Mi Nɔnɔle 14:9 - Kazambale lé Sebe Sauunu 1979

⁹ Naa, té ka nwa Gakelebale ma lo, yé té ka kana tɛrɛ ’ko la munu lee pelo; naa, wa ko blefɛ nya. Wo tayɔɔfɛ ’ka é dɛrɛ lo; Gakelebale a ko va; té ka kana wo lee pelo.

Mi Nɔnɔle 14:9 ပူးပေါင်းရင်းမြစ်များ

Wepélisiananu 48:21

Izraɛl lé Jozɛfu lɛ léé: Maa a dana ga lɛ. Kazambale é dan kɛlɛ lɛ ka va, yé é dan go lɛ ka nya ka tinu lé tɛrɛ la é ziin.

2 Minwiinmunu lé Wezuofe Sɛbɛ 13:12

Bé ye, Bale valé é banzannu a ko va ko zi ’lɛzannu nya, yé bélinu lé wo dére zuo gi éé wé, wa ko lee, léé, wa fɛn ka ma. Izraɛlnu, té ka guli dan Gakelebale ka tranu lé Bale va lo, naa, a va ’ka dan gyɛ lɛ ka lɛ lo.

2 Minwiinmunu lé Wezuofe Sɛbɛ 15:2

yé Azaria go Aza va, yé é lé a lɛ léé: Aza, ’i tɔné dɔ an lɛ, bii valé Judanu valé Bɛnjamɛnnu. Bléyian va lé ka a Gakelebale va, ’té é a ka va. Dé ka a nagini, ka dan a ye lɛ; naa, dé ka sɔn vɔ a ma, é dan sɔn vɔ lɛ ka ma.

2 Minwiinmunu lé Wezuofe Sɛbɛ 20:17

É ’ka lé ka guli do kpen dan we ’ko gi lo; ’ka bɔra a gi, ’ka dɔ ana, yé Gakelebale é dan ka si lɛ we gi fɛan zo bɛ, yé ka ana ye. Judanu valé Jérusalɛm munu, té ka kana lo; té di é kini ka gi monomono lo. Tɛlɛ, ’ka go kee wo nya, yé Gakelebale é dan kɛlɛ lɛ ka va.

2 Minwiinmunu lé Wezuofe Sɛbɛ 32:8

Blaminu bɛ nya lé wo ’wozé kɛla, naa, Gakelebale, kolé Bale ɛ ke ko va, yé é dan bɔ lɛ ko va, yé é dan ko ta guli dan lɛ. Yé munu pa Juda nwiinzan blɛn Ézékia dére ta.

Néémi 4:14

Maa dɔ loru yé maa fɛ faa nagini, yé maa lé mi blɛnnu koo, minwiinmunu koo, mi pɔnénu koo, wo lɛ léé: Té ka kana wo lee lo. Mizan lé ke blɛn, ’té éé kana zén‐é munu gi, a sele ’é dɔ ka gima, yé ka bwenu koo, ka benu valé ka lunu koo, ka nanu koo, kalé kɔnnu koo, ’ka wo ta guli dan.

Lɛrɛvɔ Sɛbɛ 106:24

Yé tɛrɛ lé éé mi gi nanaan é baba, wa ye boatɛrɛ nya, Wo ’ka ’wo bli vo lɛ Gakelebale dére lɛ lo,

Lɛrɛvɔ Sɛbɛ 121:5

Gakelebale a i tabinzan nya, Gakelebale a ilé furɔ nya i bɛyila.

Lɛrɛvɔ Sɛbɛ 14:4

Munu faa lé woo weple kɛla, dé wedɔɔle saan é wo wo ’wuo gii? Woo anlé munu minié, woo anlé munu sian wo blefɛ nya. Wo ’ka Gakelebale tɔ laan pelo.

Lɛrɛvɔ Sɛbɛ 46:11

’Ka da, yé ’ka we ’ko dɔɔ ma: maa a Bale nya, Maa ɛ ke bɛnnu nwiin, maa ɛ ke tɛrɛ nwiin.

Lɛrɛvɔ Sɛbɛ 46:7

Bɛnnu wo gi gunu yé wolé plale mi nwiin ma nyɔɔn; Bale we do fe yé tɛrɛ ’yi bo kanale nya.

Lɛrɛvɔ Sɛbɛ 46:8

Lai sunyanu lé Gakelebale a ko va, Jakɔb lé Bale a ko yɔɔna plɛplɛ nya. Ka ye do.

Lɛrɛvɔ Sɛbɛ 74:14

Bii ɛ yuéi ’wuo wii, Yé bé nɔ nyéné saa ta munu lɛ wolé fɛblele nya.

Lɛrɛvɔ Sɛbɛ 91:1

Mian ke é yɔɔle Loruzan bɛ wuo, Éé flin‐é Plɛplɛfaazan furɔ va.

