Mi Nɔnɔle 12:6 - Kazambale lé Sebe Sauunu 1979

⁶ Yé é léé: ’Ka tɔné dɔ an dére lɛ é zima. Dé balelayezan kɛlɛ ka méléna, maa, Gakelebale, maa dan anbozen nagɔɔn lɛ ’bɛzan lɛ yuɛzi gi, maa dan we fe lɛ a lɛ nyɛ fla.

Mi Nɔnɔle 12:6 ပူးပေါင်းရင်းမြစ်များ

Wepélisiananu 15:1

We ’konu bɔle zuo, Gakelebale we fe Abram lɛ yuɛzi gi, yé é léé: Abram, té i kana pelo. Maa a i takuunfɛ nya, yé maa dan i gooli pa lɛ blɛn.

Wepélisiananu 20:7

Sin, ’i lezan nɔ gɔnézan ’ko lɛ é pai; naa, é a balelayezan nya yé é dan bazoro lɛ i tɔ ma yé i dan béli lɛ. Naa, ’i we ’ko gi dɔɔ ma: dé i ’ka a nɔ lɛ lo, i dan ga lɛ, bii valé ilé munu faa nya.

Wepélisiananu 28:12

Yé é nyɛ gyɛ, yé bé ye, kɔngiémayili do ana; a péli a é dɔrale tɛrɛ la yé a ’wuo zun la ma; ’té Kazambale lé lanjenu woo giéma, ’té woo zunwo yee kɔngiémayili ma.

Wepélisiananu 28:16

Jakɔb vuo yi fla yé é léé: Wezen lé, Gakelebale a fɛkona yé maa ’ka a gi dɔɔ lɛ lo.

Wepélisiananu 37:5

Jozɛfu nyɛ gyɛ yé é a zuo fe é bwenu lɛ. Yé a za kɛlɛ wo bli gi blɛn é mini é vinin ta.

Wepélisiananu 37:9

Yé é nyɛ do gyɛ é ziin yé é a zuo fe é bwenu lɛ. É léé: An nyɛ do gyɛ é ziin. Yiri koo, moné koo, monéné vu ta do koo, wo dia ’wo bli la an ’lɛ.

Wepélisiananu 46:2

Kazambale we fe Izraɛl lɛ nyɛ fla é béli yé é léé: Jakɔb! Jakɔb! Izraɛl lé a lɛ léé: Maa lo.

2 Samuɛl 7:4

’Bɛ é béli, Gakelebale é dére fe Natan lɛ léé:

1 Minwiinzannu 3:15

Salomɔn vuo. ’Bɛ zo lé é nyɛ gyɛ. Salomɔn da Jérusalɛm é ziin yé é go Gakelebale lé gipawe pagikɛsu ’lɛ. Balebanwi lé wa kyɛ blé, é ’bɛ valé bɔvɔ sarakanu bo, yé é fɛti kɛlɛ é wuozannu faa lɛ.

1 Minwiinzannu 3:5

Gakelebale da Salomɔn va nyɛ fla é béli Gabaɔn, yé Bale lé a lɛ léé: Wean sɔ i lɛ léé, maa a kɛlɛ i lɛ, bé laa an lee.

JOB (Job) 33:15

Éé we ke fé nyɛ fla, yé éé we ke fé yuɛzi gi é béli, Bléyian va lé munu a yigyɛna ’wo yialafɛ ta, ’Té yi go wo nya baa, ’bɛ bléyi va lé éé we fé wo lɛ.

JOB (Job) 4:13

Bléyian va lé yuɛziwe éé dan munu va, yé ’é dɔ wo ta, Bléyian va lé yi éé goo mi nya baa,

Lɛrɛvɔ Sɛbɛ 105:15

Yé é léé: Té ka bɛ mane munu lé an nyɔnɔ zén wo nwiin, wo ma lo, Té ka wenaané bɔ anlé balelayemunu ma lo.

Lɛrɛvɔ Sɛbɛ 89:19

Naa, Gakelebale a ko takuunzan nya, Izraɛl lé Mi Sauun a ko nwiinzan blɛn nya.

Fwile 7:1

Gakelebale lé Moizi lɛ léé: Maa i kɛlɛ Bale nya Faraɔn lɛ; yé i bwe Arɔn é dan kɛlɛ lɛ ilé balelayezan nya.

