Mi Nɔnɔle 15:20 - Kazambale lé Sebe Sauunu 1979

²⁰ ’Ka buru do kɛlɛ kalé buruyɔɔ vininzan nya yé ’ka a nwa an ’lɛ; ’ka a nɔ bélé fɛan zo lé ka ’sa vininzan no, a zo.

Mi Nɔnɔle 15:20 ပူးပေါင်းရင်းမြစ်များ

Néémi 10:37

Ko fe é ziin léé, kolé buruyɔ vinin valé kolé blɛnu koo, yili faa poronu koo, dɔrɔ’yi vinin valé nyɔnɔ koo, ko dan da lɛ wo nya Balebanzannu lɛ kolé Bale lé kɔnminu zi. Ko dan kolé féifɛnu vuzan nɔ lɛ Lévinu lɛ. ’Té é a lé wa si woboan, fla faa lé ko féi paan wo ta, wona.

Fwile 23:19

I lé féifɛ vinin lé ke é zima, i dan da lɛ a nya Gakelebale ilé Bale lé kɔn gi. Té i boliné dɔne é bu nyɔyi va lo.

Fwile 34:26

Ilé féifɛ vinin lé ke é zima, i dan da lɛ a nya Gakelebale, ilé Bale lé kɔn gi. Té i boliné dɔne é bu nyɔyi va lo.

Ézékiɛl 44:30

Féifɛ vininnu valé blɛfɛnu faa lé ka dan wo nɔ lɛ wo nwale loru nya, wo dan kɛlɛ lɛ Balebanmunu zé nya. Ka kalé buruyɔɔ vininnu nɔ Balebanmunu zé nya, léé, Bale é ka drɔɔ vo.

Lévinu 2:12

Dé ka léé, ka fɛ ’konu nɔ Gakelebale lɛ, ’ka wo nɔ, woo féifɛ vinin no fɛan zo, a zo; naa, té wa nɔ balebanna ta fɛ gin néné nya lo.

Lévinu 2:14

Dé i Gakelebale ban féifɛ vinin nya, ’i ’sanɛnɛ dɛrɛ si, bé séli, yé bé pun dɔ yé bé nɔ féifɛ vinin nya.

Lévinu 23:10

Bé fe Izraɛl lé nénu lɛ léé: Dé ka bɔ tɛrɛ lé maa a nɔ ka lɛ, a ta, dé ka kun kalé féifɛ sile ma, ka dan kalé féifɛ vininzan si lɛ yé ka goan Balebanzan lɛ.

Lévinu 23:20

Sarakabowi koo, fɛ vininzan lé buru koo, ’blané fié koo, Balebanzan é dan wo dia lɛ ’é bɛ fié la Gakelebale ’lɛ; wa fɛ lé wa pa é yɛrama Gakelebale zé nya, wo nya, yé wo dan kɛlɛ lɛ Balebanzan zé nya.

Mi Nɔnɔle 15:21

’Ka maa, Gakelebale ban kalé buruyɔɔ vinin nya, lɛɛnu lé wo dan bɔ lɛ bɛ, wo gi.

Mi Nɔnɔle 18:12

Féifɛ vininzannu lé woo maa, Gakelebale baan wo nya, maa wo nɔ i lɛ, woo valé nyɔnɔ zin baba faa koo, dɔrɔ dɛrɛ zin baba faa koo, buruwɔlɛ zin baba faa koo, woo lé.

Matio 6:33

Naa, ’ka kwa kuli léé, ka kɛlɛ munu lé Kazambale ke é plale wo nwiin, wo vazannu nya, ’bɛ valé Kazambale lé we tegele kɛlɛzannu nya, yé Kazambale é dan fɛ ’konu faa nɔ lɛ ka lɛ ’bɛnu ta loru.

Rom munu 11:16

Dé féifɛ vininzannu a Bale zé nya, ’té a pɔnénu a azé nya é ziin. Yé dé yili suni a Bale zé nya, ’té a bɛnu a azé nya é ziin.

1 Korent munu 15:20

Naa, webozen lé, Krist nwa gale va; é a mi vinin lé é nwa gamunu va, a nya.

Bélidɔwesɛbɛ Fiézan 14:22

’Ka fɛvuzan si kalé féifɛnu faa va lɛɛ faa do do ma.

Bélidɔwesɛbɛ Fiézan 14:23

Fɛna do lé Gakelebale, kalé Bale é dan a si lɛ a va yé ’é tɔ pa a ma, ka dan go lɛ kalé fɛvuzannu nya ’bɛna; kalé ’sa vuzan koo, kalé dɔrɔ’yi vinin vuzan koo, kalé nyɔnɔ vuzan koo, kalé diri valé kalé ’blanu valé kalé bolinu lé né vininnu koo, ka dan wo ble lɛ ’bɛna; ’bɛ zo lé ka dan kanale Gakelebale, kalé Bale lee draan lɛ lɛɛfaama.

Bélidɔwesɛbɛ Fiézan 16:13

Fɛti lé wa kɛla faa wuo, ka dan a kɛlɛ lɛ yi sɔrafié, bléyian va lé ka ’sa sunwo ’té ka dɔrɔporo boroan, ’bɛ bléyi va.

SEBE LÉ JAK A GYE (Épitre de Jacques) 1:18

É kaa yaa élé blibɔmawe yɛrama webozen dére nya, kaa kɛlɛle a kɛlɛfɛ vininzannu nya we gi.

Wegɔɔnle 14:4

Wa munu lé wo ’ka ’wobo tiri dɔ lɛ lomu va lo, wo nya, naa, wo ’ka le dɔɔ lɛ lo; fɛ faa lé ’Blané éé goo ana, woo goo a zuo. Bale wo tabo munu méléna féifɛ bɔrale vinin nya Kazambale valé ’Blané zé nya;