Fwile 14:13

Moizi lé munu lɛ léé: Té ka kana we do kpen lee lo, ’ka dɔ flee, yé Gakelebale é dan ka si lɛ we gi fɛan zo kyɔ, ka dan a ye lɛ; naa, Éjipiti munu lé ka wo yé kyɔ, ka ’ka dan wo ye lɛ é dɛrɛ monomono lo.

Fwile 33:16

Dé maa valé ilé munu kɛlɛ mi zinnu nya i yuɛioo, dé ko ’ka kɛlɛ lɛ mi zinnu nya i yuɛi looo, dé i ’ka tawoo ko va lo, wo dan a gi dɔɔ lɛ kaa? Ilé tawole ko va lé we ma lé wo dan maa valé ilé munu dɔɔ lɛ tɛrɛlamunu faa méléna.

Ézai 1:2

Lanu, ’ka tɔné dɔ; tɛrɛ, ’i an ban i tɔné nya, naa, Gakelebale a wefena. É léma: Maa nénu pa yé wo tin an yuɛ va, naa, wo nwa an ma.

Ézai 32:2

Wo faa do do é dan kɛlɛ lɛ miyɔɔna nya, mi éé yɔɔan fu lɛɛ fɛan zo, a zo, bélé mi lé éé yɔɔan lɛɛ plɛplɛ lee, a zo. Wo dan kɛlɛ lɛ bélé ’yi lé éé yoroan fɛna gale na, a zo; bélé gɔlɛ blɛn furɔ zo, tɛrɛ kyɛdɔle ta.

Ézai 41:10

Té i kana we do kpen lee lo, naa, maa a i va; Té i we do kpen gi bɔrɔ pa lo, naa, maa a ilé Bale nya. Maa i fuu dɔa i ta, maa bɔa i va, Maa, guliwuovolɛzan, maa dɔ i zuo.

Ézai 41:14

Jakɔb, bii lé i ’ka vo lɛ we do nya lo, ’Kaa Izraɛl sɛné lé ka vo, ’té ka ke tɔɔtɔɔ, té ka kana lo; Gakelebale léé, é dan bɔ lɛ ka va, Izraɛl lé Mi Sauun lé ke ka siéwegizan nya.

Ézai 63:10

Naa, wo nwa a ma, yé wo a Léli Sauun bli kyɛ dɔ; yé é nɔla wo nyanézan nya, yé é guli dan wo va.

Jérémi 1:19

Wo dan guli dan lɛ i va, yé wo ’ka dan i kele lɛ lo. Naa, maa a i va, i ta béli dɔle we ma. Maa Gakelebale ɛ ke a fena.

Jérémi 42:11

Gakelebale léma: Té ka kana Babilɔn nwiinzan blɛn lee lo. É vinin ka kana a lee; té ka kana a lee sin lo. Naa, maa a ka va ka sile we gi we ma, ’é valé ka sile a lee we ma.

Jérémi 48:45

Vɔfligimunu fuu si wo ta yé wo dɔ Esibɔn, tɔɔn, kyɛ bi Esibɔn; kyɛnɛnɛ nwa Sioni méléna yé é Moab munu lɛ do ble; é wolé mi blɛnblɛnnu ble.

Daniɛl 9:5

Ko wenyané kɛlɛ; ko weplenu kɛlɛ; ko a mi nyanénu valé nwamimazannu nya. Ko sɔn vɔ ilé bélidɔwe sɔnnénu valé i déretawenu ma.

Daniɛl 9:9

Mizan, kozé Bale, ko nwa i ma, naa, bii a nyanaizénzan valé mimawe?-?vozan nya.

Mi Nɔnɔle 13:30

Munu a gun gyɛna Moizi ma, yé Kalɛb wo tadɔ. Yé é léé: ’Ka nwa, kaa go tɛrɛ ’ko si; kaa dan kɛlɛ lɛ a ’wuovolɛzannu nya.

Mi Nɔnɔle 17:6

Moizi we fe Izraɛlnu lɛ, yé wo nwiinzannu faa do do ’wolé tawomayili nɔ a lɛ, ’wo tranu lé kɔnnu yɛrama, minwiinzan do, tawomayili do, ’bɛ gi léé, tawomayili vu ta fié lé. Arɔn zé a wo va.

Mi Nɔnɔle 20:2

’Yi ’ka ana lo, amalé munu nwa Moizi valé Arɔn ma.

Mi Nɔnɔle 24:8

Bale wo si Éjipiti tɛrɛ la, É a wo lɛ plɛplɛ bélé du lé plɛplɛ zo. Bɛnnu lé woo nwaan a ma, éé wo gya, Éé wo wɔlɛnu yélié, yé éé wo fɔn‐o ’élé sawɔlɛnu nya.

