Mi Nɔnɔle 15:30 - Kazambale lé Sebe Sauunu 1979

³⁰ Naa, dé tɛrɛlazan léé, dé bɛn léé, dé mi do we kɛlɛ yuɛma plɛplɛ nya, é maa Gakelebale sɔnɔ; é a lé wo mi ’ko si alé munu va.

Mi Nɔnɔle 15:30 ပူးပေါင်းရင်းမြစ်များ

Wepélisiananu 17:14

Gɔné lé a gane ’ka é dɔle lo, é anlé gipawe sɛrɛ, amalé é a lé wa kulu ga alé munu méléna.

JOB (Job) 38:15

Maa fɛnafu si mi nyanénu ta, Yé wo bɛ lé wa nwaan an ma, maa yéli. I ’bɛ gi dɔɔ?

Lɛrɛvɔ Sɛbɛ 19:13

Dé ɛ élé saanlenu gi dɔɔ? Wenyanénu lé maa wo kɛlɛ, ’té maa ’ka wo gi dɔɔa lo, ’I an ma we vo wolé we ma.

Lɛrɛvɔ Sɛbɛ 69:9

An kɛlɛ an bwenu va bɛn nya, An bu benu ’ka an dɔɔa é dɛrɛ lo.

Lɛrɛvɔ Sɛbɛ 74:18

Mi nyanézan éé Gakelebale sɔnɔan, Yé tawomunu woo serele boo i tɔ ma, wenu ’ko sele ’é dɔ i gi ma.

Lɛrɛvɔ Sɛbɛ 74:22

Baleoo, Bale, ’i nwa, ’ilé we wuo vɔ. I sɔnɔnu lé tavozannu a woo yi faa do do ma, a sele ’é dɔ i gi ma.

Lɛrɛvɔ Sɛbɛ 79:12

Mizan, sɔnɔnu lé ko punmazannu a wo ko lɛ, ’Bé lɛgi pa wo ma gɔnɔ sɔrafié ma.

Lɛrɛvɔ Sɛbɛ 89:51

Mizan, serele lé wa bo i wuozannu ma, a sele ’é dɔ i gi ma; Sɔnɔ faa lé munu kiɛre a woo, wa an gi;

Fwile 21:14

Naa, dé mi do we kɛlɛ é punmazan lɛ é naané yé é a gyɛ gi kinile nya, dé é go an bannaoo, ka dan a si lɛ ’bɛna yé ka gyɛ.

Fwile 30:33

Dé mian é a zoɛ kɛlɛ, dé é a zén bɛn ta, ’wo ’bɛzan si Izraɛlnu va.

Wegɔnévɔlenu 14:31

Mi lé éé nyané paan nyanégyɛzan ta, é a a Kɛlɛzan sɔnɔna; naa, mi lé a nyanai éé zén‐é tɔnanénu ta, é a a Kɛlɛzan tɔ bɔna.

Ézékiɛl 20:27

Bɛwemalé, blami be, bé fe Izraɛl munu lɛ léma: Mizan Gakelebale léma: Ka tinu an sɔnɔ é ziin; wo ’ka kɛlɛ lɛ yarapawelazannu nya an vazia lo.

Lévinu 20:10

Dé mi do wenyané kɛlɛ gɔné na va, dé é wenyané kɛlɛ é bɔlu do na va, ’wo we lɛdɔ gɔnézan valé gɔné gini le gi ga nya.

Lévinu 20:3

Yé maa, maa dan dɔ lɛ a ma yé maa dan a si lɛ élé munu va, ’élé nénu kɛlɛ Mɔlɔk banfɛ nya, yé é anlé fɛna sauun sɛrɛ yé é an tɔ plɛplɛ kɛlɛ tɔ pla nya, ’bɛzama.

Lévinu 20:6

Dé mi do go miléli laamunu valé ’monédɔmunu va, yé é wo kɛlɛwe kɛlɛ, maa dan dɔ lɛ a ma yé maa dan a si lɛ élé munu va.

