Mi Nɔnɔle 16:22 - Kazambale lé Sebe Sauunu 1979

²² Moizinu dia ’wo bli la, yé wo léé: Oo Bale, munu faa lélinu lé Bale, mi do kpen wenyané kɛlɛ yé i bli fli munu faa maa?

Mi Nɔnɔle 16:22 ပူးပေါင်းရင်းမြစ်များ

Wepélisiananu 18:32

Abraam léé: Té Mizan bli é fli lo ma, yé maa ’ka dan we bɛ laa lɛ a lee é dɛrɛ lo. Dé mi tegele vu ɛ ke ana nii? Yé Gakelebale léé: ’Bɛ mi tegele vu lé we ma, maa ’ka dan fla ’wii lɛ pelo.

2 Samuɛl 24:1

Gakelebale bli fli é ziin Izraɛl ma, yé é David nwa wo ma a fele nya léé: ’I go, ’i Izraɛl valé Juda munu nɔnɔ.

2 Samuɛl 24:17

David lanje ye, ’té éé munu gya yé é lé Gakelebale lɛ léé: Bé ye, maa ɛ wenyané kɛlɛ. We a maa ɛ nwiin; naa, ’blanu ’ko, mɛ lé wa kɛlɛɛ? ’I bɛ kɛlɛ maa valé an ti lé kɔngimunu ta ma.

JOB (Job) 12:10

Fɛ yuɛmale faa lé tɛrɛla bɛ a é pale a lee, ’Bɛ valé blaminu faa lé flinle nya.

Lɛrɛvɔ Sɛbɛ 99:6

Balebanzannu va, Moizi valé Arɔn koo, Bale tɔ laazannu va Samuɛl koo, Wo Gakelebale laa yé é we.

Bale Lé We Gifezan 12:7

wo dan kana lɛ gɔsɛnénu giéle lee, yé tawole zi ta di é dan kini lɛ mi gi; mi nwana é dan bɔ lɛ bélé amandéyili vwi bile zo; gangan ma bɛn é dan dɔ lɛ, yé zian va bla ’ka zian kɛla néné é dɛrɛ lo; naa, blami a gona ’é gona, yé wuvɔmunu éé giéan zinu ta;

Ézai 57:16

Munu lé maa wo kɛlɛ, dé wo dia an ’lɛ wo fuu sile nya wo ta, é ’ka sɔ lɛ an lɛ léé, maa vo za kɛlɛna yifaama lo; é ’ka sɔ lɛ an lɛ léé, an bli é vo flina yifaama lo.

Jérémi 32:27

Bé ye, maa a Gakelebale, munu faa lé Bale nya; an kelewe aa?

Jérémi 38:16

Minwiinzan blɛn Sédésias bale ’nyɔɔn Jérémi lɛ kyeen gi yé é léé: Gakelebale a é yuɛma; yee ɛ vole é yuɛma nɔ ko lɛ. Maa ’ka dan i gyɛ lɛ lo yé munu lé é sɔ wo lɛ léé, wo i gyɛ, maa ’ka dan i pa lɛ wo lee lo.

Ézékiɛl 18:4

Ka ye, mi boennu faa a anzé nya. Dé é a né nyaoo, dé é a né ti nyaoo, wo fiénu a anzé nya. Mi lé éé wenyané kɛla, yeebozen ɛ gaan.

Lévinu 10:6

Arɔn koo, a benu Éléazaa valé Itamaa koo, Moizi lé wo lɛ léé: Té ka sɔkoro si ka ’wuo ma lo, té ka kalé sɔnu fia lo, dé ka da ga yé Gakelebale bli é da fli munu faa ma. Ka bwenu, Izraɛl munu faa, ’é vo wuvɔna, kyɛ lé Gakelebale a vɔ bɛ, a we ma.

Lévinu 4:3

dé wenyanékɛlɛzan a Balebanzan lé wo nyɔnɔ zén a nwiin, a nya, yé we ’ko nya lé é we dɔ munu nwiin, é a lé ’élé wenyané ’yibo saraka bo Gakelebale lɛ, dirigɔné boroné lé we do kpen ’ka a ma lo, a nya; wenyané ’yibo saraka lé.

Zakari 12:1

Dére lé Gakelebale a fe Izraɛl ma, yee lé ke ’ko. Gakelebale lé é lanu fwila yé é tɛrɛ gane vɔ, yé é léli pa blami gi bɛ, é léma:

Mi Nɔnɔle 14:5

Moizi valé Arɔn dia wo bli la Izraɛlnu faa lé wo zén ékeva, wo yuɛ va.

Mi Nɔnɔle 16:23

Gakelebale we fe Moizi lɛ yé é léé: Bé fe munu faa lɛ léé,

Mi Nɔnɔle 16:4

Moizi dére ’ko ’ma aan wo, é dia é bli la.

Mi Nɔnɔle 16:45

’Ka si zén‐ékevamunu ’ko méléna, yé maa wo ble kyɛ nya é nya do. Wo dia ’wo bli la, yé Moizi lé Arɔn lɛ léé:

Mi Nɔnɔle 27:16

Gakelebale, mi faa lélinu lé Bale, ’é mi do dɔ mununwiinzan nya ma,

Rom munu 5:18

Bɛwemalé, fɛan zo lé we dɔ munu faa nwiin wesɛrɛle do kpen lé we ma, a zo duo lé we tegele do kpen lé we ma, kɛlɛle tegele lé éé mi bélié, é da mi faa zé nya.

1 Korent munu 13:7

Éé mi faa ma we voo; éé bli paan we faa lɛ; a bli a we faa lɛ; éé ’wuo dɔa we faa wuo.

Ébrunu 12:9

É ziin, kaa tinu éé we lɛdɔa kaa gi tɛrɛ la ’ko, ’té kaa wo lɛdɔama, naa, é ’ka lé kaa pla é ziin kaa lagi Ti wuo, vole é yuɛma we gi loo?

Jozué 22:18

yé ka diéra kyɔ Gakelebale zuoo? Dé ka nwa Gakelebale ma kyɔ, tɛlɛ a bli é dan fli lɛ Izraɛlnu faa ma.