Jérémi 23:25

Balelayezannu lé woo balelawe fé vié nya an tɔ gi, we lé wa fe, maa ’ma. Wo léma: Maa nyɛ do gyɛ, maa nyɛ do gyɛ.

Jérémi 23:28

Balelayezan lé é nyɛ gyɛ, ’élé nyɛ gi fe ma, yé mian é an dére ’ma, ’é a gi fe yarapalale nya ma. Mɛmalé ka ’sapɛɛ valé ’sawɔlɛ vɔɔ?-?aan? Maa Gakelebale ɛ ke a fena.

Ézékiɛl 1:1

A lɛɛ yɔ do wɔlɛ vuzan lé moné ziɛnzan lé yi soruzan nya, ’té maa a luugimunu va mi do nya Kébaa yuu sɔnɔ. La lɛ so an lɛ, yé yuɛzi wenu si Bale va yé maa a ye.

Daniɛl 10:8

An vo an do yé an yuɛziwe blɛn ’ko ye. An fuu faa si an ta, an yara sɛrɛ, yé anlé plɛplɛ faa si an lee.

Daniɛl 2:19

Bale yee we yɔɔleo nagɔɔn Daniɛl lɛ yuɛzi gi é béli. Yé Daniɛl lanu lé Bale drɔɔ vo.

Daniɛl 7:1

Babilɔn minwiinzan blɛn Bɛlsasaa plale mi nwiin lɛɛ vininzan nya, Daniɛl nyɛ gyɛ yé é yuɛziwenu ye, ’té é a é yiale. ’Bɛ zuo yé é yee nyɛ gyɛ sɛbɛ ta, yé é a va we blɛnnu zuo fe.

Daniɛl 8:2

Maa yuɛziwe ’ko ye bléyian va, ’té é a bélé maa a Élam tɛrɛ la fla blɛn lé wa laama Suz, a ta. Anlé yuɛzi gi, ’té maa a Ulai yuu sɔnɔ.

OZÉ (Osée) 12:11

Maa we fe balelayezannu lɔlu nya; maa yuɛziwe kiɛre kiɛre gɔɔn ka lɛ, yé maa wegɔné vɔ ka lɛ balelayezannu lɔlu nya.

Joɛl 3:1

Naa, ka ye, ’bɛ yinu la, ’bɛ bléyi va, Juda munu valé Jérusalɛm munu lé wo go wo nya luu gi, dé an da wo nya wo pa gi,

Zakari 1:8

Maa nagini é béli, ’té mi do a wisoo kanakana ta, ’té é a é dɔle miiteyilinu méléna furɔ va; ’té wisoo kanakananu koo, a gbamblɛnu koo, a funu koo, ’té wa zuo.

Mi Nɔnɔle 24:4

Mian éé Bale dére maan, ’Té éé Plɛplɛfaazanbale lé yuɛzi yé, a dére lo. Mi lé é dia é bli la, ’té a yuɛ a é fuole, a dére lo.

Matio 1:20

É a é gi bɔrɔna we ’ko ma aan wo, Mizambale lé lanje do bɔra a va nyɛ fla yé é léé: David gɔnɔlazan Jozɛfu, té i kana i bwɛ Mari sile ma lo, naa, né lé é a bɔn si bɛ, é si Léli Sauun va.

Matio 2:19

Érɔd ga aan wo, Mizambale lé lanje do bɔra Jozɛfu va nyɛ fla Éjipiti tɛrɛ la,

Matio 23:31

’Bɛ zo lé ka kɛlɛ kabo lé wenayezannu nya léé, ka a balelayemunu gyɛzannu kululazannu nya.

Matio 23:34

Bɛwemalé, balelayezannu koo, wedɔɔzannu koo, sɛbɛgifemunu koo, maa wo paan ka lɛ zia. Ka dan wo va mi kenu gyɛ lɛ, ka dan wo va mi kenu gyɛ lɛ yili la, ka dan a kenu bla lɛ plén nya kalé bazorokɔnnu gi, yé ka dan nyané pa lɛ wo ta yé wo ’ka dan flinna ye lɛ ka lee fla do kpen ta lo,

Matio 23:37

Jérusalɛm munuoo, Jérusalɛm munu, ka lé ka balelayemunu gya, ’té munu lé maa wo paan ka lɛ zia, ka wo gya gɔlɛ nya, gɔnɔ kiɛre nya maa a a va léé, maa ka wɔra an va, bélé fɛan zo lé mane tina élé nénu wɔraan ’é bɛa wuo, a zo, yé ka ’ka a nyi si lɛ lo.

