Mi Nɔnɔle 18:23 - Kazambale lé Sebe Sauunu 1979

²³ Lévinu woo zén‐ékevasɔkɔn gi nyanama paan, amalé munu lé weple é dan vo lɛ wo nwiinwe nya. Wozé fɛ ’ka dan kɛlɛ lɛ Izraɛlnu va lo; we ’ko é dan vo lɛ bélidɔwe do lé é ’ka nyaan lo, a nya, i kulunu va.

Mi Nɔnɔle 18:23 ပူးပေါင်းရင်းမြစ်များ

Fwile 27:21

Arɔn valé é benu é dan a ma’lɛrɛ lɛ zén‐ékevasɔkɔn gi, sɔ lé ke wenayefɛ ’lɛ é dɔle, a ’lɛ zia, fintrannu bile we gi Gakelebale yara, nyanadi fɔɔ yé bladi é pa. É a bélidɔwe lé a glɛ ’ka lo, a nya, Izraɛl lé nénu kulunu é kulunu zé nya, yé é a lé wa lɛdɔma yifaama.

Ézékiɛl 44:10

’Bɛ ta loru, Lévinu lé wo kan kini an ma, bléyian va lé Izraɛl munu ’wo yara si an ta yé wo tawo miyilinu zuo bɛ, a bléyi va, wo dan ’wolé weple ma kle ble lɛ.

Mi Nɔnɔle 18:1

Gakelebale lé Arɔn lɛ léé: Bii valé i benu, ’é valé i tra lé kɔngimunu, weplenu lé wa kɛlɛ fɛna sauun na, wo dan wo we dɔ lɛ ka nwiin; bii valé i benu lé é ke i va, weplenu lé wa kɛla balebannyanama pana, wo dan wo we dɔ lɛ ka nwiin.

Mi Nɔnɔle 18:20

Gakelebale lé Arɔn lɛ léé: Té wolé tɛrɛlafɛ do kpen é kɛlɛ izé nya lo; ilé zarafɛ ’ka dan kɛlɛ lɛ wo va lo. Maa ɛ ke izé nya, ilé tɔnɔ nya Izraɛlnu va.

Mi Nɔnɔle 19:21

We ’ko é dan kɛlɛ lɛ bélidɔwe lé é ’ka nyaan lo, a nya wo lɛ. Mi lé é mi kɛlɛ tegele ’yi zén mi ta, ’élé varɔnu zuru, yé mian mane mi kɛlɛ tegele ’yi ma, é ’ka tegele lo fɔɔ nyanadi.

Mi Nɔnɔle 26:62

Munu lé wo wo nɔnɔ, moné do gɔnénu faa valé gɔnénu lé wozé mini ’bɛ ta, wo ’léé a mi baa vu ta do, ’é ta lé mi wuru soru. Wo ’ka wo nɔnɔ lɛ Izraɛl munu va lo; wo ’ka wozé fɛ nɔ lɛ Izraɛl zé va lo, azama.

Mi Nɔnɔle 3:7

We faa lé Bale a bɛ pa Arɔn valé zén‐ékevamunu faa lee, é a lé wa tawe kɛlɛ zén‐ékevasɔkɔn ’léé. ’Wo sɔkɔn lé nyanama pa ma.

Mi Nɔnɔle 35:29

Wenu lé é ke ka kululawenu nya, ka valé kalé nénu zé nya, ka nyanana faa na, yee lé ke bɛ.

Bélidɔwesɛbɛ Fiézan 10:9

Bɛwemalé Lévinu lé tɔnɔ ’ka wo bwenu zé va lo; Gakelebale ɛ ke wolé tɔnɔfɛ nya, Gakelebale, kalé Bale a fe wo lɛ fɛan zo, a zo.

Jozué 13:14

Lévi bɛn do kpen lɛ lé, Moizi ’ka tɛrɛ nɔ lɛ lo; wozé lé ke balebanfɛnu lé woo wo kyɛ blé Gakelebale Izraɛl lé Bale lɛ, wo nya, é a fe a lɛ fɛan zo a zo.