Mi Nɔnɔle 15:29

Dé mian wenyané kɛlɛ é tanyila, dé é a Izraɛl mi nyaoo, dé é a wo va bɛn nyaoo, kalé bélidɔwe a do.

Mi Nɔnɔle 9:13

Dé mian é ke é pla, yé é ’ka go lɛ tawo lɛ lo, dé é vuru Taboyi lé fɛti kɛlɛle ma, ’wo mi ’ko si alé munu va. Yi lé Gakelebale a dɔ, é ’ka da lɛ Bale ban lɛ a yi la lo, azama; yé mi ’ko é we dɔ ébo nwiin.

Matio 12:32

Dé mian é wenyané fe maa blami Be ma, Bale é dan a ma we vo lɛ, naa, dé mian é wenyané fe Léli Sauun ma, Bale ’ka dan a ma we vo lɛ ’bɛ ma lo, dé é a tɛrɛ la ’ko nyaoo, dé é a tɛrɛ dɛrɛ lé é dan da lɛ bɛ, a ta nyaoo, Bale ’ka dan a ma we vo lɛ lo.

Bélidɔwesɛbɛ Fiézan 1:43

Maa a fe ka lɛ, naa, ka ’ka ka tɔné dɔ lɛ lo; dére lé Gakelebale a fe, ka a lɛgama, yé ka bli si kabo lɛ yé ka go gɔ mazia.

Bélidɔwesɛbɛ Fiézan 32:27

Naa, an kanaan nyanézan lé sɔnɔ lee, An kanaan léé, dé wo nyanézannu é da ’wo lɔlu plɛn an ma, Yé wa fe léé, ko bɛ a plɛplɛ, Yé ’té Gakelebale an, ’bɛ we ’konu faa kɛlɛ lo.

Ébrunu 10:26

Naa, dé kaa webozen dɔɔ faa yé ’bɛ zuo kaa wenyané kɛlɛ kaabo yuɛ va, ’té kaalé wenyané ma saraka ’ka lo,

Ébrunu 10:29

’té é dɔ ka gi kaa? Dé mian é Kazambale Be kɛlɛ naanaazan nya, yé gipawe dɔ plɛplɛ nyɛ lé ’bɛ a kɛlɛ sauun bɛ, é ’bɛ ye boawe nya, yé é zin Léli sɔnɔ, a yara ’ka lé Bale é we lɛdɔ ’bɛzan gi welɛdɔle mi gi tɔntɔn bozen nya loo?

2 Piɛri 2:10

Wonu lé, we tiridɔle lɔrɔ ke wo ma, amalé woo tawoo ’wo dɔbɛ kyɛn lé sɔlɛwe yɛrama bɛ, ’té woo sɔn vɔa mi plale wo nwiin ma bɛ, wozé é dan mini lɛ. Munu ’ko a yuɛmaplɛplɛzannu valé boblɛnzannu nya, yé wo ’ka kanaan laifuanu sɔnɔle ma lo,

1 Jan 5:16

Wenyané lé ’bɛ ’ka mi no ga lɛ lo, dé mian é bwe ye a kɛlɛna, ’é bazoro, yé Kazambale é dan a béli lɛ. Wenyané lé ’bɛ ’ka mi no ga lɛ lo, munu lé wo ke ’bɛ kɛlɛna, ’bɛnu é dan béli lɛ. Wenyané do ana, ’bɛ éé mi no ga lɛ. Maa ’ka a fena léé, ka bazoro ’bɛ wenyané ma lo.

1 Samuɛl 2:25

Dé mi do wenyané kɛlɛ mi bɛ lɛ, Bale é dan a we ble lɛ; naa, dé mi wenyané kɛlɛ Gakelebale lɛ, de ɛ dan dɔ lɛ a zuoo? Yé wo ’ka wo tɔné dɔ lɛ wo ti dére lɛ lo, Gakelebale a a va léé, é wo gyɛ, azama.

1 Samuɛl 3:14

Bɛwemalé maa bale pa Éli lé kɔn ’léé munu ma, léé, wo ’ka dan Éli lé kɔngimunu lé wenyané fwi lɛ monomono lo, dé saraka bole léé, dé Bale blan léé, wo nya lo.