Mi Nɔnɔle 15:9 - Kazambale lé Sebe Sauunu 1979

⁹ burupun zima suoné yaa lé wa vɔɔ nyɔnɔ litré fié nya, é a lé wo Gakelebale ban yee valé diriné nya,

Mi Nɔnɔle 15:9 ပူးပေါင်းရင်းမြစ်များ

Minwiinzannu lé Wezuofe Sɛbɛ 21:23

Oonan lé David lɛ léé: Bé si, anzan minwiinzan blɛn a ye é zima fɛan zo, ’é a kɛlɛ ma; i yua, maa dirigɔnénu nɔ léé, wo wo kyɛ ble Bale lɛ, yé goroyilinu ’é kɛlɛ kyɛ nya, yé maa ’sa nɔ balebanfɛ nya; maa ’bɛ faa nɔ.

Néémi 10:33

Bale ’lɛburu koo, blɛ lé a nɔle ’ka nyaan lo koo, balebanwi lé wa kyɛ blé, ’té a nɔle ’ka nyaan lo, ’té é ke flinyinu koo, moné dɛrɛnu koo, fɛtinu koo, wozé nya bɛ, yee koo, fɛnu lé ke é pale é yɛrama koo, Izraɛl lé wenyané ’yibo sarakanu koo, we faa tere lé wa kɛla kolé Bale lé kɔn gi koo, woo siklagɔɔli no yee nyanamanu ’ko lé we ma, lɛɛ do do ma.

Ézékiɛl 42:13

É lé an lɛ léé: Kɔnnénu lé wo ke yirinwana bɛbolazia, wo valé yirinwana bɛyilazia, ’té wo ke fɛna pla ’lɛzia bɛ, wa kɔnné tinlenu nya. Wona lé Balebamunu lé woo biéan Gakelebale sɔnɔ, woo Bale ’lɛfɛnu blé. Wo dan fɛ ’lɛzannu pla lɛ wona, blɛfɛnu koo, balebanwinu lé woo wo no wenyané ’yibo sarakanu valé wenyané ma sarakanu nya, wo koo, woo lé. Naa, fɛkona a é tinle, azama.

Ézékiɛl 46:11

Wo dan blɛfɛ nɔ lɛ fɛtiyinu valé zén‐ékeva plɛplɛ yinu nya; dirigɔné va fɛ lé ke burupun zima vlekyɛɛ nya do, ’blagɔné vafɛ lé ke burupun zima vlekyɛɛ nya do; yé é dan ’blanénu vafɛ nɔ lɛ élé blibɔmale nya; vlekyɛɛ nya do va nyɔnɔ a litré suiɛdo.

Ézékiɛl 46:15

’Blané koo, nyɔnɔ va blɛfɛ koo, wo dan wo nɔ lɛ bladi faa ma, balebanwi lé wa kyɛ blé, a nya, ’té a nɔle glɛ ’ka dɔa lo.

Ézékiɛl 46:5

yé é dan blɛ pa lɛ ’blagɔné va burupun zima vlekyɛɛ nya do, yé é dan blɛ pa lɛ ’blanénu la élé blibɔmale nya, vlekyɛɛ do va nyɔnɔ a litré suiɛdo.

Ézékiɛl 46:7

Yé é dan blɛ pa lɛ dirigɔné va burupun zima vlekyɛɛ nya do, ’blagɔné va burupun zima vlekyɛɛ nya do, yé é dan blɛ pa lɛ ’blanénu ta élé blibɔmale nya; vlekyɛɛ nya do va nyɔnɔ a litré suiɛdo.

Joɛl 1:9

Blɛ valé baleban’yi ’ka é dɛrɛ Gakelebale lé kɔn gi lo; Balebanzannu, Gakelebale wuozannu a gyɛbona.

Joɛl 2:14

Dé é dan da lɛ ka va é ziin, yé é bli nɔlaa? Dé alé drɔɔvole é dan vo lɛ a pa gii? Dé é dan Gakelebale, kalé Bale lé blɛnu valé baleban’yinu vo lɛ é pa gii? De ɛ ’bɛ gi dɔɔ?

Lévinu 14:10

A yi sɔraazan nya, ’blané fié lé fɛ do kpen ’ka wo ma lo koo, lɛɛ do ’blada lé fɛ do kpen ’ka a ma lo koo, suo nya do burupun zin lé wa vɔɔ nyɔnɔ nya yé é kɛlɛ balebanfɛblele nya, ’bɛ koo, nyɔnɔ litré buu koo, é dan wo si lɛ.

Lévinu 6:14

’Wa vɔ gbɛlɛ gi nyɔnɔ nya, yé ’ka da a nya ’é male; ’ka a dɔne ’bɛ zo yé ’ka da a nya é kurunu nya, balebanfɛ lé Gakelebale a gin sié néné, a nya.

Lévinu 7:37

Balebanwi lé wa kyɛ blé koo, balebanfɛblele koo, wenyané ’yibo saraka koo, wenyaa saraka koo, mi bɛ pale Bale banle ta koo, bɔvɔ saraka koo, wolé bélidɔwe lé ke bɛ.

Mi Nɔnɔle 15:10

yé ’i dɔrɔ litré fié kɛlɛ baleban’yi nya; é a saraka lé kyɛ a blé, ’té Gakelebale a gin sié néné, a nya.

Mi Nɔnɔle 15:8

Dé i Bale ban diriné do nya, dé a kyɛblele léé, dé Bale kunle gifɛ nɔle léé, dé Gakelebale bɔvɔ saraka léé,

Mi Nɔnɔle 28:12

yé dirigɔné do do vafɛ ’é kɛlɛ burupun zima suo do lé wa vɔɔ nyɔnɔ nya, a nya; ’blagɔné vafɛ ’é kɛlɛ burupun zima suoné fié lé wa vɔɔ nyɔnɔ nya, a nya;

Mi Nɔnɔle 28:14

Baleban’yi ’é kɛlɛ nwɛ litré fié nya dirigɔné do zé nya, litré do é buu a ’blagɔné do zé nya, yé litré do a ’blané do zé nya. É a moné bɔrale lé balebanwi lé wa kyɛ blé, a nya.

Mi Nɔnɔle 29:6

’Ka saraka ’konu bo, ’té balebanwi lé wa kyɛ blé, ’bɛ valé moné do do balebanfɛ koo, balebanwi lé wa kyɛ blé, ’té a nɔle ’ka nyaan lo bɛ, ’bɛ koo, balebanfɛ koo, baleban’yi lé wa pa a va koo, ’té ’ka ’bɛnu é no duowo, é nɔbɛ gi. Wa sarakanu lé kyɛ a blé, ’té Gakelebale éé wo gin sié néné, wo nya.

1 Samuɛl 1:24

Né si nyɔ ma aan wo, Ane go a nya é lee, yé dirigɔné yaa koo, burupun vlekyɛɛ do koo, nwɛ kuo do koo, é go wo nya é lee. É go né nya Gakelebale lé kɔn gi Silo; naa, né a tan kiéné.