Mi Nɔnɔle 13:27 - Kazambale lé Sebe Sauunu 1979

²⁷ Wo sina gle lé wa wo Moizi lɛ, yee lé ke ’ko: Ko go tɛrɛ lé i ko nwunvɔ ana, a ta. Webozen lé, é a tɛrɛ nyɔnɔzan nya. Ana fɛnu lé ke ’ko.

Mi Nɔnɔle 13:27 ပူးပေါင်းရင်းမြစ်များ

Néémi 9:25

Wo kɛlɛ fla plɛplɛnu valé fɛdɔtɛrɛ zin nwiinzannu nya; kɔnnu lé ke é fanle fɛ zin gɔnɔ faa nya, wa ye é pla; ’yigurunu koo, dɔrɔféinu koo, ɔliviféinu koo, porobaayili kiɛre koo, wa ye é pla. Wo fɛ ble yé wo kan yé wo bua, yé ilé zin blɛn gi wolé tɛrɛla kɛlɛ néné.

Fwile 13:5

Kanaan munu koo, Éti munu koo, Amoré munu koo, Éévi munu koo, Jébusinu koo, wolé tɛrɛ lé Gakelebale ébo ’nyɔɔn ka tranu lɛ léé, é dan a nɔ lɛ ka lɛ, dé ka wɔra yee tɛrɛ nyɔnɔzan ’ko ta, ka dan Gakelebale bɔ lɛ a bɔbɛ ’ko nya moné ’ko duo nya.

Fwile 3:17

yé é léé, ’é dan ka fwi lɛ Éjipiti tɛrɛ la, fɛna lé ka ke nyané blena, ana, yé ’é go ka nya Kanaannu koo, Étinu koo, Amorénu koo, Férézinu koo, Éevinu koo, Jébusinu koo, wolé tɛrɛ la, tɛrɛ nyɔnɔzan ta.

Fwile 3:8

Maa zun wo sile Éjipiti munu lee we ma, wo sile tɛrɛ ’ko la yé ’wo go tɛrɛ blɛn zima ta we gi, wo gole tɛrɛ nyɔnɔzan ta we gi. Kanaannu koo, Étinu koo, Amorénu koo, Férézinu koo, Éévinu koo, Jébusinu koo, wa é nyanale tɛrɛ ’ko la.

Fwile 33:3

’I go tɛrɛnyɔnɔzan na zia. Naa, maa ’ka dan go lɛ ka va lo, dé maa da ka guru zana a gi zia, ka a wemaplɛplɛzannu nya, azama.

Jérémi 11:5

Anbo kundére lé maa a fe ka tranu lɛ, maa dan a lɛ sɔɔ lɛ; maa léé, maa dan tɛrɛ nyɔnɔzan nɔ lɛ wo lɛ bélé ka yé kyɔ fɛan zo, a zo. Yé maa a zi pa léé: Gakelebale, amɛɛn!

Jérémi 32:22

I tɛrɛ ’ko nɔ wo lɛ, tɛrɛ lé ibo ’nyɔɔn léé, i dan a nɔ lɛ wo tranu lɛ, yee lé, tɛrɛ nyɔnɔzan lé.

Ézékiɛl 20:15

Maa anbo ’nyɔɔn an bɛ nwale nya bwi gi léé, maa ’ka dan go lɛ wo nya tɛrɛ lé maa si a va wozé nya bɛ, a ta lo; tɛrɛ nyɔnɔzan lé é ke é zima é mini tɛrɛnu faa ta, yee lé.

Ézékiɛl 20:6

’Bɛ yi la, maa anbo ’nyɔɔn an bɛ nwale nya léé, maa dan wo si lɛ Éjipiti tɛrɛ la yé ’an go wo nya tɛrɛ do lé maa a si a va wozé nya, a ta; tɛrɛ nyɔnɔzan lé ke é zima é mini tɛrɛnu faa ta, yee lé.

