Mi Nɔnɔle 18:19 - Kazambale lé Sebe Sauunu 1979

¹⁹ Balebanfɛnu faa lé Izraɛlnu é dan Gakelebale ban lɛ wo nya wo nwale valé wo tuale nya, maa a nɔ i lɛ, bii koo, i benu valé i lunu koo, ka lɛ. É a kazé dɔna nya lɛɛfaama. É a gipawe lé é ’ka sɛra lo, ’té a glɛ ’ka lo, a nya, Gakelebale ’lɛ, bii valé i kulunu zé nya.

Mi Nɔnɔle 18:19 ပူးပေါင်းရင်းမြစ်များ

2 Minwiinzannu 12:16

We nyaa saraka ma gɔɔli valé wenyané ’yibo saraka ma gɔɔli, wo ’ka da lɛ ’bɛ nya Gakelebale lé kɔn gi lo; Balebanzannu zé bɛ.

2 Minwiinmunu lé Wezuofe Sɛbɛ 13:5

Ka ’ka a gi dɔɔa léé, gipawe lé é ’ka sɛra lo, Gakelebale Izraɛl lé Bale a kɛlɛ David va loo? É léé, David valé é benu é dan pla lɛ Izraɛl munu nwiin lɛɛfaama.

2 Minwiinmunu lé Wezuofe Sɛbɛ 31:4

Yé é lé Jérusalɛm munu lɛ léé, ’wo Balebanzannu valé Lévinu zé nɔ ’wo lɛ, léé, ’wo Gakelebale lé bélidɔwe kɛlɛ tegele.

Fwile 29:27

’Blagɔné tɔn valé a bɛapaboro lé ke Arɔn valé é benu bɛ pale Bale banle ta fɛ nya, ’i bɛ pla wo ta, ’i a tɔn zé kɛlɛ diale bɛ fié la nya, yé ’i bɛapaboro zé kɛlɛ é nwale valé é tuale nya.

Ézékiɛl 43:24

I dan Gakelebale ban lɛ wo nya. Balebanmunu é dan wɛ zén lɛ wo ma, yé wo dan wo nɔ lɛ Gakelebale lɛ balebanwi lé wa kyɛ blé, a nya.

Lévinu 2:13

’Ka wɛ pa kalé Bale lé fɛblele faa ma; té kalé Bale banfɛ é vuru wɛ ma lo; é a kalé Bale gi pale do tɔmase nya; ’ka wɛ pa kalé balebanfɛblele faa ma.

Lévinu 21:22

A se a a lɛ léé, é ’ézé Bale lé fɛ ble; Bale ’lɛfɛ koo, ’bɛ lé wa pa é yɛrama Bale zé nya koo, ’é a ble.

Lévinu 7:14

Wo dan fɛblele faa do do ke nɔ lɛ Gakelebale lɛ a nwale valé a tuale nya; Balebanzan lé é bɔvɔ saraka wi nyɛ nwɛɛn, é dan kɛlɛ lɛ azé nya.

Mi Nɔnɔle 18:11

Fɛnu lé wo dan kɛlɛ lɛ kazé nya é ziin, woo lé ke ’ko: blɛfɛnu faa lé Izraɛlnu é dan da lɛ wo nya yé wo wo nɔ an lɛ wo nwale valé wo tuale nya, ’bɛ valé yee lé i wo dia é bɛ fié la, maa wo nɔ bii koo, i benu valé i lunu koo, ka lɛ; é a kazé dɔna nya lɛɛfaama. Dé é a ilé kɔn gi miomian nya, dé azan a tegele, ’bɛzan a ble ma.

Mi Nɔnɔle 18:8

Gakelebale lé Arɔn lɛ léé: Bé ye, fɛnu faa lé Izraɛlnu wo pa é yɛrama anzé nya, maa wo va fɛ kenu nɔ i lɛ, yee lé ke fɛnu lé wa nɔ an lɛ a nwale valé a tuale nya, wo nya. Maa wo nɔ bii valé i benu zé dɔna nya, nyɔnɔ zénle ka ta we ma. É a ka dɔna nya lɛɛfaama.

Mi Nɔnɔle 31:29

Bé si sunyanu zé va, bé nɔ Balebanzan Éléazaa lɛ Gakelebale zé nya.

Mi Nɔnɔle 31:41

Fɛan wa tadɔ Gakelebale zé nya, Moizi a nɔ Balebanzan Éléazaa lɛ, fɛan zo lé Gakelebale a fe, a yɛrama.

Bélidɔwesɛbɛ Fiézan 12:26

Naa, fɛnu lé ka wo pa é yɛrama Bale zé nya, ’bɛ valé kalé bale kunle lɛ sɔɔ sarakanu nya, ka dan wo nɔ lɛ fɛ do lé Gakelebale é dan ana si lɛ a va, ana.

Bélidɔwesɛbɛ Fiézan 12:6

’Bɛna lé ka dan Bale ban lɛ; kalé balebanwinu lé wa kyɛ blé koo, kalé sarakanu koo, kalé fɛvuzannu koo, kalé féifɛ vininzannu koo, kalé bale kunle lɛ sɔɔ sarakanu koo, kalé bli drɔɔ blɛnu koo, kalé dirinu valé kalé bolinu lé né vininnu koo, ka dan wo nɔ lɛ yee ɛ na.