Mi Nɔnɔle 18:2 - Kazambale lé Sebe Sauunu 1979

² I bwenu lé wo ke Lévi bɛnnu nya, i ti bɛnnu nya, ’i wo bié i va, léé, wo pa i va yé wo ilé nyanama pa, bléyian va lé bii valé i benu ke wenayefɛ pagi sɔkɔn ’lɛ.

Mi Nɔnɔle 18:2 ပူးပေါင်းရင်းမြစ်များ

Wepélisiananu 29:34

É bɔn si é ziin yé é né yaa gɔné nya, yé é léé: Maa né yaa a lɛ gɔné nya yaa, amalé sin, an zana é dan yere lɛ an ma. Amalé wa tɔ pa Lévi.

2 Minwiinmunu lé Wezuofe Sɛbɛ 30:16

Wo dɔ ’wo dɔna kyɛn na Bale lé mi Moizi lé bélidɔwe yɛrama. Yé Lévinu winu nyɛ nɔ Balebanzannu lɛ yé wa nwɛɛn.

Ézékiɛl 44:11

Wo dan kɛlɛ lɛ anlé fɛna tinle na bélé an leemunu zo. Wo dan kɔn ’léénu ta bin lɛ. Wo dan kɔn gi nyanama pa lɛ. Balebanwinu lé wa kyɛ blé, ’é valé balebanwi bɛnu nya bɛ, wo dan wo bɔrɔ bo lɛ munu lɛ. Wo dan dɔ lɛ munu ’lɛ wo mawe kɛlɛle we ma.

Ézékiɛl 44:15

Naa, Balebanmunu, Lévinu lé wo ke Sadɔk kululazannu nya, ’té wo anlé fɛna sauun lé nyanama pa, bléyian va lé Izraɛl munu wo kan kini an ma, ’bɛ bléyi va bɛ, woo bɛ, wo dan bié lɛ an sɔnɔ an banle we gi, yé wo dan dɔ lɛ an ’lɛ, wi nyɔnɔnu valé wi nyɛnu nɔle an lɛ we gi. A zo lé Mizan Gakelebale a fe.

Malasi 2:4

’Bɛna lé ka dan a gi dɔɔ lɛ léé, maa ɛ dére ’ko fe ka lɛ, léé, gipawe lé maa kɛlɛ Lévi va, yé é vo ana. A zo lé lai sunyanu lé Gakelebale a fe.

Mi Nɔnɔle 1:53

Naa, Lévinu ’wo nyana sɔkɔn lé, wenayefɛ ke a gi, a zi, léé, té anlé bliflile é nwa Izraɛl lé nénu lé ke é zénle ékeva, wo ma lo; yé Lévinu ’wo yuɛ pa sɔkɔn lé, wenayefɛ ke a gi, a ta.

Mi Nɔnɔle 16:40

É a we sele dɔ Izraɛlnu gifɛ nya, léé, munu lé wo ’ka Arɔn bɛn gi munu nya lo, té wo va mi do kpen é bié Gakelebale banle lasikɔrɔ nya we ma lo; té wolé we é kɛlɛ bélé Koré valé é vamunu zé zo lo we ma, we lé Gakelebale a fe Moizi lɛ, a yɛrama.

Mi Nɔnɔle 17:7

Moizi tawomayilinu pla Gakelebale ’lɛ, wenayefɛ pagi sɔkɔn gi.

Mi Nɔnɔle 18:4

’Wo vo é pale i va ma, yé nyanama faa lé é a lé wa pa zén‐ékevasɔkɔn zé nya bɛ, ’wo a tawe kɛlɛ. Té bɛn do kpen é bié ka va lo.

Mi Nɔnɔle 3:5

Gakelebale we fe Moizi lɛ yé é léé:

Mi Nɔnɔle 4:15

Dé Arɔn valé é benu nyaa fɛna sauun valé é ma nyanamapafɛnu faa ta buale nya, dé wo zén ta va bléyian va, yé Kéat benu ’é da kɔné sile we ma. Naa, té wo mane fɛ ’lɛzan ’konu ma monomono lo, dé wo da ga. Kɔnésizannu panyanama lé wa bɛ pa wo lee, léé, wa kɛlɛ zén‐ékevasɔkɔn gi, yee lé ke bɛ.

Mi Nɔnɔle 8:19

Maa Lévinu nɔ Arɔn valé é benu lɛ é ta lé kɔn‐an Izraɛlnu méléna, wolé nyanama pale Izraɛlnu lɛ zén‐ékevasɔkɔn gi we ma, Izraɛlnu lé wenyané ’yibole we gi, yé wo Izraɛlnu tabin léé, dé Izraɛlnu bié fɛna sauun na, té gyɛ do ’é vɔ wo ma lo.

Mi Nɔnɔle 8:22

’Bɛ zuo Lévinu go zén‐ékevasɔkɔn gi wolé nyanama pale we ma, Arɔn valé é benu yuɛ va, Gakelebale dérean fe Moizi lɛ Lévinu lé we ma, a yɛrama. A zo lé wa kɛlɛ wolé we ma.

Ébrunu 9:6

Wo fɛ ’konu faa pla ’wo plana a zo. Balebanmunu éé wɔraan yifaama sɔkɔn gi vininzan na, wolé balebannyanama pale we ma.