Mi Nɔnɔle 14:3 - Kazambale lé Sebe Sauunu 1979

³ Mɛmalé Gakelebale a a va léé, ’é go ko nya tɛrɛ ’ko ta yé wo ko gyɛ gwɔun nya, yé ko nanu valé kolé nénu é kɛlɛ gulizarafɛnu nyaa? Dé ko go ko pa gi Éjipiti tɛrɛ la, ’bɛ fila ’ka vɔ lɛ loo?

Mi Nɔnɔle 14:3 ပူးပေါင်းရင်းမြစ်များ

Néémi 9:17

Wo sɔn vɔ i lɛdɔmale ma, yé givuruwenu lé bé kɛlɛ wo lɛ, wo gi san wo ma. Wo ’wo bɔrɔ vɔɔ i nwiin, yé wolé nwale i ma gi, wo mi do dɔ wo nwiinzan nya, léé, ’wo go ’wolé luu gi é ziin. Naa, bii a Bale lé a ma ke é ’lɛrɛle mi ma we vole we ma, a nya; bii a mimawedɔɔzan valé nyanaizénzan nya. I bli ’ka flian é kele lo, ilé zin glɛ ’ka lo, yé i ’ka sɔn vɔ lɛ wo ma lo.

Lɛrɛvɔ Sɛbɛ 78:40

Dé wo nwa Bale ma nyéné saa lé fɛna gɔnɔ nɔɔ? Dé wo a ’léé gini bwi gi gɔnɔ nɔɔ?

Fwile 16:3

Izraɛl lé nénu lé wo lɛ léé: Bléyian va lé ko ke é nyanale wibɔ zi Éjipiti tɛrɛ la, ’té ko buru blé, ’té ko kaan, mɛmalé Gakelebale ’ka é bɛ kɛlɛ lɛ ko ma yé ko ga ’bɛ bléyi va loo? Naa, ka da ko nya nyéné lé fɛna ’ko, mi gu ’ko faa gyɛle lɔrɔ nya we gi.

Fwile 5:21

Wo lé wo lɛ léé: Gakelebale ’é ka ye ma, yé é a we ble ma. Ka ko gin dɔ Faraɔn valé é wuomunu nyé gi, yé ka gwɔun pa wo lee ko gyɛle we gi.

Jérémi 42:14

yé dé ka léé: Gba, ko ’ka dan vo lɛ tɛrɛ ’ko la lo, ko dan go lɛ Éjipiti tɛrɛ la, fɛana lé wo ’ka guli daan lo, ’té woo ’ka béli dére maan ’bɛna lo, yé fɛ ’ka vuruan mi ma ’bɛna lo, ’bɛna lé ko dan nyana lɛ.

Jérémi 42:19

’Kaa Juda munu lé ka vo ana, Gakelebale lé ka lɛ léé: Té ka go Éjipiti tɛrɛ la lo. Ka gi dɔɔ léé, maa a yi ga ka lee kyɔ.

Jérémi 9:3

Wo nɛnɛ a é ganale bélé sa zo, ’té woo vié vulian a nya. Dé wa plɛplɛ tɛrɛ ’ko la, ’té webozen‐an é wo dɔ plɛplɛ lo. Naa, woo goo we lɛrɛlɛrɛ kɛlɛle nya, ’té woo goo a kɛlɛle nya, ’Té wo ’ka an dɔɔa lo. Maa Gakelebale ɛ ke a fena.

Mi Nɔnɔle 11:20

naa, wo dan a ble lɛ fɔɔ moné do, fɔɔ yé wi ’ko é bɔra wo nyé gi, yé é nɔla wo ’léé. Maa Gakelebale lé é ke wo méléna, wo an vo ’wo bɛ zuo, azama; wo wuvɔ an lɛ, ’té wa fé léé, mɛmalé ’wo si Éjipiti tɛrɛ laa? azama.

Mi Nɔnɔle 16:13

I ko si tɛrɛ nyɔnɔzan ta, léé, ko ga bwi gi, ’bɛ ’ka i yuɛ gi bɔ lɛ loo? ’Té i a duowo é plale ko nwiin?

Mi Nɔnɔle 20:3

Munu we gini Moizi va. Wo léé: Bléyian va lé ko bwenu ga Gakelebale ’lɛ, é kɛlɛ kaa yé ko ’ka ga lɛ ’bɛ bléyi va loo?

Mi Nɔnɔle 21:5

yé wo we fe Gakelebale ma, yé wo we fe Moizi ma, yé wo léé: Mɛmalé ka ko si Éjipiti tɛrɛ la, léé, ko ga bwi la koo? Naa, fɛblele ’ka ana lo, yé ’yi ’ka ana lo, yé fɛ naané ’ko blele nɔla ko ’léé.

Kelewenu 7:39

Naa, é ’ka sɔ lɛ kaa tranu lɛ léé, wa lɛdɔma lo. Wo nwun zi dɔ a ta, yé wo bli nɔla Éjipiti tɛrɛ la zia é ziin,

Bélidɔwesɛbɛ Fiézan 1:39

Kalé né kiénénu lé ka wo mawe fe léé, wo dan kɛlɛ lɛ gulizarafɛnu nya, wo ɛ dan wɔra lɛ ana; ka benu lé wo ’ka wezin valé wenyané va sina dɔɔa tan lo, wo ɛ dan wɔra lɛ ana; maa dan a nɔ lɛ wo ɛ lɛ; é dan kɛlɛ wo ɛ zé nya.