Mi Nɔnɔle 11:2 - Kazambale lé Sebe Sauunu 1979

² Munu siaa Moizi lɛ. Moizi bazoro Gakelebale lɛ, yé kyɛ diri.

Mi Nɔnɔle 11:2 ပူးပေါင်းရင်းမြစ်များ

Lɛrɛvɔ Sɛbɛ 106:23

Amalé é léé, é dan wo kulu ga lɛ, Naa, fɛana lé Bale bli nwa wo ma, Moizi lé, Bale a si a va, é dɔ ’bɛna, Yé é alé bliflile wo ma nɔla, yé é alé wo kulu gale yi ga.

Fwile 10:18

Moizi si Faraɔn va yé é bazoro Gakelebale lɛ.

Fwile 34:9

É léé: Mizan, dé maa i yuɛi bɔ, Mizan ’é tawo ko va ma, naa, munu ’ko a wemaplɛplɛzannu nya; weplenu valé wenyanénu lé ko kɛlɛ, ’i ko ma we vo yé ’i ko si izé nya.

Ézai 37:4

Dérenu lé Rabasaké a fe, ’té azan, Asiri munu nwiinzan a nwunvɔ Bale yuɛmale sɔnɔle we gi bɛ, dé Gakelebale, ilé Bale a ’maa? Dé Gakelebale ilé Bale é dan we lɛdɔ lɛ wo gi, dérenu lé é a ’ma, wo we maa? Bɛwemalé, ko pɔné kiéné lé ko vo ’ko, ’i bazoro ko tɔ ma.

Jérémi 15:1

Gakelebale lé an lɛ léma: Dé é kɛlɛ kɔɔn léé, Moizi valé Samuɛl dɔ munu ’ko lé we gi an ’lɛ, an bli ’ka dan dɔrala lɛ munu ’ko ma lo. ’I wo bin an lɛ baa, ’wo si ana yé ’wo go ma.

Jérémi 37:3

Minwiinzan blɛn Sédésias Sélémia be Jukal valé Balebanzan Maaséja be Sofoni pa zia balelayezan Jérémi va a fele nya ’bɛ lɛ léé: Ko Gakelebale kolé Bale muun pa i ta.

Jérémi 42:2

’I kolé dunuvɔmadére nyi si. Ko faa lé ko vo ’ko, ’i go kolé muun nya Gakelebale ilé Bale va. Sin, i ’ka ko yé loo? Ko a é vinin kiɛre, yé sin, ko ’léé vo sɛné.

Mi Nɔnɔle 12:11

’Bɛ zuo, Arɔn lé Moizi lɛ léé: Anzan, ilé zanté, wenyané lé ko a kɛlɛ ’tu nya, yé ko kɛlɛ a gi wegyɛzannu nya, té bé dɔ ko nwiin lo.

Mi Nɔnɔle 12:13

Moizi siaa Gakelebale lɛ léé: Oo Bale, ilé zanté, ’i le ’ko béli ma.

Mi Nɔnɔle 21:7

Munu da Moizi va, yé wo léé: Ko wenyané kɛlɛ, naa, ko we fe Gakelebale ma yé ko we fe i ma. ’I bazoro Gakelebale lɛ, ’é méné ’konu si ko ma. Moizi bazoro munu tɔ ma.

Kelewenu 8:24

Simɔn lé a lɛ léé: Kabozen ’é zanté vɔ Mizambale lɛ an lɛ, yé we lé ka a fe, té a do kpen é bɔ an ma lo.

Ébrunu 7:26

Balebanmunu ’lɛzan ’ko zo, ’bɛ a kaazé nya é zima; é a sauun, we ’ka a nwiin lo, a bɔn gi tiri ’ka lo, é kan kini wenyanékɛlɛmunu ma, yé é a loru baa é mini lanu ta.

SEBE LÉ JAK A GYE (Épitre de Jacques) 5:16

Bɛwemalé, ’ka kalé wenyanénu fe ka ke lɛ, yé ’ka bazoro ka ke lé we ma, ka bélile we gi. Mi tegele lé bli faa nya bazorole ’lɛ éé dɔa é baba.

1 Jan 5:16

Wenyané lé ’bɛ ’ka mi no ga lɛ lo, dé mian é bwe ye a kɛlɛna, ’é bazoro, yé Kazambale é dan a béli lɛ. Wenyané lé ’bɛ ’ka mi no ga lɛ lo, munu lé wo ke ’bɛ kɛlɛna, ’bɛnu é dan béli lɛ. Wenyané do ana, ’bɛ éé mi no ga lɛ. Maa ’ka a fena léé, ka bazoro ’bɛ wenyané ma lo.