Mi Nɔnɔle 15:31 - Kazambale lé Sebe Sauunu 1979

³¹ É serele bo maa, Gakelebale dére ma; é maa, Gakelebale sɔnnénu sɛrɛ; ’wo ’bɛzan si wo va ma; alé weple a abo nwiin.

Mi Nɔnɔle 15:31 ပူးပေါင်းရင်းမြစ်များ

2 Samuɛl 12:9

Mɛmalé i sɔn vɔ Gakelebale dére ma, we lé ke é naané a yuɛ gi, a kɛlɛle nyaa? I Éti mi Uri gyɛ gwɔun nya; bé na si izé nya yé bébozen gyɛ Amɔn munu lé gwɔun nya.

Lɛrɛvɔ Sɛbɛ 107:11

Wo Bale dére lɛga a ma, Wo Loruzan lé weplale ye boawe nya, azama.

Lɛrɛvɔ Sɛbɛ 119:126

Gakelebale, ilé wekɛlɛbléyi bɔ; Wa ilé bélidɔwe sɛrɛna, azama.

Lɛrɛvɔ Sɛbɛ 38:4

I bliflile zama an kɔlɛ do kpen ’ka an ta lo, Anlé wenyané ma lé an wɔlɛnu ’ka plɛplɛ é dɛrɛ lo.

Fwile 30:33

Dé mian é a zoɛ kɛlɛ, dé é a zén bɛn ta, ’wo ’bɛzan si Izraɛlnu va.

Wegɔnévɔlenu 13:13

Mi lé éé Bale dére yé boadére nya, é ébo saan, naa, mi lé éé kanaan bélidɔwe lee, wa banwoo.

Ézai 30:12

Bɛwemalé Izraɛl lé Mi Sauun léma: Ka sɔn vɔ dére ’ko ma, ka a pale glawe valé viéwe ɛ ta, yé ka wo kɛlɛ ka bɔvafɛ nya,

Ézai 53:6

Ko faa zi saan bélé ’blanu zo, Ko faa do do kobo lé zi sia, Yé Gakelebale kolé weplenu faa dɔ a nwiin.

Ézékiɛl 18:20

Mi lé éé wenyané kɛla, yeebozen ɛ gaan. Wo ’ka dan mi lé weple kɔné dɔ lɛ é be nwiin lo, yé wo ’ka dan a be zé dɔ lɛ a nwiin lo. Wo dan mi tegele lé we tegele dɔ lɛ ’é nwiin, yé wo dan mi nyané lé wenyané dɔ lɛ é nwiin.

Lévinu 26:15

dé ka lɔlu plɛn anlé bélidɔwenu ma, yé ka serele bo anlé gɔnɔlawenu ma, yé dé bɛwemalé ka ’ka an sɔnnénu faa pa lɛ lo, yé ka anlé gipawe sɛrɛ,

Lévinu 26:43

Wo dan si lɛ wolé tɛrɛ la, yé bléyian va lé wolé tɛrɛ ke é sɛrɛle, ’té wa baa, é dan élé flinyinu kɛlɛ lɛ; wo lɔlu plɛn anlé gɔnɔlawenu ma, yé wo boen serele bo anlé bélidɔwenu ma, amalé wo dan wolé weplenu banwo lɛ.

Lévinu 5:1

Dé mi do kɛlɛ wenayezan nya yé é bɛ nwa ’bɛ we ma, yé we lé é a ye, ’é valé we lé é a gi dɔɔ, yé é ’ka a fe lɛ lo, yé ’bɛ we ma é wenyané kɛlɛ, ’té we a a nwiin.

Mi Nɔnɔle 9:13

Dé mian é ke é pla, yé é ’ka go lɛ tawo lɛ lo, dé é vuru Taboyi lé fɛti kɛlɛle ma, ’wo mi ’ko si alé munu va. Yi lé Gakelebale a dɔ, é ’ka da lɛ Bale ban lɛ a yi la lo, azama; yé mi ’ko é we dɔ ébo nwiin.

Bélidɔwesɛbɛ Fiézan 17:12

Balebanzan lé Gakelebale, kalé Bale a dɔ Gakelebale bɔle we gi, dé mi do ébo kɛla blɛn yé é ’ka ’é tɔné dɔa ’bɛzan dére lɛ lo, dé é ’ka ’é tɔné dɔa weblezan dére lɛ lo, ’wo ga dɔ a nwiin.

1 Tɛsalɔnik munu 4:8

Bɛwemalé mian éé sɔn vɔa we plalenu ’ko ma, é ’ka sɔn vɔ lɛ mi ma lo, naa, Kazambale lé é Léli Sauun nɔ ka lɛ, é sɔn vɔ yee ɛ ma.

1 Piɛri 2:24

é dɔ kaalé wenyané gi ébozen kɔlɛ nya yili la, kaa gale kaalé wenyanénu vazia we gi yé kaa vo é yuɛma we tegele kɛlɛle we gi; a tuolenu ma lé kaa béli.

2 Piɛri 2:21

Naa, dé wo ’ka kɔɔn zi tegele dɔɔ lɛ lo, ’bɛ fila vɔ; dé ’bɛ kaan lo, dé wa dɔɔ faa yé wo sɔn vɔ bélidɔwe ’lɛzan lé wa nɔ wo lɛ bɛ, a ma, ’bɛ a tɔntɔn.

1 Samuɛl 3:14

Bɛwemalé maa bale pa Éli lé kɔn ’léé munu ma, léé, wo ’ka dan Éli lé kɔngimunu lé wenyané fwi lɛ monomono lo, dé saraka bole léé, dé Bale blan léé, wo nya lo.