Mi Nɔnɔle 11:1 - Kazambale lé Sebe Sauunu 1979

¹ Munu gun gyɛ, yé we ’ko ’ka sɔ lɛ Gakelebale lɛ lo. Gakelebale ’bɛ ’ma aan wo, a bli fli, yé é kyɛ bi wo méléna, yé é wolé fla san do ble.

Mi Nɔnɔle 11:1 ပူးပေါင်းရင်းမြစ်များ

Wepélisiananu 38:10

We lé é a kɛlɛ, é ’ka sɔ lɛ Gakelebale lɛ lo, yé Bale bɛ é gyɛ yé é ga.

2 Samuɛl 11:27

A zana gyɛbole nyaa aan wo, David mi pa zia léé, ’wo da a nya ’é va yé ’é da a nya kɔn gi. É a si é na nya yé é négɔné yaa a lɛ. We lé David a kɛlɛ, é ’ka sɔ lɛ Gakelebale lɛ lo.

2 Minwiinzannu 1:12

Éli a zi pa wo lɛ léé: Dé maa a Bale lé mi nya, kyɛ ’é si la gi yé ’é bii valé ilé mi yɔ fié wɔlɛ vu ble. Yé Bale lé kyɛ si la gi yé é yee valé élé mi yɔ fié wɔlɛ vu ble.

JOB (Job) 1:16

É a tan we fena, yé mi bɛ da yé ’bɛ léma: Kazambale lé kyɛ si la gi yé é dia ilé ’blanu valé i leemunu ta, yé é wo faa ble fian fian fian. Yé maa do ɛ so a la, yé an da a zuo fe lɛ i lɛ.

Lɛrɛvɔ Sɛbɛ 106:18

Yé kyɛ bi mi gu ’ko méléna, Yé kyɛnɛnɛ mi plenu ble.

Lɛrɛvɔ Sɛbɛ 78:21

Gakelebale a ’ma, yé a bli flile Kyɛ bi Jakɔb ma plaun, Yé alé bliflile nwa Izraɛl munu ma,

Lɛrɛvɔ Sɛbɛ 78:63

Kyɛ alé pɛniɛnu ble, Yé wo ’ka alé blɛnnu tɔ nwa lɛ lo;

Fwile 16:7

Yé tɛlɛ bladi ka dan Gakelebale lé plɛplɛ ye lɛ, gun lé ka a gyɛ Gakelebale ma, é a ’ma, azama; naa, ko a de ɛ nya yé ka gun gya ko maa?

Fwile 16:9

Moizi lé Arɔn lɛ léé: Bé fe Izraɛl lé nénu faa lɛ léé: ’Ka bié Gakelebale ’lɛ, naa, é kalé gun gyɛle ’ma.

Ézai 10:17

Izraɛl vakinisan é dan kɛlɛ lɛ kyɛ nya, yé alé Mi Sauun é dan kɛlɛ lɛ kyɛnɛnɛ nya, yé ’bɛ é dan Asirinu nwiinzan lé léliyilinu valé danannu ble lɛ yi do kpen nya.

Ézai 30:33

Maa miyilibanna ma’lɛrɛ ana mɔn Tofɛt; a ma a é ’lɛrɛle Asirinu nwiinzan lé we ma. A guru a, yé a laala a blɛn yé maa kyɛ zén yee miyilibanna ta di; maa, Gakelebale, maa dan kyɛ vɔ lɛ a ’léé an flin fu nya bélé povun kyɛ blɛn zo.

Ézai 33:14

Kana zén wenyanékɛlɛzannu gi Siɔn; Bale lé zi ma wenyanéfezannu ma a nyɔɔnna; ko va mi kyɛn ɛ bɔalɛ léé, é vo kyɛ lé é ke fɛ blena, a sɔnɔɔ? Ko va mi kyɛn ɛ bɔalɛ léé, é vo kyɛnɛnɛ lé é ’ka dirian lo, a sɔnɔɔ?

Jérémi Lé Wuvɔ Sɛbɛ 3:39

Mɛmalé blaminu woo voo gun gyɛna wolé tɛrɛla gii? É a lé wo we pla ’wobo lɛ, wolé wenyané ma.

Ézékiɛl 20:36

Fɛan zo lé maa ka tranu lé we ble bwi gi, Éjipiti tɛrɛ la, a zo duo lé maa dan kazé ble lɛ. A zo lé Mizan Gakelebale a fe.

Lévinu 10:2

Yé kyɛ si Gakelebale va yé é wo ble; wo ga Gakelebale ’lɛ.

Naum 1:5

Gɔnu ma éé nyɔɔn‐an a ’lɛ, Gɔpanénu ’yi éé boo, Tɛrɛ éé wuo vɔa a yuɛ va, Tɛrɛ valé é ta munu nya.

Abaku 3:5

Migyɛgyɛ éé tawoo a ’lɛ, Yé migyɛgyɛ éé tawoo a gane pa gi.

Mi Nɔnɔle 10:33

Wo si Gakelebale lé gɔ nwiin yé wo tawo yi yaa. Gakelebale lé gipawe pagikɛsu go wo ’lɛ. Wo tawo yi yaa wo nyanana naginile we ma.

