Mi Nɔnɔle 14:24 - Kazambale lé Sebe Sauunu 1979

²⁴ Naa, an wuozan Kalɛb gi bli a é yɛrama, yé é tawo anlé zi ta tegele, amalé tɛrɛ lé é go a ta, maa dan a nyana lɛ ’bɛna, yé é dan kɛlɛ lɛ a kulunu zé nya.

Mi Nɔnɔle 14:24 ပူးပေါင်းရင်းမြစ်များ

Minwiinzannu lé Wezuofe Sɛbɛ 29:18

Gakelebale ko tranu Abraam koo, Izak koo, Izraɛl koo, wolé Bale, ’i bligiwe ’ko valé gibɔrɔle ’ko vo ilé munu bli gi yifaama, yé i wo dɔ gligli i va.

Minwiinzannu lé Wezuofe Sɛbɛ 29:9

Munu gi nana wolé blɛ drɔɔ kɛlɛle we ma, naa, wo bli zin nya lé wo blɛ ’konu kɛlɛ Gakelebale lɛ; yé minwiinzan blɛn David gi nana fɔɔ é vɔ a ma wu nya.

2 Minwiinmunu lé Wezuofe Sɛbɛ 25:2

É we tegele kɛlɛ Gakelebale yuɛ gi; naa, é ’ka a kɛlɛ lɛ é bli faa nya lo.

Lɛrɛvɔ Sɛbɛ 119:145

Maa i laan an bli faa nya; Gakelebale, bé zi pa an lɛ, Maalé i déretawe kɛlɛle we gi.

Lɛrɛvɔ Sɛbɛ 119:80

Té gun é vo an ma i déretawenu ma lo, Té yara an gyɛ lo we ma.

Wegɔnévɔlenu 23:26

An be, ’i bli nɔ an lɛ, anlé zinu ’é sɔ i lɛ ma.

Mi Nɔnɔle 13:30

Munu a gun gyɛna Moizi ma, yé Kalɛb wo tadɔ. Yé é léé: ’Ka nwa, kaa go tɛrɛ ’ko si; kaa dan kɛlɛ lɛ a ’wuovolɛzannu nya.

Mi Nɔnɔle 14:30

ka ’ka dan wɔra lɛ tɛrɛ lé ’ébo ’nyɔɔn léé, ka dan nyana lɛ a ta bɛ, a ta pelo; ’té dé é ’ka Jéfuné be Kalɛb valé Nɛn be Jozué nya lo.

Mi Nɔnɔle 26:65

Naa, Gakelebale a fe léé, wo faa é dan ga lɛ bwi gi; wo va mi do kpen ’ka dan vo lɛ lo, ’té dé é ’ka Jéfuné be Kalɛb valé Nɛn be Jozué nya lo, azama.

Kelewenu 11:23

É bɔ aan wo yé é Kazambale lé zin ye wo ta, a gi nana yé é we pla wo lɛ léé: ’Ka vo é yerele Mizan ma bli do nya.

Éfez munu 6:6

Té ka kɛlɛ wo yuɛ va saa na lo, bélé fɛan zo lé ka a kalé we kɛlɛna munu yuɛ va néné, a zo lo, naa, ’ka kɛlɛ bélé Krist wuomunu lé wo ke Kazambale lé blibɔmawe kɛlɛna wo bli faa nya, wo zo.

Bélidɔwesɛbɛ Fiézan 1:36

’té dé é ’ka Jéfuné be Kalɛb nya lo; é dan a ye lɛ, yé tɛrɛ lé é tawo a ta, maa dan a nɔ lɛ yee valé élé nénu lɛ; é maa, Gakelebale, dére tawe kɛlɛ tegelee, ’bɛzama.

Bélidɔwesɛbɛ Fiézan 6:5

’Ka Gakelebale, kalé Bale lɔrɔ pa, ka bli faa koo, kaboen faa koo, kalé plɛplɛ faa koo, wo nya.

Kolɔs munu 3:23

We faa lé ka kɛla, ’ka kɛlɛ ka bli faa nya, bélé fɛan zo lé ka a kɛlɛna Mizan lɛ, yé ka ’ka a kɛlɛna munu lɛ lo, a zo;