Mi Nɔnɔle 11:20 - Kazambale lé Sebe Sauunu 1979

²⁰ naa, wo dan a ble lɛ fɔɔ moné do, fɔɔ yé wi ’ko é bɔra wo nyé gi, yé é nɔla wo ’léé. Maa Gakelebale lé é ke wo méléna, wo an vo ’wo bɛ zuo, azama; wo wuvɔ an lɛ, ’té wa fé léé, mɛmalé ’wo si Éjipiti tɛrɛ laa? azama.

Mi Nɔnɔle 11:20 ပူးပေါင်းရင်းမြစ်များ

2 Samuɛl 12:10

Sin, i sɔn vɔ an ma, yé i Éti mi Uri na si i na nya, amalé gwɔun ’ka dan si lɛ ilé kɔn ma monomono lo.

Lɛrɛvɔ Sɛbɛ 106:15

Woo wean ma laan a lee, é a kɛlɛ wo lɛ, Naa, é kwéé gyɛ vɔ wo ma.

Fwile 16:13

Nyanadi bléyi va, sawɛnu da yé wo sɔkɔndɔna tɛrɛ ta sɔɔla; yé bladi, tɛrɛ fli vɔ sɔkɔndɔna zi.

Fwile 16:3

Izraɛl lé nénu lé wo lɛ léé: Bléyian va lé ko ke é nyanale wibɔ zi Éjipiti tɛrɛ la, ’té ko buru blé, ’té ko kaan, mɛmalé Gakelebale ’ka é bɛ kɛlɛ lɛ ko ma yé ko ga ’bɛ bléyi va loo? Naa, ka da ko nya nyéné lé fɛna ’ko, mi gu ’ko faa gyɛle lɔrɔ nya we gi.

Fwile 16:8

Moizi léé: Gakelebale é dan wi nɔ lɛ ka lɛ é nyanadi ’ko, yé tɛlɛ bladi ka dan kan lɛ buru nya, gun lé ka a gyɛ Gakelebale ma, é a ’ma, ’bɛzama; naa, ko a de ɛ nyaa? Ko ma‐an ka gun gyɛ lo, Gakelebale ma lé ka kɛlɛ.

Wegɔnévɔlenu 27:7

Mi lé é kan, éé sɔn vɔa zɔrɔyoduo blele ma, naa, mi lé lɔrɔ ke a gyɛna, fɛ nyanale faa a a ’léé néné.

Malasi 1:6

Gakelebale we fe ’kaa Balebanzannu lɛ léé: Né é é ti lɛdɔama, yé mi leezan é ézan lɛdɔama. Dé maa a ka ti nya, kalé an lɛdɔmale a kyɛɛn? Dé maa a kazan nya, kalé kanale an lee a kyɛɛn? ’Kaa Balebanzannu, ka nyé yéli an tɔ ma yé ka léé: Ko nyé yéli i tɔ ma kaa?

Mi Nɔnɔle 11:13

Dé ’bɛ kaan lo, maa wi yé kyɛn, yé maa nɔ munu ’konu faa lɛɛ? Naa, wa wuvɔna an ma, ’té wa fé léé, ’i wi nɔ ’wo lɛ, ’wa ble.

Mi Nɔnɔle 11:19

Wo dan a ble lɛ, yi do kaan lo, yi fié kaan lo, yi soru kaan lo, yi vu kaan lo, yi yɔ do kaan lo,

Mi Nɔnɔle 11:21

Moizi léé: Munu lé maa ke wo méléna ’ko, wa ganelami baa wuru do yɔ soru yé bii léé, ’é dan moné do wi blele nɔ lɛ wo lɛɛ?

Mi Nɔnɔle 14:3

Mɛmalé Gakelebale a a va léé, ’é go ko nya tɛrɛ ’ko ta yé wo ko gyɛ gwɔun nya, yé ko nanu valé kolé nénu é kɛlɛ gulizarafɛnu nyaa? Dé ko go ko pa gi Éjipiti tɛrɛ la, ’bɛ fila ’ka vɔ lɛ loo?

Mi Nɔnɔle 14:4

Yé wo lé ’wo ke lɛ léé: Kaa kaa nwiinzan do dɔ, yé kaa go kaa pa gi Éjipiti tɛrɛ la.

Mi Nɔnɔle 16:13

I ko si tɛrɛ nyɔnɔzan ta, léé, ko ga bwi gi, ’bɛ ’ka i yuɛ gi bɔ lɛ loo? ’Té i a duowo é plale ko nwiin?

Mi Nɔnɔle 20:4

Mɛmalé ka da Gakelebale lé munu nya bwi la ’ko, ko gale ana we ma, ko valé kolé trubɛnu nyaa?

Mi Nɔnɔle 21:5

yé wo we fe Gakelebale ma, yé wo we fe Moizi ma, yé wo léé: Mɛmalé ka ko si Éjipiti tɛrɛ la, léé, ko ga bwi la koo? Naa, fɛblele ’ka ana lo, yé ’yi ’ka ana lo, yé fɛ naané ’ko blele nɔla ko ’léé.

Kelewenu 13:41

’Kaa serelebofɛmazannu, ’ka nagini Yé ka gi ’é vuru ma, yé ka ta ’é saan munu lee ma; Naa, an dan nyanama do pa lɛ kazé bléyi va; Nyanama lé, dé wa zuo fe ka lɛ, ka ’ka dan pa lɛ a ta lo, yee lé.

1 Tɛsalɔnik munu 4:8

Bɛwemalé mian éé sɔn vɔa we plalenu ’ko ma, é ’ka sɔn vɔ lɛ mi ma lo, naa, Kazambale lé é Léli Sauun nɔ ka lɛ, é sɔn vɔ yee ɛ ma.

Jozué 24:27

Jozué lé munu faa lɛ léé: Ka ye, gɔlɛ ’ko, é dan kɛlɛ lɛ wenayezan nya ko ma, naa, dérenu faa lé Gakelebale a fe ko lɛ, é a ’ma, azama. É dan kɛlɛ lɛ wenayezan nya ka ma, té ka kɛlɛ tɔnégiplɛplɛzannu nya kalé Bale ma lo we gi.

1 Samuɛl 10:19

Yé kyɔ, ka a sɔn vɔna kalé Bale lé é ka si kalé nyanéblele faa valé kalé kleblele faa lee, a ma, yé ka lé a lɛ léé, ’i ’wo nwiinzan dɔ. Sin, ’ka da Gakelebale ’lɛ ka bɛn ma bɛn ma, mi wuru soru soru.

1 Samuɛl 2:30

Bɛwemalé Gakelebale, Izraɛl lé Bale léma: Maa lé turu léé, ilé munu valé i ti lé munu é dan vo lɛ an ’lɛ lɛɛfaama, ’bɛ glɛ ’ka lo. Gakelebale léé: Sin, ’bɛ ’ka an gi é dɛrɛ lo. Naa, mi lé é an lɛdɔama, maa dan ’bɛzan lɛdɔ lɛ a ma, yé mi lé é serele bo an ma, maa dan serele bo lɛ ’bɛzan ma.