Mi Nɔnɔle 14:2 - Kazambale lé Sebe Sauunu 1979

² Izraɛlnu faa kun weblele ma Moizi valé Arɔn va, yé zén‐ékevamunu faa lé Moizinu lɛ léé: Dé ko ga kɔɔn Éjipiti tɛrɛ la, ’té ’bɛ a é zima. Yé dé ko ga kɔɔn bwi ’ko la, ’té ’bɛ a é zima.

Mi Nɔnɔle 14:2 ပူးပေါင်းရင်းမြစ်များ

1 Minwiinzannu 19:4

Yeebozen go bwi gi, yé é tawo yi do yé é nyana jénɛyili wuo yé é ga laa léé: ’Bɛ a é yi. Sin, Gakelebale, ’i an léli si, naa, an ’ka mini lɛ an tranu ta lo.

JOB (Job) 3:11

Mɛmalé an ’ka ga lɛ an bu bɔn gi loo? Mɛmalé an ’ka bɔra lɛ an lɛbole nya an bu bɔn‐in loo?

Lɛrɛvɔ Sɛbɛ 106:24

Yé tɛrɛ lé éé mi gi nanaan é baba, wa ye boatɛrɛ nya, Wo ’ka ’wo bli vo lɛ Gakelebale dére lɛ lo,

Lɛrɛvɔ Sɛbɛ 106:25

Wo gun gyɛ wolé sɔkɔnnu gi, Yé wo ’ka a dére lɛdɔ lɛ a ma lo.

Lɛrɛvɔ Sɛbɛ 106:45

Wolé we ma lé alé gipawe sele dɔ a gi; Alé zin blɛn yɛrama lé é nyanai zén wo ta.

Fwile 14:11

Wo lé Moizi lɛ léé: Mipana ’ka Éjipiti tɛrɛ la lo, bɛwemalé é a lé i da ko nya yé ko ga bwi gii? Mɛ lé bé kɛlɛ ko lɛ ko sile Éjipiti tɛrɛ la nya ’koo?

Fwile 15:24

Munu gun gyɛ Moizi ma yé wo léé: Mɛ lé ko dan a mini lɛɛ?

Fwile 17:3

Munu ana bɛ, ’té ’yiminilɔrɔ ’na wo ma yé wo gun gyɛ Moizi ma. Wo léé: Mɛmalé i ko si Éjipiti tɛrɛ la, ko koo, kolé nénu koo, kolé trubɛnu koo, ko gyɛle ’yiminilɔrɔ nya we gii?

Jonas 4:3

Sin, Gakelebale, ’i an si; naa, an gale fila vɔ é mini an vole é yuɛma ta.

Jonas 4:8

Yiri nwale nya, Gakelebale fu kyɛzan si yirinwanazia yé é gié. Yiri Jonas ’wuo gyɛ yé é dia yé é zɔrɔ. É gale ma laa, a fele nya léé: An gale fila vɔ é mini an vole é yuɛma ta.

Mi Nɔnɔle 11:1

Munu gun gyɛ, yé we ’ko ’ka sɔ lɛ Gakelebale lɛ lo. Gakelebale ’bɛ ’ma aan wo, a bli fli, yé é kyɛ bi wo méléna, yé é wolé fla san do ble.

Mi Nɔnɔle 11:15

Té i ’bɛ zoɛ we kɛlɛ an lɛ lo; a fila vɔ léé, i an gyɛ. Ilé zanté, dé maa i yuɛi bɔ, té maa anlé kle ’ko blena ye lo.

Mi Nɔnɔle 11:5

Pɔnu lé ko wo ble Éjipiti tɛrɛ la, ’té ko ’ka wo lɔ lɛ lo, wo koo, kɔn?-?kɔnbrɔ koo, mélɔn koo, pwaro koo, gyaba valé lae koo, wo sele a ko gi.