Mi Nɔnɔle 11:18

Bé fe munu lɛ léé, ’wo kɛlɛ tegele tɛlɛ yi lé we ma, yé wo dan wi ble lɛ. Wa laa wuvɔle nya maa Gakelebale tɔné gi, ’té wa fé léé, de ɛ dan wi nɔ lɛ ’wo lɛ yé ’wa blee? Naa, ’wa yi la drɔɔ Éjipiti tɛrɛ la. Maa, Gakelebale ’é dan wi nɔ lɛ wo lɛ yé wa ble.

Mi Nɔnɔle 12:2

Wo léé: Moizi do lɔlu nya lé Gakelebale éé we féé? É ’ka we fé é ziin ko lɔlu nya loo? Yé Gakelebale a ’ma.

Mi Nɔnɔle 14:2

Izraɛlnu faa kun weblele ma Moizi valé Arɔn va, yé zén‐ékevamunu faa lé Moizinu lɛ léé: Dé ko ga kɔɔn Éjipiti tɛrɛ la, ’té ’bɛ a é zima. Yé dé ko ga kɔɔn bwi ’ko la, ’té ’bɛ a é zima.

Mi Nɔnɔle 14:22

Munu faa ’ko, wo anlé fuasan ye, é valé we blɛnblɛnnu lé maa a kɛlɛ Éjipiti tɛrɛ la valé bwi gi, wa ye; yé wo an gi dan tɛkɛ gɔnɔ vu, ’té wo ’ka ’wo tɔné dɔa an dére lɛ lo;

Mi Nɔnɔle 14:27

We lé zén‐ékevamunu nyané ’konu a blé an va bɛ, maa dan an ’wuo dɔ lɛ a wuo yifaamaa? An ma we lé Izraɛlnu a ble, maa a ’ma.

Mi Nɔnɔle 14:28

Bé fe wo lɛ léé: Gakelebale léma: ’é a é yuɛma; ka ’é ma we ble ’é tɔné gi fɛan zo bɛ, ’é dan a kɛlɛ lɛ ka lɛ a zo.

Mi Nɔnɔle 16:11

’Bɛ lé we ma lé bii valé i vamunu faa, ka zén ékeva Gakelebale ma. Naa, de ɛ ke Arɔn nya yé ka gun gyɛ a maa?

Mi Nɔnɔle 16:35

Yé kyɛ do si Gakelebale va, yé mi wuru do yɔ fié wɔlɛ vu lé woo Bale baan lasikɔrɔ nya, é wo ble.

Mi Nɔnɔle 17:5

Mi lé alé tawomayili é vwi bi, maa dan a si lɛ a va, yé maa dan Izraɛlmunu lé gun gyɛle nyaa lɛ.

Mi Nɔnɔle 21:5

yé wo we fe Gakelebale ma, yé wo we fe Moizi ma, yé wo léé: Mɛmalé ka ko si Éjipiti tɛrɛ la, léé, ko ga bwi la koo? Naa, fɛblele ’ka ana lo, yé ’yi ’ka ana lo, yé fɛ naané ’ko blele nɔla ko ’léé.

1 Korent munu 10:10

Té ka gun gyɛ lo, bélé fɛan zo lé wo va mi kenu gun gyɛ yé migyɛzan wo gyɛ, a zo lo.

Bélidɔwesɛbɛ Fiézan 25:18

wo da guli dan lɛ ka va zi ta, té Gakelebale lee kanale ’ka wo gi lo, yé wo baa ka ta ka zuozia, yé ka vamunu lé wo ke mɔnna zi zuo wo baa wo ta, ’té ka wɔlɛi nyaa ka ma, ’té ka fuu ’ka ka ta lo.

Bélidɔwesɛbɛ Fiézan 32:22

Wo kyɛ vɔ anlé bliflile ’léé, Yé é dan vo lɛ blena fɔɔ yé é bɔ migalenu nyanana wɔlɛ ma; É dan tɛrɛ valé étafɛnu ble lɛ, É dan gɔ pun faa ble lɛ.

Bélidɔwesɛbɛ Fiézan 9:22

Tabéra koo, Masa koo, Kibrɔt‐Ataava koo, ka Gakelebale blifliwe kɛlɛ wo faa na.

Ébrunu 12:29

Naa, kaalé Bale a é ziin kyɛ lé éé fɛ faa blé, a nya.

SEBE LÉ JAK A GYE (Épitre de Jacques) 5:4

Ka ye, nyanamapamunu lé wo kalé féifɛnu gyɛ, yé ’té ka ’ka wo gooli pa lɛ bɛ lo, wo ban a siaana, yé féifɛgyɛmunu lé siaalenu bɔ Sunyanuzan tɔné gi.

SEBE LÉ JUD A GYE (Épitre de Jude) 1:16

Wa gungyɛzannu nya; wa mi tidiannu lé woo tawoo ’wobo lé sɔlɛwe yɛrama, wo nya; dére blɛnblɛnnu a wo ’léé; woo munu ze vɔa gi la, tɔnɔfɛ yele we ma.