Mi Nɔnɔle 18:5 - Kazambale lé Sebe Sauunu 1979

⁵ We lé é ke fɛna sauun valé balebanna zé nya, ’ka wo tawe kɛlɛ, léé, té Bale bli é fli é dɛrɛ Izraɛlnu ma lo.

Mi Nɔnɔle 18:5 ပူးပေါင်းရင်းမြစ်များ

Minwiinzannu lé Wezuofe Sɛbɛ 23:24

Lévi benu lé ke bɛ, ’wo gɔnɔla ma gɔnɔla ma, wa guniwuonu nya wo tranu gɔnɔ gi, wo wo nɔnɔ do do fɛan zo, wo lé ke bɛ. Dé wo lɛɛ bɔ yɔ do, yé wo ’wolé balelanyanama pélisia Gakelebale lé kɔn gi.

Minwiinzannu lé Wezuofe Sɛbɛ 23:32

Sɔkɔn koo, fɛna sauun koo, wo ’bɛnu bɛ pa wo bwenu Arɔnnu lee, Gakelebale lé kɔn gi nyanama pale we ma.

Minwiinzannu lé Wezuofe Sɛbɛ 24:5

Wo wolé nyanama nɔ ’munnu zunle nya, fɛna sauun nwiinzannu valé Kazambale lé minwiinzannu a Éléazaa valé Itamaa kululazannu nya.

Minwiinzannu lé Wezuofe Sɛbɛ 9:19

Salum a Koré be nya, yé ’bɛ a Ébiazaf be nya, yé ’bɛ a Koré be nya; yee valé é bwenu Korénu, wa sɔkɔn ’léé tabinzannu nya; wo tranu a Gakelebale lé munu nyanana zi ’léé tabinzannu nya é kyɛn,

Minwiinzannu lé Wezuofe Sɛbɛ 9:23

Gakelebale lé kɔn lé ke sɔkɔn nya, wo valé ’wolé nénu a yee kɔntayuɛpazannu nya.

Minwiinzannu lé Wezuofe Sɛbɛ 9:33

Lévi gɔnɔla guniwuonu lé wa lɛrɛvɔzannu nya, wo lé ke bɛ. Woo nyanaan kɔnminu zi, yé wolé nyanama bɛ ’ka lo, wa ’wolé lɛrɛvɔnyanama pana yiéyi valé béli, azama.

Fwile 27:21

Arɔn valé é benu é dan a ma’lɛrɛ lɛ zén‐ékevasɔkɔn gi, sɔ lé ke wenayefɛ ’lɛ é dɔle, a ’lɛ zia, fintrannu bile we gi Gakelebale yara, nyanadi fɔɔ yé bladi é pa. É a bélidɔwe lé a glɛ ’ka lo, a nya, Izraɛl lé nénu kulunu é kulunu zé nya, yé é a lé wa lɛdɔma yifaama.

Jérémi 23:15

Bɛwemalé lai sunyanu lé Gakelebale we fe balelayezannu ma, yé é léma: Ka ye, maa dan koinyɔnɔ nɔ lɛ wo lɛ wolé fɛblele nya, Yé maa dan lale zén lɛ wo miniyi va, Naa, Jérusalɛm lé balelayezannu lé we ma lé Bale lé zi ma wenyané fele sɔɔla tɛrɛ faa la.

Ézékiɛl 44:15

Naa, Balebanmunu, Lévinu lé wo ke Sadɔk kululazannu nya, ’té wo anlé fɛna sauun lé nyanama pa, bléyian va lé Izraɛl munu wo kan kini an ma, ’bɛ bléyi va bɛ, woo bɛ, wo dan bié lɛ an sɔnɔ an banle we gi, yé wo dan dɔ lɛ an ’lɛ, wi nyɔnɔnu valé wi nyɛnu nɔle an lɛ we gi. A zo lé Mizan Gakelebale a fe.

Ézékiɛl 44:16

Wo dan wɔra lɛ anlé fɛna sauun na; wo dan bié lɛ anlé tablé sɔnɔ an banle we gi. Wo dan vo lɛ anlé nyanama ta.