Mi Nɔnɔle 14:1

Zén‐ékevamunu ’wo dére nwa yé wo siaa plɛplɛ, yé wo tu kini wuvɔle nya.

Mi Nɔnɔle 14:22

Munu faa ’ko, wo anlé fuasan ye, é valé we blɛnblɛnnu lé maa a kɛlɛ Éjipiti tɛrɛ la valé bwi gi, wa ye; yé wo an gi dan tɛkɛ gɔnɔ vu, ’té wo ’ka ’wo tɔné dɔa an dére lɛ lo;

Mi Nɔnɔle 16:13

I ko si tɛrɛ nyɔnɔzan ta, léé, ko ga bwi gi, ’bɛ ’ka i yuɛ gi bɔ lɛ loo? ’Té i a duowo é plale ko nwiin?

Mi Nɔnɔle 16:41

’Bɛ é tu kini, Izraɛlmunu gun gyɛ Moizi valé Arɔn ma, a fele nya léé: Ka ɛ Gakelebale lé munu gyɛ.

Mi Nɔnɔle 17:6

Moizi we fe Izraɛlnu lɛ, yé wo nwiinzannu faa do do ’wolé tawomayili nɔ a lɛ, ’wo tranu lé kɔnnu yɛrama, minwiinzan do, tawomayili do, ’bɛ gi léé, tawomayili vu ta fié lé. Arɔn zé a wo va.

Mi Nɔnɔle 20:2

’Yi ’ka ana lo, amalé munu nwa Moizi valé Arɔn ma.

Mi Nɔnɔle 20:3

Munu we gini Moizi va. Wo léé: Bléyian va lé ko bwenu ga Gakelebale ’lɛ, é kɛlɛ kaa yé ko ’ka ga lɛ ’bɛ bléyi va loo?

Mi Nɔnɔle 20:4

Mɛmalé ka da Gakelebale lé munu nya bwi la ’ko, ko gale ana we ma, ko valé kolé trubɛnu nyaa?

Mi Nɔnɔle 21:5

yé wo we fe Gakelebale ma, yé wo we fe Moizi ma, yé wo léé: Mɛmalé ka ko si Éjipiti tɛrɛ la, léé, ko ga bwi la koo? Naa, fɛblele ’ka ana lo, yé ’yi ’ka ana lo, yé fɛ naané ’ko blele nɔla ko ’léé.

1 Korent munu 10:10

Té ka gun gyɛ lo, bélé fɛan zo lé wo va mi kenu gun gyɛ yé migyɛzan wo gyɛ, a zo lo.

Bélidɔwesɛbɛ Fiézan 1:27

Ka gun gyɛ kalé sɔkɔnnu gi, yé ka léé, ’wo za a Gakelebale gi, amalé é ’wo si Éjipiti tɛrɛ la, léé, ’é ’wo nɔ Amorénu lɛ, yé ’wo kulu ’é ga.

Bélidɔwesɛbɛ Fiézan 9:23

Gakelebale a a va léé, ka si Kadɛs‐Baanéa bléyian va, yé é lé ka lɛ léé, ’ka nwa, tɛrɛ lé ’é a nɔ ka lɛ, ’ka a si kazé nya, ’ka tɔné gi kɛlɛ plɛplɛ Gakelebale, kalé Bale dére ma, yé ka bli ’ka vo lɛ a lɛ lo, yé ka ’ka a dére lɛdɔ lɛ a ma lo.

Ébrunu 3:16

Wo lé wo nwa mi ma we ’male zuo, dé é ’ka munu faa lé wo si Éjipiti tɛrɛ la, ’té Moizi a wo ’lɛ, wo nya lo, ’té denu léé?

SEBE LÉ JUD A GYE (Épitre de Jude) 1:16

Wa gungyɛzannu nya; wa mi tidiannu lé woo tawoo ’wobo lé sɔlɛwe yɛrama, wo nya; dére blɛnblɛnnu a wo ’léé; woo munu ze vɔa gi la, tɔnɔfɛ yele we ma.