Matio 1:23

Bé ye, blɛn lé gɔné ’ka tan a dɔɔ lɛ le nya lo, é dan bɔn si lɛ yé é dan négɔné do yaa lɛ. Wo dan a tɔ pa lɛ Emanuɛl, ’bɛ gi léé, Bale a ko va.

Rom munu 8:31

Kaa fé we ’konu ma nɔɔ? Dé Kazambale a kaa va, de ɛ kɛla kaa maa?

Bélidɔwesɛbɛ Fiézan 1:21

Ka yua, sin, Gakelebale, kalé Bale tɛrɛ nɔ ka lɛ; ’ka go, ’ka a si kazé nya, Gakelebale, ka tranu lé Bale a fe ka lɛ fɛan zo, a zo; té ka kana lo; té di ’é kini ka gi lo.

Bélidɔwesɛbɛ Fiézan 1:26

Naa, é ’ka sɔ lɛ ka lɛ léé, ’wo go ana lo, amalé dére lé Gakelebale, kalé Bale a fe ka lɛ, ka sɔn vɔ a ma.

Bélidɔwesɛbɛ Fiézan 1:29

Yé maa lé ka lɛ léé, té ka gi nyɛ ’é kini lo; té ka kana wo lee lo.

Bélidɔwesɛbɛ Fiézan 31:6

’Kabo dɔ gligli, yé ’ka bli ta dɔ plɛplɛ. Té ka kana wo lee lo, té di ’é kini ka gi wolé we ma lo; naa, Gakelebale, kalé Bale bozen é dan tawo lɛ ka va, é ’ka dan ka vo lɛ é pla lo, é ’ka dan sɔn vɔ lɛ ka ma lo.

Bélidɔwesɛbɛ Fiézan 31:8

Gakelebale bozen é dan tawo lɛ i ’lɛ, yeebozen é dan kɛlɛ lɛ i va, é ’ka dan i vo lɛ é pla lo, é ’ka dan sɔn vɔ lɛ i ma lo; té i kana lo, té gligli ’é zén i gi lo.

Bélidɔwesɛbɛ Fiézan 32:42

Anlé gwɔun é dan wo nɛ so lɛ a ma, Mi tuolenu koo, luunu koo, An nyanézannu nwiinzannu ’wuonu koo, Wo nyɛ é dan zén lɛ anlé sawɔlɛnu ma bélé nwɛgyɛzan ma kyɛyee bɔle zo.

Bélidɔwesɛbɛ Fiézan 7:18

Té ka kana lo. We lé Gakelebale, kalé Bale a kɛlɛ Faraɔn valé Éjipiti munu faa lɛ, a sele ’é dɔ ka gi ma.

Bélidɔwesɛbɛ Fiézan 7:21

Té di é kini ka gi wolé we ma lo; naa, Gakelebale, kalé Bale a ka méléna. É a Bale blɛn valé mitadanmawe kɛlɛ Bale nya.

Bélidɔwesɛbɛ Fiézan 9:7

Ka Gakelebale, kalé Bale bli fli bwi gi fɛan zo, a sele ’é dɔ ka gi; té ka gi é san ’bɛ ma lo. É sia yian nya lé ka si Éjipiti tɛrɛ la fɔɔ yé ka bɔ fɛkona ’ko, ka a tɔnégiplɛplɛzannu nya.

Filip munu 1:27

Naa, munu lé wo bli ke Krist lé Wenéné lɛ, é a lé wo tawo fɛan zo bɛ, ’ka tawo ’bɛ zo léé, dé an da ka vaoo, dé an ’ka da lɛ ka va looo, yé maa ka tawe ’ma léé, ka a é dɔle gligli bli do nya, ’té blipale lé éé sié Wenéné va bɛ, ’té ka a ta guli daan bli do nya,

Jozué 1:5

Mi do kpen ’ka dan dɔ lɛ i’lɛ i yuɛma bléyi faa va lo. Maa dan kɛlɛ lɛ i va, fɛan zo lé maa kɛlɛ Moizi va, a zo; maa ’ka dan i vo lɛ i do lo, maa ’ka dan daan lɛ i ma lo.

Jozué 14:12

Amalé gɔ ’ko lé Gakelebale alé we fe ’bɛ yi la, bé nɔ an lɛ; naa, bé ’ma lé Anak munu ana, yé ana flanu a blɛn yé wa plɛplɛ. Dé Gakelebale é dan kɛlɛ lɛ an vaa? yé an dan wo bin lɛ, Gakelebale a fe fɛan zo, a zo.

Weblezannu 1:22

Jozɛfu lé munu nwa é ziin Bétɛl ma, ’té Gakelebale a wo va.