Lévinu 20:24

Maa a fe ka lɛ léé, wolé tɛrɛ é dan kɛlɛ lɛ kazé nya; maa dan a nɔ lɛ ka lɛ kazé nya; é a tɛrɛ nyɔnɔzan nya. Maa a Gakelebale, kalé Bale lé é ka valé bɛnnu kini ékema, a nya.

Mi Nɔnɔle 14:7

Yé wo we fe Izraɛlnu faa lé wo zén ékeva, wo lɛ, yé wo léé: Tɛrɛ lé ko gié a naginile nya, é a tɛrɛ zin baba nya.

Mi Nɔnɔle 14:8

Dé Gakelebale bɔ ko va, é dan go lɛ ko nya tɛrɛ ’ko ta, yé é dan a nɔ lɛ ko lɛ; é a tɛrɛ nyɔnɔzan nya.

Mi Nɔnɔle 16:13

I ko si tɛrɛ nyɔnɔzan ta, léé, ko ga bwi gi, ’bɛ ’ka i yuɛ gi bɔ lɛ loo? ’Té i a duowo é plale ko nwiin?

Mi Nɔnɔle 16:14

I ’ka go lɛ ko nya tɛrɛ nyɔnɔzan ta lo; i ’ka féinu valé dɔrɔféinu nɔ lɛ ko lɛ lo. É a i gi léé, i munu ’ko yuɛ ’wii é woo? Ko ’ka gona lo.

Bélidɔwesɛbɛ Fiézan 11:9

yé ka bɔalɛ léé, ka mɔn, tɛrɛ lé Gakelebale a fe ka tranu lɛ ébo ’nyɔɔnle nya léé, é dan a nɔ lɛ wo valé wo kulunu lɛ, a ta; é a tɛrɛ nyɔnɔzan nya.

Bélidɔwesɛbɛ Fiézan 26:9

É da ko nya fɛkona, yé é tɛrɛ nyɔnɔzan ’ko nɔ ko lɛ.

Bélidɔwesɛbɛ Fiézan 27:3

’Ka bélidɔwe ’konu faa gyɛ gɔlɛ ’konu ta, ’té dé ka Juudɛn yuu kini yé ka bɔ tɛrɛ lé Gakelebale, kalé Bale a nɔ ka lɛ, a ta, Gakelebale ka tranu lé Bale a fe ka lɛ fɛan zo, a zo. Tɛrɛ ’ko a tɛrɛ nyɔnɔzan nya.

Bélidɔwesɛbɛ Fiézan 31:20

Naa, an dan go lɛ munu ’konu nya tɛrɛ lé maa anbo ’nyɔɔn wo tranu lɛ léé, maa dan a nɔ lɛ wo lɛ, a ta. Tɛrɛ nyɔnɔzan lé. Wo dan fɛ ble lɛ, wo dan kan lɛ, wo dan bua lɛ. ’Bɛ zuo wo dan nɔla lɛ yé wo go bale bɛnu zuo, ’té woo wo bɔa; wo dan ’wo lɔlu plɛn lɛ an ma, yé wo dan anlé gipawe sɛrɛ lɛ;

Bélidɔwesɛbɛ Fiézan 6:3

Amalé, Izraɛl munu, ’ka tɔné dɔ wo lɛ, yé ’ka wo ta tawo é zima, ka gi nanale valé ka fanle we ma, Gakelebale, ka tranu lé Bale a fe fɛan zo, a zo, ’té é a fe é wo léé, é dan tɛrɛ nyɔnɔzan nɔ lɛ ka lɛ bɛ.

Jozué 5:6

Naa, Izraɛlnu tawo lɛɛ yɔ fié nyéné saa lé fɛna, fɔɔ yé gulidanmunu faa lé wo si Éjipiti, ’té wo ’ka Gakelebale dére lɛdɔ lɛ a ma lo, wo ga; tɛrɛnyɔnɔzan lé, Gakelebale ébo ’nyɔɔn wo tinu lɛ léé, é dan a nɔ lɛ ko lɛ bɛ, Gakelebale ébo ’nyɔɔn wo lɛ léé, wo ’ka dan a ye lɛ lo.