Lévinu 10:6

Arɔn koo, a benu Éléazaa valé Itamaa koo, Moizi lé wo lɛ léé: Té ka sɔkoro si ka ’wuo ma lo, té ka kalé sɔnu fia lo, dé ka da ga yé Gakelebale bli é da fli munu faa ma. Ka bwenu, Izraɛl munu faa, ’é vo wuvɔna, kyɛ lé Gakelebale a vɔ bɛ, a we ma.

Lévinu 24:3

Arɔn é dan a ma’lɛrɛ lɛ zén‐ékevasɔkɔn gi, sɔ lé ke wenayefɛ ’lɛ é dɔle, a ’lɛ zia, kyɛbɔnu bile bléyi faa va we gi Gakelebale yara, nyanadi fɔɔ yé bladi é pa. É a bélidɔwe lé a glɛ ’ka lo, a nya, ka kulunu zé nya.

Zakari 10:3

An bli fli wo pazannu ma, yé an we lɛdɔ woo boligɔnénu gi. Naa, Gakelebale da élé trubɛ palu Judanu va; é dan wo kɛlɛ lɛ bélé alé wisoo tɔbɔle zo gulidan bléyi va.

Mi Nɔnɔle 1:50

Sɔkɔn lé, wenayefɛ ke a gi, ’bé bɛ pa Lévinu lee, yee valé sɔkɔn gi nyanamapafɛnu koo, alé fɛnu faa koo, ’i wo bɛ pa wo lee. Wo ɛ go sɔkɔn valé a gi nyanamapafɛnu faa nya, yé wo ɛ a nyanama paan, yé ’wo ’wolé kɔn dɔ sɔkɔn zi do do.

Mi Nɔnɔle 1:53

Naa, Lévinu ’wo nyana sɔkɔn lé, wenayefɛ ke a gi, a zi, léé, té anlé bliflile é nwa Izraɛl lé nénu lé ke é zénle ékeva, wo ma lo; yé Lévinu ’wo yuɛ pa sɔkɔn lé, wenayefɛ ke a gi, a ta.

Mi Nɔnɔle 16:46

’I kyɛnyɛsibɔ si, yé kyɛ lé é ke balebanna ta, bé ke si, bé zén a gi, yé i lasikɔrɔpo pla a ta, yé ’i go zén‐ékevamunu vazia é nya do, yé ’i wolé wenyané ’yibo; naa, Gakelebale fuo wo ma yé migyɛgyɛ kun mi gyɛle ma tɛkɛ.

Mi Nɔnɔle 18:4

’Wo vo é pale i va ma, yé nyanama faa lé é a lé wa pa zén‐ékevasɔkɔn zé nya bɛ, ’wo a tawe kɛlɛ. Té bɛn do kpen é bié ka va lo.

Mi Nɔnɔle 4:18

Té ka Kéat kulunu bɔra gale lɛ lo; dé wo kulu é da ga Lévinu va.

Mi Nɔnɔle 8:19

Maa Lévinu nɔ Arɔn valé é benu lɛ é ta lé kɔn‐an Izraɛlnu méléna, wolé nyanama pale Izraɛlnu lɛ zén‐ékevasɔkɔn gi we ma, Izraɛlnu lé wenyané ’yibole we gi, yé wo Izraɛlnu tabin léé, dé Izraɛlnu bié fɛna sauun na, té gyɛ do ’é vɔ wo ma lo.

Mi Nɔnɔle 8:2

Bé fe Arɔn lɛ léma: Dé i bɔnénu dɔ fintran ’léé, é a lé bɔné sɔrafié san ’é bɔra a ’lɛzia.

1 Timoté 1:18

Anlé né Timoté, maa we plaan i lɛ balelawe lé wa fe ilé we ma é kyɛn, a yɛrama; wo sele ’é dɔ i gi yé ’i guli zin dan ma.

1 Timoté 5:21

Kazambale koo, Jézu Krist koo, lanjenu lé Bale wo si a va koo, ko a wo faa ’lɛ; maa lé i lɛ léé, ’i tawo dére ’ko ta; té i we do kpen ble é voro va lo; té i we do kpen kɛlɛ lele valé béé ma lo.

1 Timoté 6:20

Bé maa? Timoté, we lé wa bɛ pa i lee, ’bé pa i ’wuo gi é zima. ’I paa tɛrɛla boawe fele ma, é valé dabli wedɔɔle lé zavɔlenu ma.