Mi Nɔnɔle 18:20 - Kazambale lé Sebe Sauunu 1979

²⁰ Gakelebale lé Arɔn lɛ léé: Té wolé tɛrɛlafɛ do kpen é kɛlɛ izé nya lo; ilé zarafɛ ’ka dan kɛlɛ lɛ wo va lo. Maa ɛ ke izé nya, ilé tɔnɔ nya Izraɛlnu va.

Mi Nɔnɔle 18:20 ပူးပေါင်းရင်းမြစ်များ

Wepélisiananu 15:1

We ’konu bɔle zuo, Gakelebale we fe Abram lɛ yuɛzi gi, yé é léé: Abram, té i kana pelo. Maa a i takuunfɛ nya, yé maa dan i gooli pa lɛ blɛn.

Lɛrɛvɔ Sɛbɛ 142:5

’I yuɛ vɔ i bɛyilazia, yé bé nagini, Mi do ’ka an ma kunna yé lo, An yɔɔna ’ka é dɛrɛ lo, Mi do kpen ’ka gi bɔrɔan an boen ma lo.

Lɛrɛvɔ Sɛbɛ 16:5

Gakelebale a anlé tɔnɔ nya; yé é a an miniyi nya; Bii ɛ dɔa an zi, yé anlé ’munnu a ble;

Lɛrɛvɔ Sɛbɛ 73:26

Dé an bli ble an gi yé an kɔlɛ ’ka an ta é dɛrɛ lo, Bale é dan kɛlɛ lɛ gɔlɛgɔ nya an bli lɛ; é dan kɛlɛ lɛ anzé nya yifaama;

Jérémi Lé Wuvɔ Sɛbɛ 3:24

An boen léé: Gakelebale a anlé tɔnɔ nya, Bɛwemalé maa a a va léé, an bli ’é vo a lɛ.

Ézékiɛl 44:28

Zara lé wo dan a ble lɛ, yee lé ke ’ko: Maa ɛ ke wolé zarafɛ nya. Té ka wozé zarafɛ nɔ Izraɛl munu va lo; maa ɛ ke wozé zara nya.

Mi Nɔnɔle 18:7

Bii valé i benu lé wo ke i va, ’ka kalé Bale gi nyanama pa, dé é a balebanna lé nyanama faa nyaoo, dé é a sɔkɔnmi zi lé nyanama nyaoo, ’ka a pa. Nyanama lé é a lé ka a pa, yee lé ke bɛ. Maa balebannyanama nɔ ka lɛ blɛ zin nya. Dé bɛn bié a ma, wo dan a gyɛ lɛ.

Mi Nɔnɔle 26:62

Munu lé wo wo nɔnɔ, moné do gɔnénu faa valé gɔnénu lé wozé mini ’bɛ ta, wo ’léé a mi baa vu ta do, ’é ta lé mi wuru soru. Wo ’ka wo nɔnɔ lɛ Izraɛl munu va lo; wo ’ka wozé fɛ nɔ lɛ Izraɛl zé va lo, azama.

Bélidɔwesɛbɛ Fiézan 10:9

Bɛwemalé Lévinu lé tɔnɔ ’ka wo bwenu zé va lo; Gakelebale ɛ ke wolé tɔnɔfɛ nya, Gakelebale, kalé Bale a fe wo lɛ fɛan zo, a zo.

Bélidɔwesɛbɛ Fiézan 12:12

’Bɛna lé ka koo, ka benu valé ka lunu koo, ka wuogɔnénu valé ka wuolomu koo, ka gi é dan nana lɛ Gakelebale, kalé Bale ’lɛ; dé Lévimi a ka va, yee koo é ziin, naa, azé fɛ do ’ka ka va lo, yé ka valé wonu lé tɔnɔ ’ka ékeva lo, ’bɛzama.

Bélidɔwesɛbɛ Fiézan 14:27

Lévi mi lé é dan kɛlɛ lɛ ka va bɛ, té ka gi é san a ma lo, naa, azé fɛ ’ka ka va lo, yé ka valé wolé tɔnɔfɛ ’ka ékeva lo.

Bélidɔwesɛbɛ Fiézan 14:29

Yé Lévi mi lé é ’ka ’ézé tɔnɔfɛ ye lɛ ka va lo, yee koo, bɛn bɛ gi munu koo, ti valé bugalazannu koo, gyɛzaralomu koo, ’té wo ke ka va bɛ, wo dan a ble lɛ yé wo dan kan lɛ; ’ka kɛlɛ ’bɛ zo, Gakelebale, kalé Bale lé ka bɛ panyanama faa drɔɔ vole we gi.

Jozué 13:14

Lévi bɛn do kpen lɛ lé, Moizi ’ka tɛrɛ nɔ lɛ lo; wozé lé ke balebanfɛnu lé woo wo kyɛ blé Gakelebale Izraɛl lé Bale lɛ, wo nya, é a fe a lɛ fɛan zo a zo.

Jozué 13:33

Moizi ’ka tɛrɛ nɔ lɛ Lévinu lɛ lo; Gakelebale, Izraɛl lé Bale a wozé tɔnɔ nya, é a fe wo lɛ fɛan zo, a zo.

Jozué 14:3

Naa, Moizi tɛrɛ nɔ turu bɛn fié valé bɛn lɛgɔnɔ do lɛ Juudɛn zi; é ’ka tɛrɛ nɔ lɛ Lévinu lɛ wo va lo.

Jozué 18:7

Naa, Lévinu zé ’ka dan kɛlɛ lɛ ka va lo; naa, balebannyanama lé ke wozé nya; yé Gad koo, Rubɛn koo, Manasé bɛn lɛgɔnɔ do koo, wozé tɛrɛ lé Gakelebale wuozan Moizi a nɔ wo lɛ Juudɛn zi, yirinwana zia, wa ye.

Wegɔɔnle 21:3

Yé maa dére plɛplɛ do ’ma, é si webleblin va yé é léé: Kazambale nyanana kɛlɛ munu va sin. É dan vo lɛ wo va, yé wo dan kɛlɛ lɛ alé munu nya, yé Kazambale bozen é dan kɛlɛ lɛ wo va.