Mi Nɔnɔle 14:43 - Kazambale lé Sebe Sauunu 1979

⁴³ Naa, Amalɛk munu valé Kanaan munu ana ka ’lɛ, yé wo dan ka gyɛ lɛ gwɔun nya. Ka Gakelebale vo ka bɛ zuo, amalé Gakelebale ’ka dan kɛlɛ lɛ ka va pelo.

Mi Nɔnɔle 14:43 ပူးပေါင်းရင်းမြစ်များ

Minwiinzannu lé Wezuofe Sɛbɛ 28:9

Yé bii, an be Salomɔn, ’i i ti Bale dɔɔ ma, bé kun i bɛ fié nya, bélé nyanama pa i bli faa nya ma, naa, Gakelebale éé mi faa bli gi ginian fɔɔ yé é bɔ a wɔlɛ ma, yé é mibligiwe valé mi lé gibɔrɔlenu faa dɔɔ. Dé bé nagini, é dan zi nɔ lɛ i lɛ léé, i ’é ye; dé i sɔn vɔ a ma é dan sɔn vɔ lɛ i ma yifaama.

2 Minwiinmunu lé Wezuofe Sɛbɛ 15:2

yé Azaria go Aza va, yé é lé a lɛ léé: Aza, ’i tɔné dɔ an lɛ, bii valé Judanu valé Bɛnjamɛnnu. Bléyian va lé ka a Gakelebale va, ’té é a ka va. Dé ka a nagini, ka dan a ye lɛ; naa, dé ka sɔn vɔ a ma, é dan sɔn vɔ lɛ ka ma.

Lɛrɛvɔ Sɛbɛ 44:10

Naa, i ko si i ma, yé i yara wɔra ko ’wuo ma, I ’ka paan kolé sunyanu va é dɛrɛ lo;

Ézai 63:10

Naa, wo nwa a ma, yé wo a Léli Sauun bli kyɛ dɔ; yé é nɔla wo nyanézan nya, yé é guli dan wo va.

OZÉ (Osée) 9:12

Dé wo ’wolé nénu pa, an dan wo si lɛ wo lee wo tinle ’lɛ; dé an si wo zi, ’té we tɔntɔn kɛlɛ wo lɛ.

Lévinu 26:17

Maa dan dɔ lɛ ka ma yé ka nyanézannu é dan ka kele lɛ; ka zapamunu é dan pla lɛ ka nwiin, yé ka dan boavlan buru lɛ, ’té mi do kpen ’ka ka zuo lo.

Mi Nɔnɔle 13:29

Amalɛk munu éé nyanaan yirinwana bɛyilazia. Étimunu koo, Jébusimunu koo, Amorémunu koo, woo nyanaan gɔ nwiin, yé Kanaanmunu éé nyanaan wɛyi sɔnɔ, é valé Juudɛn yuu bɛ fiénu ta.

Mi Nɔnɔle 14:25

Amalɛk munu valé Kanaan munu, wa é nyanale gɔ worona; tɛlɛ, ’ka diéra ka pa gi, yé ’ka go bwi gi, Wɛyi Sɔɔn vazia.

Mi Nɔnɔle 14:42

Té ka go lo; naa, Gakelebale ’ka ka va lo. Té ka daan kabo ma yé ka nyanézannu ’é ka gyɛ lo.

Mi Nɔnɔle 14:44

’Bɛ ’ka go lɛ wo tɔné gi lo, yé wo go gɔ ma duowo, naa, gipawe pagikɛsu valé Moizi ’ka si lɛ sɔkɔn dɔna lo.

Bélidɔwesɛbɛ Fiézan 28:25

Gakelebale é dan zi nɔ lɛ ka nyanézannu lɛ léé, ’wo ka gyɛ; ka gozi é dan ye lɛ gulidanle wo va we ma, yé ka dazi ’ka dan ye lɛ lo; we lé é bɔ ka ma, é dan di kini lɛ tɛrɛ la bɛnnu faa gi.

Jozué 22:15

Wo go Rubɛnnu koo, Gadnu koo, Manasé bɛn lɛgɔnɔ do koo, wo va Galaad tɛrɛ la yé wo lé wo lɛ léé:

Jozué 7:12

Bɛwemalé wo ’ka bɔalɛ léé, wo dɔ wo nyanézannu ’lɛ lo; amalé wo nɔla ’wo zuozia ’wo nyanézannu lee; bale a é pale wo ma, ’bɛzama; fɛ lé wo bale pa a ma, dé wo ’ka a si lɛ ka méléna lo, maa ’ka dan kɛlɛ lɛ ka va é dɛrɛ lo.

Weblezannu 16:20

Yé é léé: Samsɔn, Filisitinu baa i ta! Yé é vuo yé é léé: Maa dan bɔra lɛ bélé é vinin zo, yé maa dan so lɛ wo lee. É ’ka a gi dɔɔ lɛ léé, Gakelebale si é va lo.