Mi Nɔnɔle 13:26 - Kazambale lé Sebe Sauunu 1979

²⁶ Wo bɔ aan wo, wo da Moizi valé Arɔn va, woo valé Izraɛlnu faa lé é ke é zénle ékeva Kadɛs lé ke Paran bwi la ana bɛ, wo va. Wo ’wo sina glewo wo lɛ, woo valé zén‐ékevamunu faa lɛ, yé wo tɛrɛ ’ko la fɛnu nagɔɔn wo lɛ.

Mi Nɔnɔle 13:26 ပူးပေါင်းရင်းမြစ်များ

Wepélisiananu 14:7

’Bɛ zuo wo nɔla, yé wo da é ziin An‐Misipat, ’té é ke Kadɛs nya, ana, yé wo Amalɛk munu gyɛ guli nya wo nyanana faa na, wo valé Amoré munu nya, ’té woo nyanaan Asasɔn‐Tamaa.

Lɛrɛvɔ Sɛbɛ 29:8

Gakelebale dére éé nyéné saa lé fɛna manyɔɔn‐an; Gakelebale déré Kadɛs bwi ma nyɔɔn.

Mi Nɔnɔle 13:25

Wo vo tɛrɛ naginina yi yɔ fié wuo, yé wo nɔla wo pa gi.

Mi Nɔnɔle 13:3

Moizi wo nwunvɔ léé, ’wo si Paran bwi la yé ’wo go Kanaan tɛrɛ la Gakelebale dére ta; munu ’konu faa a mi nwiinzannu nya.

Mi Nɔnɔle 20:1

Izraɛlnu faa bɔ Tisɛn bwi la moné vininzan nya, yé munu dɔ Kadɛs. Fɛkona lé Mari ga yé wa pa.

Mi Nɔnɔle 20:14

Wa Kadɛs bléyian va, Moizi munu nwunvɔ Édom minwiinzan blɛn va, a fele a lɛ we gi léé: I bwe Izraɛl léma: Nyané faa lé ko a ble, bé gi dɔɔ.

Mi Nɔnɔle 20:16

Ko siaa Gakelebale lɛ, yé é ko dére ’ma. É lanje do pa ko lɛ zia, yé ’bɛ ko si Éjipiti tɛrɛ la. Yé bé ye, ko bɔ Kadɛs, ilé tɛrɛ glɛ la.

Mi Nɔnɔle 32:8

Ko a Kadɛs‐Baanéa bléyian va, yé maa ka tinu nwunvɔ léé, ’wo go tɛrɛ nagini, a zo lé wa kɛlɛ ’ko zo.

Mi Nɔnɔle 32:9

Wo go fɔɔ pɛnguru lé wa laama Esikɔl, ana, yé wolé tɛrɛ naginile zuo, wo Izraɛlnu fuu si wo ta, wo gole tɛrɛ lé Gakelebale a nɔ wo lɛ, a ta we ma.

Mi Nɔnɔle 33:36

Wo si Esijɔn‐Gébɛɛ yé wo yii Tisɛn bwi la, yee lé ke Kadɛs nya.

Bélidɔwesɛbɛ Fiézan 1:19

Ko si Orɛb, yé bwi blɛn lé a ta éé kana zén‐é mi gi, ’té ka a ye ’ko, ko gié ana fɛfaana; ko Amorénu lé gɔ ma zi sia, Gakelebale, kolé Bale a fe ko lɛ fɛan zo, a zo, yé ko bɔ Kadɛs‐Baanéa.

Bélidɔwesɛbɛ Fiézan 1:2

Dé wo si Orɛb yé wo gié Séii gɔ lé zi ta yé wo bɔ Kadɛs‐Baanéa, wo tawo yi vu ta do.

Jozué 14:6

Juda benu da Jozué va Gilgal; yé Kénizizan Jéfuné be Kalɛb lé a lɛ léé: Maa valé bii lé we lé Gakelebale a fe Bale lé mi Moizi lɛ Kadɛs‐Baanéa, bé gi dɔɔ.

Jozué 14:7

Bléyian va lé ko a Kadɛs‐Baanéa yé Gakelebale wuozan Moizi maa nwunvɔ tɛrɛ naginile we ma, ’té an lɛɛ a yɔ fié, yé maa tɛrɛ lé we zuo fe a lɛ bli tegele nya.