Mi Nɔnɔle 11:12 - Kazambale lé Sebe Sauunu 1979

¹² Maa ɛ munu ’ko bɔn sii? Maa ɛ wo yaa? Yé bé fé maa lɛ léé, an wo si an golɛ gi bélé lezan lé éé nyɔ dɔa élé né ’léé, a zo, yé i léé, an go wo nya fɔɔ tɛrɛ lé ibo ’nyɔɔn wo tranu lɛ léé, i dan a nɔ lɛ wo lɛ bɛ, a taa?

Mi Nɔnɔle 11:12 ပူးပေါင်းရင်းမြစ်များ

Wepélisiananu 13:15

Yé tɛrɛ faa lé bé ye, maa dan a nɔ lɛ bii koo, ilé nénu koo, ka lɛ, lɛɛfaama zé nya.

Wepélisiananu 24:7

Gakelebale, lagi Bale lé é an si an ti lé kɔn ’léé, é valé an lelenu va, ’té e we fe an lɛ yé ébo ’nyɔɔn an lɛ léé, ’é dan tɛrɛ ’ko nɔ lɛ an kulu lɛ, yeebozen é dan élé lanje nwunvɔ lɛ i ’lɛ; yé i dan le do si lɛ an be na nya ’bɛna.

Wepélisiananu 26:3

’I vo tɛrɛ ’ko la ’ko; maa dan kɛlɛ lɛ i va yé maa dan i drɔɔ vo lɛ, naa, maa dan tɛrɛ ’konu faa nɔ lɛ bii valé i kulu lɛ, yé gipawe lé maa a kɛlɛ i ti Abraam va, maa dan dɔ lɛ a ta.

Wepélisiananu 50:24

Jozɛfu lé é bwenu lɛ léé: An dan ga lɛ. Naa, Bale é dan bɔra lɛ ka va, yé é dan ka si lɛ tɛrɛ ’ko la, yé tɛrɛ lé Bale ’ébo ’nyɔɔn Abraam koo, Izak koo, Jakɔb koo, wo lɛ léé, ’é dan a nɔ lɛ wo lɛ bɛ, é dan go lɛ ka nya ’bɛna.

2 Minwiinzannu 10:1

Akab benu yɔ yaa wɔlɛ wu a Samari. Jizréɛl nwiinzannu koo, mi segelenu koo, Akab lé né pazannu koo, Jéu sɛbɛnu gyɛ yé é wo pa wo lɛ zia. É lé a gi léé:

2 Minwiinzannu 10:5

Yé kɔn ’léézan koo, fla nwiinzan koo, mi segelenu koo, né pazannu koo, wo we pa Jéu lɛ zia léé: Ko a i wuozannu nya, yé we faa lé bé fé ko lɛ, ko dan a kɛlɛ lɛ; ko ’ka dan mi do kpen dɔ lɛ minwiinzan blɛn nya lo, dé wean dɔ i gi wezin nya, bé kɛlɛ.

Fwile 13:11

Dé Gakelebale ka wɔra Kanaan munu lé tɛrɛ la, ébo ’nyɔɔn ka valé ka tranu lɛ fɛan zo, a zo, dé é nyaa tɛrɛ nɔle nya ka lɛ,

Fwile 13:5

Kanaan munu koo, Éti munu koo, Amoré munu koo, Éévi munu koo, Jébusinu koo, wolé tɛrɛ lé Gakelebale ébo ’nyɔɔn ka tranu lɛ léé, é dan a nɔ lɛ ka lɛ, dé ka wɔra yee tɛrɛ nyɔnɔzan ’ko ta, ka dan Gakelebale bɔ lɛ a bɔbɛ ’ko nya moné ’ko duo nya.

Fwile 33:1

Gakelebale lé Moizi lɛ léé: ’I go, bii valé munu lé i si wo nya Éjipiti tɛrɛ la, ’ka si ’ko, yé tɛrɛ lé maa anbo ’nyɔɔn léé, maa dan a nɔ lɛ Abraam koo, Izak koo, Jakɔb koo, wo kulu lɛ, ’ka go ana zia.

Fwile 6:8

Tɛrɛ lé maa anbo ’nyɔɔn léé, maa dan a nɔ lɛ Abraam koo, Izak koo, Jakɔb koo, wo lɛ, maa dan go lɛ ka nya ana; maa dan a nɔ lɛ ka lɛ kazé nya; maa, Gakelebale ɛ dan a kɛlɛ lɛ.

Ézai 40:11

É a bélé ’blatabinzan zo, é dan élé trubɛnu pa lɛ, É dan élé ’blanénu sia lɛ Yé é wo buvɔ ’é ma; Yé é dan go lɛ ’bla tinanu nya.

Ézai 49:15

Né lé lezan ke nyɔ dɔna a ’léé, a sele éé saan lezan gii? A nyanai ’ka zén‐é é giné ta loo? Dé a gi san a maoo, I sele ’ka dan saan lɛ an gi lo.

Ézai 49:23

Minwiinzannu valé wo lunu, wo dan kɛlɛ lɛ ilé nénu pazannu nya; Wo dan bua lɛ tɛrɛ va i ’lɛ, Yé wo dan vungoi flan lɛ i gane ma, Yé i dan a gi dɔɔ lɛ léé, maa lé ke Gakelebale nya, Yé munu faa lé wo bli ke an lɛ, yara ’ka dan wo gyɛ lɛ lo.

Ézékiɛl 34:23

Maa dan wo pa lɛ wo pazan do kpen lee, yee lé ke an leezan David nya. Yee ɛ dan wo pa lɛ, yé é dan kɛlɛ lɛ wo pazan nya.

WENÉNÉ LE JAN A GYE (Évangile selon Jean) 10:11

Maa a ’blatabinzan zima nya. ’Blatabinzan zima éé gaan ’élé ’blanu ta.

1 Korent munu 4:15

Munu lé woo we paan ka gi, dé wo kɛlɛ mi baa soru nyaoo, ka ti a do kpen duowo. Maa ɛ ka yaa Krist gi Wenéné fele nya.

Galasi munu 4:19

Ka a anlé nénu nya; kalé we ma lé maa a nyané blena é ziin né yaale lé nyanéblelenu zo, fɔɔ yé Krist ’é kɛlɛ ka bli gi.

Bélidɔwesɛbɛ Fiézan 1:31

yé bwi gi é ziin, ka a ye léé, Gakelebale kalé Bale ka si bélé mi é élé né sié fɛan zo, a zo, ta faa lé ka wo, a gi fɔɔ yé ka bɔ fɛkona ’ko.

1 Tɛsalɔnik munu 2:7

Naa, kolé we kɛlɛ ka méléna drɔɔ, bélé né pa le élé nénu paan fɛan zo drɔɔ, a zo.