Mi Nɔnɔle 11:23 - Kazambale lé Sebe Sauunu 1979

²³ Yé Gakelebale a zi pa Moizi lɛ léé: Maa, Gakelebale bɛ ’ka é wo sɔa a nya loo? Wean maa a fe, dé é dan kɛlɛ lɛɛ? dé é ’ka dan kɛlɛ lɛ loo? i dan a ye lɛ sin.

Mi Nɔnɔle 11:23 ပူးပေါင်းရင်းမြစ်များ

Wepélisiananu 18:14

Gakelebale kelewe aa? Bléyi lé maa a dɔ, maa dan da lɛ ’bɛ bléyi nya i va, bléyi ’ko bɛ nya, lɛɛ bɛ gi, yé Sara é dan né yaa lɛ gɔné nya.

2 Minwiinzannu 4:43

A wuozan a zi pa léé: Maa kɛla kaa yé maa a nɔ mi yɔ soru lɛɛ? Naa Élizé léé: Bé nɔ munu ’konu lɛ, ’wa ble; naa, Gakelebale léma: Wo dan a ble lɛ yé a ke é dan vo lɛ.

2 Minwiinzannu 7:2

Minwiinzan blɛn lé mi blɛn lé é tɛn a ma, é a zi pa Bale lé mi lɛ léé: Dé Gakelebale la lɛ sooo, ’bɛ zo we é bɔa kɛlɛle lɛɛ? Yé Élizé léé: I dan a ye lɛ i yuɛ nya; naa, i ’ka dan a ble lɛ lo.

Lɛrɛvɔ Sɛbɛ 78:41

Wo ’ka daan lɛ Bale gi danle ma lo, Wo ’ka daan lɛ zɛn vɔle ma Izraɛl lé Mi Sauun lɛ lo.

Fwile 6:1

Gakelebale lé Moizi lɛ léé: We lé maa dan a kɛlɛ lɛ Faraɔn lɛ, i dan a ye lɛ sin; an bɛ plɛplɛ ma lé é dan daan lɛ Izraɛl munu ma; an bɛ plɛplɛ ma lé é dan wo bin lɛ é boan élé tɛrɛ la.

Ézai 50:2

An da, mɛmalé mi do kpen ’ka an si lɛ zia loo? An mi laa, mɛmalé mi do kpen ’ka we lɛ loo? An bɛ ’ka sɔa mi tabole nya loo? Plɛplɛ ’ka an lee yé maa mi so we lee loo? An bon‐ɛn‐an wɛyi nya yé é béli, Maa yuunu kɛla nyéné’saa nya; ’Yi ’ka lo, amalé wo va pɔnu é zamaga wo ’yiminilɔrɔ nya, Yé wo vɔn.

Ézai 59:1

Gakelebale bɛ éé sɔa ka sile we gi nya; a tɔné ’ka é ’wiile yé é ’ka we ’ma lo lo.

Jérémi 14:9

Mɛmalé kwa vɔ i lɔlu la a zoo? Bii lé i ke nyanazan nya, mɛmalé i ’ka bɔa ko sile lɛ we gi loo? Naa, Gakelebale, bii a ko méléna duowo, Yé woo i tɔ laama ko ma; Té i sɔn vɔ ko ma lo.

Jérémi 32:17

Aa, Mizan Gakelebale, bé ye, i lanu valé tɛrɛ kɛlɛ ilé plɛplɛ blɛn valé i bɛ plɛplɛ nya; i givuruwe do kpen ’ka lo.

Jérémi 32:27

Bé ye, maa a Gakelebale, munu faa lé Bale nya; an kelewe aa?

Ézékiɛl 12:25

Naa, maa Gakelebale, maa dan we fe lɛ yé we lé maa dan a fe lɛ, a lɛ é dan sɔɔ lɛ. Ana ’ka dan mɔn lɛ é dɛrɛ lo; iin, tɔnégiplɛplɛzannu, kazé yinu nya maa dan dére do fe lɛ yé maa dan a lɛ sɔɔ lɛ. Yee lé Mizan Gakelebale a fe.

Ézékiɛl 24:14

Maa Gakelebale, maa ɛ fe; we ’ko é dan bɔ lɛ yé maa dan a lɛ sɔɔ lɛ. Maa ’ka dan gyɛ lɛ an zuo lo. An nyanai ’ka dan zén lɛ i ta yé an bli nɔla lo. Wo dan ilé we ble lɛ ilé tawobɛ valé i kɛlɛwenu yɛrama. Yee lé Mizan Gakelebale a fe.

Daniɛl 6:20

É bɔ aan wo guru sɔnɔ, é Daniɛl laa dunuvɔmadére nya. Minwiinzan blɛn lé Daniɛl lɛ léé: Daniɛl, Bale yuɛmale wuozan! Ilé Bale lé bé bɔa yarapalale nya bɛ, é bɔ i sile lɛ golizranu lee?

Misé 2:7

Jakɔb lé munu, é sɔ ka lɛ léé, ka we fe ’bɛ zoo? Gakelebale bli éé flian é kelee? Alé we kɛlɛbɛ lé ke bɛɛ? Dé mi lé we a é drɔle, an dére ’ka néné azé nya loo?

Mi Nɔnɔle 11:22

Dé wo dan ’blanu valé dirinu bɔrɔ bo lɛ yé ’bɛ é wo kaan? taa, dé wo dan wɛyi va pɔnu faa zén lɛ ékeva yé ’bɛ é wo kaan?

Mi Nɔnɔle 23:19

Bale ’ka mi nya yé é vié wo lo. É ’ka blami be nya yé a bli éé nɔlaan lo. É wean fe ’naan, é ’ka dan a kɛlɛ lɛ loo? É wean lɛ kini ’naan, é ’ka dan a lɛ sɔɔ lɛ loo?

Matio 19:26

Jézu wo nagini yé é lé wo lɛ léé: Munu ’ka bɔa a kɛlɛle lɛ lo, naa, Kazambale ɛ bɔa we faa kɛlɛle lɛ.

Matio 24:35

La valé tɛrɛ é dan gié lɛ, naa, an dérenu ’ka dan gié lɛ monomono lo.

WENÉNÉ LÉ LUK A GYE (Évangile selon Luc) 1:37

Naa, we do kɛlɛle ’ka Kazambale keleé lo.