an lɛ léé, Krist lé fuawenu lé wo ’ka wo gi ’male nyaan lo, maa wolé we fe bɛn bɛnu lɛ,

Bélidɔwesɛbɛ Fiézan 18:2

Wo ’ka dan tɔnɔfɛ ye lɛ ’wo bwenu zé va lo; Gakelebale a wolé tɔnɔfɛ nya, é a fe wo lɛ fɛan zo, a zo.

Ébrunu 5:4

Mi do kpen ’ka dɔna blɛn ’ko sié lo, ’té dé Kazambale ’ka a laa lɛ lo, bélé fɛan zo lé é Arɔn laa, a zo lo.

Jozué 18:7

Naa, Lévinu zé ’ka dan kɛlɛ lɛ ka va lo; naa, balebannyanama lé ke wozé nya; yé Gad koo, Rubɛn koo, Manasé bɛn lɛgɔnɔ do koo, wozé tɛrɛ lé Gakelebale wuozan Moizi a nɔ wo lɛ Juudɛn zi, yirinwana zia, wa ye.

1 Piɛri 5:2

Kazambale lé trubɛnu lé é wo bɛ pa ka lee, ’ka wo pa é zima ma; té ka a kɛlɛ gla nya lo, ’ka kɛlɛ bli drɔɔ nya; té ka kɛlɛ fɛ yele wo nwiin we ma lo, naa, ’ka kɛlɛ wo sɔle ka lɛ we ma;

1 Piɛri 5:3

té kabo pla wo nwiin bélé fɛan zo lé wa ka wuozannu nya, a zo lo, naa, ’ka kɛlɛ trubɛnu lé wekɛlɛmazannu nya ma.

1 Samuɛl 2:28

Maa a si Izraɛl bɛnnu faa méléna, anlé nyanama pale koo, an banle koo, lasikɔrɔ kyɛblele koo, éfɔdi zénle ka ta an ’lɛ koo, a faa we gi, yé wi faa lé Izraɛl lé nénu éé Bale baan wo nya, maa a nɔ i tranu lɛ.