Mi Nɔnɔle 16:32 - Kazambale lé Sebe Sauunu 1979

³² Tɛrɛ ’é ’léé lɛ so yé é wo mini, wo koo, wolé kɔnnu koo, Koré lé munu faa koo, wolé fɛnu faa koo, woo lé.

Mi Nɔnɔle 16:32 ပူးပေါင်းရင်းမြစ်များ

Wepélisiananu 4:11

Sin, i zuané nyɛ zana tɛrɛan ta bɛ, yé é wɔra ana tɛrɛ nya, maa bale pa i ma yee tɛrɛ la.

Minwiinzannu lé Wezuofe Sɛbɛ 6:22

Kéat benu: Aminadab; ’bɛ be Koré; ’bɛ be Asii;

Minwiinzannu lé Wezuofe Sɛbɛ 6:37

’bɛ a Takat be nya, ’bɛ a Asii be nya, ’bɛ a Ébijazaf be nya, ’bɛ a Koré be nya,

Lɛrɛvɔ Sɛbɛ 106:17

Yé tɛrɛ é lɛ so yé é Datan mini, Yé é lɛ tan Abiram valé élé munu ta.

Lɛrɛvɔ Sɛbɛ 141:7

Ko wɔlɛnu a é nwɛɛnle gamunu nyanana ’léé sɔnɔ Bélé tɛrɛ lé wa fun‐an, a zo.

Lɛrɛvɔ Sɛbɛ 84:1

Koré kulunu lɛrɛ ’ko vɔle gɔɔn lɛrɛvɔmunu zilɛzan lɛ. Lɛrɛvɔafɛ lé wa laama gititi, ’wa gyɛ a va. Lɛrɛ lé.

Lɛrɛvɔ Sɛbɛ 85:1

Koré kulunu lɛrɛ ’ko vɔle gɔɔn lɛrɛvɔmunu zilɛzan lɛ. Lɛrɛ lé.

Lɛrɛvɔ Sɛbɛ 88:1

Ezra mi Éman lɛrɛ ’ko vɔle gɔɔn lɛrɛvɔmunu zilɛzan lɛ. Bale tɔbɔlɛrɛ lé. Koré kulunu lé lɛrɛ lé. ’Wa vɔ séén va.

Ézai 24:19

Tɛrɛ faa; tɛrɛ ’wii; tɛrɛ vɔ dada;

Ézai 5:14

Bɛwemalé gamunu nyanana é dan é lɛ so lɛ, ’té éé ’léé blé; yé Siɔn lé we blɛnblɛnnu valé alé fuafɛnu koo, mi gu lé wo vun ke wena, ’té wo gi éé nanaan, wo koo, wo dan zun lɛ a gi.

Mi Nɔnɔle 16:17

Ka faa do do ’ka kyɛnyɛsibɔ si; ’ka lasikɔrɔpo pla a ta, yé ka faa do do ’ka da kalé kyɛnyɛsibɔ nya Gakelebale ’lɛ. Kyɛnyɛsibɔ é dan kɛlɛ lɛ mi wuru do yɔ fié wɔlɛ vu lee. Bii valé Arɔn, ’ka kazé kyɛnyɛsibɔ si do do é ziin.

Mi Nɔnɔle 16:30

naa, dé Gakelebale we dɛrɛ blɛɛn kɛlɛ, dé tɛrɛ ’é ’léé lɛ so yé é munu ’ko mini, wo valé wo leefɛnu faa nya, dé wo zun gamunu nyanana é yuɛma, ’té ka dan a gi dɔɔ lɛ léé, munu ’ko serele bo Gakelebale ma.

Mi Nɔnɔle 16:31

Dé é nyaa dére ’konu fele nya tɔɔn, tɛrɛ lé ke wo wuo, a fee bo.

Mi Nɔnɔle 16:33

Wo zun gamunu nyanana é yuɛma, wo valé wo leefɛnu faa nya; yé tɛrɛ lɛ tan wo ta, yé wo san zén‐ékevamunu méléna.

Mi Nɔnɔle 16:49

Munu lé migyɛgyɛ ’ko wo gyɛ, wa mi baa sɔrafié wuru yaa yɔ soru; munu lé wo ga Koré lé we ma, ’bɛnu a é yɛrama.

Mi Nɔnɔle 26:10

Tɛrɛ lɛ so, yé é wo valé Korénu mini, bléyian va lé zén‐ékevamunu ga, ’té kyɛ mi wuru do yɔ fié wɔlɛ vu ble. We ’ko kɛlɛ weplale munu lɛ nya.

Mi Nɔnɔle 26:11

Koré benu ’ka ga lɛ lo.

Mi Nɔnɔle 27:3

Ko ti ga bwi gi; Koré lé palu lé wo nwa Gakelebale ma, é ’ka wo va lo, naa, alé wenyané ma lé é ga, yé alé négɔné do kpen ’ka lo.

Mi Nɔnɔle 4:18

Té ka Kéat kulunu bɔra gale lɛ lo; dé wo kulu é da ga Lévinu va.

Bélidɔwesɛbɛ Fiézan 11:6

we lé é a kɛlɛ Rubɛn be Éliab, ’bɛ benu Datan valé Abiram lɛ, tɛrɛ ’é lɛ so yé é wo mini fɛan zo, ’wo valé wolé kɔnnu valé wolé fɛnu faa nya Izraɛl munu méléna, a sele ’é dɔ ka gi ma;

Wegɔɔnle 12:16

Yé tɛrɛ bɔ lezan va, yé tɛrɛ ’é lɛ so yé yuu lé dragɔn a bɔra é ’léé yé é a nwɛɛn bɛ, tɛrɛ a mini.