Matio 27:19

É a é nyanale fɛana lé woo we blé, ana, yé a na we do pa a lɛ zia léé: Té i wɔra mi tegele ’ko lé we gi lo. Kyɔ an nyané ble é baba nyɛ fla alé we ma.

WENÉNÉ LÉ LUK A GYE (Évangile selon Luc) 1:11

Yé Mizambale lé lanje do bɔra Zakari yuɛ va yé é dɔ fɛana lé lasikɔrɔ kyɛ éé blé, ana bɛyilazia.

WENÉNÉ LÉ LUK A GYE (Évangile selon Luc) 1:22

É bɔra aan wo é ’ka bɔa wefele lɛ wo lɛ lo, yé wa gi dɔɔ léé, é fɛ ye yuɛ zi gi Balebangikɔn gi. É we fe wo lɛ tɔmase saa nya é bɛ nya, yé é ko bobogyɛzan nya.

WENÉNÉ LÉ LUK A GYE (Évangile selon Luc) 20:6

Munu faa éé Jan yé balelayezan nya, bɛwemalé dé ko fe léé, munu ɛ nwunvɔ, munu faa é dan ko gyɛ lɛ gɔlɛ nya.

Kelewenu 10:11

É la lɛ ye é sole yé fɛ do lé é ke bélé sɔ blɛn zo é yerele é sun ziɛn ma, é zun yé é tua tɛrɛ vazia.

Kelewenu 10:17

Fɛ lé Piɛri a ye yuɛzi gi, bléyian va lé é a é gi bɔrɔna a ma léé, dé a gi lé nɔɔ? ’té munu lé Kɔɔnéi wo nwunvɔ, ’té wo Simɔn lé kɔn ma laa kɔɔn, ’té wo bɔ kɔn ’léé.

Éfez munu 4:11

Alé blɛnu lé ke ’ko: é mi kenu kɛlɛ nwunvɔmunu nya; é a kenu kɛlɛ Balelayemunu nya; é a kenu kɛlɛ wenéné fezannu nya; é a kenu kɛlɛ léglizigimunu pazannu valé wepaamigizannu nya,

Bélidɔwesɛbɛ Fiézan 18:15

Gakelebale, kalé Bale é dan balelayezan do nwa lɛ ka bwenu méléna bélé maa zo; ’ka tɔné dɔ ’bɛ lɛ.

Bélidɔwesɛbɛ Fiézan 18:18

É léé, ’é dan balelayezan do nwa lɛ ka lɛ ka bwenu méléna bélé maa zo, ’é dan ’é dére pa lɛ ’bɛ ’léé, yé we faa lé ’é a fé ’bɛ lɛ, ’bɛ é dan a fe lɛ ka lɛ.

Ébrunu 1:1

É kyɛn Kazambale we fe kaa tranu lɛ gɔnɔ kiɛre valé bɛ kiɛre ma, balelayemunu lɔlu nya.

Wegɔɔnle 11:10

Wolé we ma lé tɛrɛlamunu é dan zana gyɛ lɛ yé wo gi é dan nana lɛ; yé wo dan blannu pa lɛ ’wo ke lɛ zia; balelayezan fié ’ko, wo nyané pa tɛrɛlamunu ta, azama.

Wegɔɔnle 11:3

Maa dan balelawe fele se kɛlɛ lɛ anlé wenayezannu fié lɛ ’yi wuru suiɛdo yi yɔ yaa, ’té bɔlɔ a wo ta sɔ nya.

1 Samuɛl 28:6

Saul we laa Gakelebale lee; yé dé é a nyɛ fla nyaoo, dé é a urim nyaoo, dé é a balelayezannu nyaoo, Gakelebale ’ka a zi pa lɛ ’bɛ do nya lo.

1 Samuɛl 3:15

Samuɛl vo é yiale fɔɔ bladi, a zuo é Gakelebale lé kɔn lɛnu so. Samuɛl kana yuɛziwe gi fele ma Éli lɛ.

1 Samuɛl 3:21

Gakelebale vo dana Silo; naa, Gakelebale ébo nagɔɔn Samuɛl lɛ Silo, Gakelebale dére nya.