Mi Nɔnɔle 13:29 - Kazambale lé Sebe Sauunu 1979

²⁹ Amalɛk munu éé nyanaan yirinwana bɛyilazia. Étimunu koo, Jébusimunu koo, Amorémunu koo, woo nyanaan gɔ nwiin, yé Kanaanmunu éé nyanaan wɛyi sɔnɔ, é valé Juudɛn yuu bɛ fiénu ta.

Mi Nɔnɔle 13:29 ပူးပေါင်းရင်းမြစ်များ

Wepélisiananu 14:7

’Bɛ zuo wo nɔla, yé wo da é ziin An‐Misipat, ’té é ke Kadɛs nya, ana, yé wo Amalɛk munu gyɛ guli nya wo nyanana faa na, wo valé Amoré munu nya, ’té woo nyanaan Asasɔn‐Tamaa.

Néémi 9:8

Bii ɛ bli ye tegele i ’lɛ, i gipawe kɛlɛ a va, yé i blivolɛdére nɔ a lɛ, léé, tɛrɛ lé ke Kanaannu koo, Étinu koo, Amorénu koo, Férézinu koo, Jébusinu koo, Giigazinu koo, wozé nya, i dan a nɔ lɛ a kulu lɛ, yé i dɔ i dére ta, naa, i a tegele.

Lɛrɛvɔ Sɛbɛ 83:7

Édomnu valé Ismaɛlnu koo, Moabnu valé Agarénu koo,

Fwile 3:17

yé é léé, ’é dan ka fwi lɛ Éjipiti tɛrɛ la, fɛna lé ka ke nyané blena, ana, yé ’é go ka nya Kanaannu koo, Étinu koo, Amorénu koo, Férézinu koo, Éevinu koo, Jébusinu koo, wolé tɛrɛ la, tɛrɛ nyɔnɔzan ta.

Fwile 3:8

Maa zun wo sile Éjipiti munu lee we ma, wo sile tɛrɛ ’ko la yé ’wo go tɛrɛ blɛn zima ta we gi, wo gole tɛrɛ nyɔnɔzan ta we gi. Kanaannu koo, Étinu koo, Amorénu koo, Férézinu koo, Éévinu koo, Jébusinu koo, wa é nyanale tɛrɛ ’ko la.

Mi Nɔnɔle 13:17

Moizi wo nwunvɔ Kanaan tɛrɛ naginile we ma. É lé wo lɛ léé: ’Ka gié ’ko, yirinwana bɛyilazia, yé ’ka gɔ gié.

Mi Nɔnɔle 13:30

Munu a gun gyɛna Moizi ma, yé Kalɛb wo tadɔ. Yé é léé: ’Ka nwa, kaa go tɛrɛ ’ko si; kaa dan kɛlɛ lɛ a ’wuovolɛzannu nya.

Mi Nɔnɔle 14:25

Amalɛk munu valé Kanaan munu, wa é nyanale gɔ worona; tɛlɛ, ’ka diéra ka pa gi, yé ’ka go bwi gi, Wɛyi Sɔɔn vazia.

Mi Nɔnɔle 14:43

Naa, Amalɛk munu valé Kanaan munu ana ka ’lɛ, yé wo dan ka gyɛ lɛ gwɔun nya. Ka Gakelebale vo ka bɛ zuo, amalé Gakelebale ’ka dan kɛlɛ lɛ ka va pelo.

Mi Nɔnɔle 14:45

Yé Amalɛk munu valé Kanaan munu lé ke é nyanale gɔ ’konu nwiin, wo zun wo va. Wo wo gyɛ yé wo wo bɔi wo kurunu nya fɔɔ yé wo bɔ Ooma.

Mi Nɔnɔle 24:20

Balaam Amalɛk ye. É balelawe fe, yé é léé: Amalɛk a bɛn vininzan nya, Naa, é voéla a kulu é dan ga lɛ.

Bélidɔwesɛbɛ Fiézan 20:17

Étinu koo, Amorénu koo, Kanaannu koo, Férézinu koo, Éévinu koo, Jébusinu koo, ’ka munu ’ko gyɛ, Gakelebale, kalé Bale a fe ka lɛ fɛan zo, a zo.

Bélidɔwesɛbɛ Fiézan 7:1

Tɛrɛ lé ka dan a si lɛ kazé nya bɛ, dé Gakelebale kalé Bale ka bɔ ana, é dan bɛn kiɛre bin lɛ ka ’lɛ; bɛn lɛ sɔrafié lé wo blɛn mini ka lɛ, yé wolé plɛplɛ mini ka lɛ, woo lé; Étinu koo, Giigazinu koo, Amorénu koo, Kanaannu koo, Férézinu koo, Éévinu koo, Jébusinu koo, woo lé.

Jozué 10:5

Amorénu nwiinzan soru, Jérusalɛm koo, Ébrɔn koo, Jaamut koo, Lakis koo, Églɔn koo, wo nwiinzannu zén ékeva yé wo valé ’wolé sunyanu faa go; yé wolé sɔkɔnnu dɔ Gabaɔn sɔnɔ yé wo guli dan a va.

Jozué 10:6

Gabaɔn munu wo munu nwunvɔ Gilgal sɔkɔnnu a fɛana, ana, a fena Jozué lɛ léé: Té i wuozannu vo ’wo saa lo, ’i da ko va é kele, ’i ko so we lee yé ’i bɔ ko va; naa, Amorénu nwiinzannu faa lé wo ke é nyanale gɔ nwiin wo zén ékeva ko ma.

Jozué 3:10

Jozué léma: Bale yuɛmale a ka méléna, yé Kanaannu koo, Étinu koo, Éévinu koo, Férézinu koo, Giigazinu koo, Amorénu koo, Jébusinu koo, é dan wo bin lɛ ka ’lɛ; ka dan ’bɛ gi dɔɔ lɛ ’ko zo:

Jozué 5:1

Amorénu nwiinzannu faa lé wo ke é nyanale Juudɛn yuu zi yirivɔnazia, wo valé Kanaannu nwiinzannu faa lé wo ke é nyanale wɛyi sɔnɔ, wa ’ma aan wo léé, Gakelebale Juudɛn ’yinu kini ékema yé é tɛrɛ gale bɔra Izraɛl lé nénu lɛ fɔɔ yé wo faa gié, wo gi nyɛ kini yé wo fuu faa si wo ta Izraɛl lé nénu ’lɛ.

Jozué 9:1

Minwiinzannu faa lé ke Juudɛn bɛ ’ko la zia, gɔ nwiin koo, gɔ worona koo, wɛyi blɛn gɔ ma faa koo, fɔɔ é bɔ Liban sɔnɔ, Étinu koo, Amorénu koo, Kanaannu koo, Férézinu koo, Éévinu koo, Jébusinu koo, wo we ’konu ’ma aan wo, wo zén ékeva bli do nya gulidanle Izraɛl valé Jozué va we gi.

Weblezannu 3:5

Kanaannu koo, Étinu koo, Amorénu koo, Férézinu koo, Éévinu koo, Jébusinu koo, Izraɛl lé nénu a é nyanale wo va;

Weblezannu 6:3

Dé Izraɛl ’sa vɔ faa, Madian koo, Amalɛk koo, yirinwanazia munu koo, wo nwa yé wo da guli dan lɛ Izraɛl va.

1 Samuɛl 14:48

Élé plɛplɛ nagɔɔn, é Amalɛk kele, yé munu lé wo ’wiié Izraɛlnu ta, é Izraɛlnu si wo lee.

1 Samuɛl 27:8

David valé élé munu nwa yé wo go guli wɛɛ lɛ Gésuunu koo, Giizinu koo, Amalɛknu koo, wo va; naa bɛnnu ’ko a turu é kyɛn tɛrɛ ’ko la, é sia Sure bɛ do la fɔɔ yé é bɔ Éjipiti tɛrɛ la.

1 Samuɛl 30:1

A yi yaazan nya, dé David valé élé munu bɔ Siklag, ’té Amalɛknu da guli dan lɛ yirinwana bɛyilazia munu valé Siklag va. Lomu koo, gɔnénu faa lé ke ana koo, nunukénénénu valé mi segelenu koo, wo wo si luu nya yé wo Siklag guru zana a gi yé wa kyɛ ble. Wo ’ka mi do kpen gyɛ lɛ lo, naa, wo wo faa si yé wo go.

1 Samuɛl 7:14

Flanu lé Filisitinu wo si Izraɛl lee turu, wo faa kɛlɛ Izraɛl zé nya é ziin, é sia Ékrɔn fɔɔ yé é bɔ Gat, ’wo valé ’wolé tɛrɛnu. Izraɛl wo si Filisitinu lee gla nya. ’Té we ’ka Izraɛlnu valé Amorénu méléna lo.